San Lucas 11

1 Jngoò k’a, Jesús tíjna jngoò i̱’nde ñánda tíchja̱t’aàâla̱ Nainá; k’e̱ nga jye kiìchja̱t’aàâla̱, jngoò xi̱ta̱ xi kota’yàt’aàâla̱ kitsòâla̱: âNa̱’èn, ta̱kóyaânáje̱n kó s’ín ki̱nókjoa̱t’aàâla̱je̱n Nainá koni s’ín kis’iìn Juan nga tsakóyaâla̱ xi̱ta̱ xi kota’yàt’aàâla̱. 2 Jesús kitsòâla̱: âK’e̱ nga ki̱nókjoa̱t’aàâlà, k’oa̱á s’ín tixón: Na̱’èn xi tijni ngajmiì, kàtayaxkónâla̱ kjoa̱jeyaâlè nga tsjeè tijni. Kàtjanchrobá kjo̱tíxomaâlè. K’oa̱s’ín kàtama i̱ i̱t’aà nangui koni s’ín mejènâlè nga ko̱ma, koni s’ín ma ján ngajmiì. 3 Tjiì kjit’aàânáje̱n ni̱ño̱ xi mochjeénânaje̱n nga na̱chrjein inchijòn. 4 Ti̱jchàat’aàânáje̱n jéâna̱je̱n koni s’ín nìjchàat’aàâla̱je̱n ngats’iì xi̱ta̱ xi ch’o síko̱ânaje̱n. Kì kiì biì’ndi yá xi mejènâla̱ nga kot’aàânaje̱n nga ki̱nchátsji jéâje̱n. 5 Jesús kitsòâìsaâla̱: âJñò, tsà tjín jngoòânò amigo, tsà osen ni̱tje̱n onguíchoòn, tsà k’oínâlà: “Amigo, ti̱kìña jànâná i̱nchra̱jínâlè, 6 jngoò amigoâna̱ kòf’iìkonâna koa̱ tsjìnâna mé xi tsjaàâla̱." 7 Tsà jè amigo xi tíjna i̱nga ni’ya, tsà ki̱tso̱: “Kì ‘a̱n nìjtiâná. Jè xotjoa̱ ni’ya jyeé tíchjoàjto. Jñà ndí i̱xtiâna̱ ko̱ ‘a̱n jyeé kinìkjáyaâje̱n. Mìkiì ko̱ma kósi̱tje̱en nga tsjaàâlè tsojmì xi mochjeénâlè." 8 K’oa̱á xánânò, na̱s’ín majìnâla̱ nga osítje̱n nga amigo tsa̱jòn, tsà ‘ñó si̱siìâlà, chaán ko̱sítje̱n. Tsjá yije mé xi mejènânò. 9 ‘K’oa̱á xanânò: Ti̱jé mé xi mejènânò, jè Nainá tsjáânò; ti̱nchátsjioò Nainá, sakóânò; ti̱nókjoa̱t’aàâlà Nainá mé xi mejènânò méâne skíx’a̱’ndeânò koni jngoò xotjoa̱. 10 Ngats’iì xi̱ta̱ xi síjé, tjoéâla̱, jè xi ótsji, sa̱kòâla̱ ko̱ jè xi chja̱t’aàâla̱ Nainá, tjáx’a̱’ndeâla̱ koni jngoò xotjoa̱. 11 ‘Jñò xi na̱’èn ‘mìânò, tsà i̱nchra̱jín si̱ìjéânò i̱xtiânò, ¿a nda̱jo̱ó k’oi̱âlà? Majìn. Koa̱ tsà ti̱n si̱ìjéânò, ¿a ye̱é k’oi̱âlà? Majìn. 12 Tsà chjo̱ó si̱ìjéânò, ¿a cho̱ na’yá k’oi̱âlà? Majìn. 13 Jñò, na̱s’ín xi̱ta̱ xi ch’o ’nè, maânò ‘biìâlà i̱xtiânò tsojmì xi ndaà kjoàn; jè Na̱’ènânò xi tíjna ngajmiì, ìsa̱á ni̱to̱n si̱ìs’inânò nga tsjáânò Ini̱ma̱ Tsjeèâla̱ tsà jñò si̱jét’aàâlà. 14 Jesús, tíhochrjejiìn ini̱ma̱ ch’oâla̱ nei̱í xi tíjiìn ini̱ma̱âla̱ jngoò xi̱ta̱ xi mìkiì ma chja̱. Xi̱ta̱ jè, k’e̱ nga jye itjokàjiìn jè ini̱ma̱ ch’oâla̱ nei̱í, komà kiìchja̱âne. Jñà xi̱ta̱ xi nchikotsejèn, tà kjòxkónâla̱ jè kjoa̱ jè. 15 Ta̱nga tjín i’nga xi̱ta̱ xi kitsò: âJè xi̱ta̱ sko̱âla̱ xi̱ta̱ nei̱í xi ‘mì Beelzebú, jè tsjáâla̱ nga’ñó nga k’oa̱s’ín ochrjekàjiìn ini̱ma̱ ch’oâla̱ nei̱í xi tíjiìn ini̱ma̱âla̱ xi̱ta̱. 16 Tjín i’nga xi̱ta̱ xi mejènâla̱ skót’aà tsà kixi̱ kjoa̱ nga Nainá kisìkasén Jesús; kisìjé jngoòâla̱ seña xi jeya tjín xi i̱t’aà ts’e̱ Nainá nchrobáâne. 17 Jesús, ti̱k’e̱é kijtseèyaâla̱ koni s’ín nchisíkítsjeèn xi̱ta̱ koi, kitsòâla̱: âNgats’iì na̱xa̱ndá xi jòya tjín nga kondra̱ títsa̱jnaâla̱ xíkjín, ti yijoâla̱á tísíkixòñaâne; ti̱koa̱á tsà jngoò ni’ya xi̱ta̱ xi jòya tjín nga kondra̱ títsa̱jnaâla̱ xíkjín ti̱koa̱á jngoò k’a tsjohoba xi̱ta̱. 18 Tsà ti̱koa̱ jè xi̱ta̱ nei̱í, tsà jòya tís’ín xi ti̱jèâne yijoâla̱. ¿Kós’ín ko̱ma s’e̱âla̱ nga’ñó nga ko̱tìxoma? Jñò, bixónânò nga ‘a̱n, ko̱ó nga’ñóâla̱ Beelzebú ochrjekàjñaà ini̱ma̱ ch’oâla̱ nei̱í. 19 Tsà k’oa̱s’ín tjín kjoa̱, jñà xi̱ta̱ tsa̱jòn, ¿yá xi tsjáâla̱ nga’ñó k’e̱ nga ochrjekàjiìn nei̱í? Koií kjoa̱âla̱, ti̱jñàâne xi̱ta̱ânò ke̱èno̱jmí nga mìtsà kixi̱ kjoa̱ nga jè sko̱âla̱ nei̱í sìkjeén. 20 Ta̱nga ‘a̱n, k’e̱ nga ochrjekàjñaà ini̱ma̱ ch’oâla̱ nei̱í xi tíjiìn ini̱ma̱âla̱ xi̱ta̱, jè Nainá tsjáâna nga’ñó. Jè kjoa̱ koi tsòyaáâne nga Nainá, jyeé i̱ tíhotíxoma i̱ i̱t’aà nangui. 21 ‘K’e̱ nga jngoò xi̱ta̱ xi tjínâla̱ nga’ñó ko̱ tjínâla̱ ki̱cha̱, ko̱ ndaà síkinda̱ ni’yaâla̱, ndaà jncha tsojmì xi tjínâla̱. 22 Ta̱nga tsà kjoi̱í jngoò xi kj’ei̱í xi̱ta̱ xi ìsa̱ tse nga’ñó tjínâla̱, si̱ìkijneâla̱, kjoa̱á’an yije ki̱cha̱ xi ma’ñót’aà takòn, i̱kjoàn si̱ìjòya yije tsojmì xi tjínâla̱; kji̱ko̱âné. 23 ‘Ni̱to̱n yá xi̱ta̱âne xi mì ‘a̱n fìt’aàâna, jèâné xi kondra̱âna̱; koa̱ ni̱ta̱ yá xi̱ta̱âne xi mìkiì síchját’aàâna nga bíxkóyako̱âna xi̱ta̱ xi ts’a̱n ko̱ma, jè tísítsjohoba xi̱ta̱. 24 ‘K’e̱ nga jngoò ini̱ma̱ ch’oâla̱ nei̱í bitjokàjiìn ini̱ma̱âla̱ jngoò xi̱ta̱, ya̱á ojmeè i̱’nde ñánda kixì choòn, ótsji’nde nga si̱ìkjáya. K’e̱ nga mìkiì sakó’ndeâla̱, ìjngoò k’a síkítsjeèn, tsò: “Kjínâla ìjngoò k’aâna̱ ni’yaâna̱ ñánda inchrobàâna." 25 K’e̱ nga bijchó ìjngoò k’aâne ni’yaâla̱, beè nga ndaà kisatiìcha ko̱ tsjeè choòn. 26 I̱kjoàn fìkjaá nguì itoò xíkjín xi ìsa̱ ch’o s’ín. K’e̱é fahas’enâjiìn ini̱ma̱âla̱ xi̱ta̱ jè; ya̱á bìtsa̱jna. Xi̱ta̱ jè, ìsa̱á ‘ñó ch’o bìjna koni s’ín tsibìjna nga sa̱ ítjòn. 27 Ti̱k’e̱âné nga tíbéno̱jmí Jesús jñà kjoa̱ koi, kiìchja̱ jngoò chjo̱ón xi ya̱ tíjnajiìnâla̱ xi̱ta̱ kjìn, ‘ñó kiìchja̱, kitsò: â¡Mé tà ndaàâla̱ jè chjo̱ón xi kisìkatsejènâlè i̱sò’nde ti̱koa̱ kisìkakiâlè! 28 Jesús kitsò: â¡Ãsa̱á ndaàâla̱ jñà xi̱ta̱ xi ’nchré ‘énâla̱ Nainá, ti̱koa̱ síkitasòn! 29 K’e̱ nga jye kòkjìn xi̱ta̱ ñánda tíjna Jesús, tsibíts’ia̱ nga kitsò: âXi̱ta̱ xi tjín na̱chrjein i̱’ndei̱, ch’oó s’ín; síjé jngoò seña xi i̱t’aà ts’e̱ Nainá, ta̱nga ni̱jngoò seña skoe̱. Tà jè skoe̱ seña ts’e̱ Jonás. 30 Koni s’ín komàt’in Jonás, jñà xi̱ta̱ na̱xa̱ndá Nínive kijtseè jngoò kjo̱xkón xi ndaà tjín, ‘a̱n xi Ki’ndíâla̱ Xi̱ta̱ xanâla̱ yijoâna̱, k’oa̱á ti̱s’ín tjín jè kjoa̱ xi sa̱ ko̱mat’ian; jñà xi̱ta̱ xi tjín i̱’ndei̱ skoe̱é kjo̱xkón xi ndaà tjín. 31 Jè chjo̱ón ítjòn xi ya̱ otíxoma nangui sur, ko̱sítje̱nâné jè na̱chrjein k’e̱ nga koi̱ìndaàjiìn Nainá; jè tsját’in ‘én jñà xi̱ta̱ xi tjín na̱chrjein i̱’ndei̱, koií kjoa̱âla̱ nga kjiìn nangui j’iìâne nga j’iì ’nchréâla̱ kjoa̱chji̱ne̱âla̱ Salomón; ta̱nga na̱chrjein i̱’ndei̱, ‘a̱n xi tìchjàko̱ânò, ìsa̱á ‘ñó jeya tìjna̱a mì k’oa̱áâne koni Salomón. 32 Jñà xi̱ta̱ na̱xa̱ndá Nínive ko̱sítje̱nâné jè na̱chrjein k’e̱ nga koi̱ìndaàjiìn Nainá; jñà tsját’in ‘én jñà xi̱ta̱ xi tjín na̱chrjein i̱’ndei̱, koií kjoa̱âla̱ nga kisìkájno jéâla̱ nga mì ti̱ jé tsohótsjiâne k’e̱ nga kiìchja̱ya ‘énâla̱ Nainá Jonás; ta̱nga na̱chrjein i̱’ndei̱, ‘a̱n xi tìchjàko̱ânò, ìsa̱á ‘ñó jeya tìjna̱a mì k’oa̱áâne koni Jonás. 33 ‘Ni̱jngoò xi̱ta̱ xi síkíjna’ma k’e̱ nga jngoò ni’ín bít’a’í. Mìtsà kaxa̱ síkíjnangui; síkíjna’ngaâné, candelero síkíjnaya méâne nga ko̱hiseèn yijeâla̱ xi̱ta̱ xi fahas’en ni’ya. 34 Jñà xkoaán, jè ma ni’ín xi síhiseènâla̱ yijoâná; k’e̱ nga ndaà tsejènâná, iseèn choòn yijeâla̱ yijoâná; ta̱nga tsà mìkiì ndaà tsejènâla̱ xkoiìn, jñò choònâla̱ yijoâlè. 35 Ndaà chítsejìn, ¿a ndaà tíjna ini̱ma̱âlè? ¿A iseèn choònâla̱? ¿A xi jñò choònâla̱? 36 Tsà iseèn choòn kóho̱kji yijoâlè, tsà mì ñánda tjít’aà xi jñò choòn, ndaà ko̱tsejìn k’oa̱á ngayaâla̱ koni tsà jngoò ni’ín xi ‘ñó títì tísíhiseènâlè. 37 K’e̱ nga jye kiìchja̱ Jesús, jngoò xi̱ta̱ fariseo kiìchja̱âla̱ nga mejènâla̱ ko̱kje̱nâko̱ ya̱ ni’yaâla̱. K’e̱ nga jahas’en ni’ya Jesús, tsibìjnat’aà ími̱xa̱. 38 Jè xi̱ta̱ fariseo, tà k’oa̱á komàâla̱ nga kijtseè nga jè Jesús, mìkiì kisìhitasòn kjo̱tíxoma xi xkón tjín, mìkiì tsaníjno tsja nga tsakjèn. 39 Kiìchja̱ Na̱’ènâná Jesucristo, kitsòâla̱: âJñò, xi xi̱ta̱ fariseo ‘mìânò, onìjnoò chi̱tsínânò ko̱ chro̱ba̱ânò ya̱ i̱sò’ngaâla̱, ta̱nga i̱jiìn ini̱ma̱ânò, ‘ñó fahajiìnânò nga chjaà’anâlà tsojmìâla̱ xi̱ta̱ xi kj’ei̱í ti̱koa̱á binchaàtsjioò kjoa̱ xi ch’o tjín. 40 Jñò xi xi̱ta̱ tòndo̱ ‘mìânò. ¿A mì tíjiìnânò: Nainá, k’e̱ nga tsibíndaà i̱sò’nga yijoâla̱ xi̱ta̱, ti̱koa̱á ti̱jèâne xi tsibíndaà ini̱ma̱âla̱? 41 Tjiìâlà xi̱ta̱ i̱ma̱ kjo̱ndaà xi tíjiìn ini̱ma̱ânò méâne nga tsjeè ki̱tsa̱jnaà nguixko̱n Nainá. 42 ‘¡I̱ma̱ xóânò xi xi̱ta̱ fariseo ‘mìânò! Nga maânò bíchjíâlà Nainá xi teya oko̱âla̱ ts’e̱ xka̱ menta ko̱ xka̱ ruda ngats’iì xka̱ xi ma chine, ta̱nga mìkiì kjoa̱ kixi̱ nìko̱o xi̱ta̱; mìkiì tjòcha ‘yaà Nainá. Koií kjoa̱ xi ‘ñó mochjeén nga ki̱tasòn; ti̱koa̱á mochjeénâné nga ki̱tasòn jñà kjoa̱ xi i’nga. 43 ‘¡I̱ma̱ xóânò xi xi̱ta̱ fariseo ‘mìânò! Nga mejènânò nga jñò ki̱tsa̱nè íxi̱le̱ xi jncha ítjòn ya̱ ni’ya i̱ngo̱ sinagoga, ti̱koa̱á mejènânò nga skoe̱xkónânò xi̱ta̱ xi kj’ei̱í, ndaà si̱ìxat’aàânò ya̱ ndi̱tsi̱n. 44 ‘¡I̱ma̱ xóânò jñò xi̱ta̱ xi okoòya kjo̱tíxomaâla̱ Nainá xi kiskiì Moisés ko̱ xi xi̱ta̱ fariseo ‘mìânò xi jò ma i̱sénânò! K’oa̱s’ín titsjoò koni kjoàn nga̱jo̱âla̱ mik’en nga mìkiì tsejèn; k’e̱ nga binchimasòn xi̱ta̱, mìkiì beè mé xi jnchaya. 45 K’e̱é kitsò jngoò jñà xi̱ta̱ chji̱ne̱ xo̱jo̱n: âMaestro, k’e̱ nga k’oa̱s’ín nokjoì, ti̱koa̱á ‘on nokjoàko̱ânáje̱n. 46 Jesús kitsò: âTi̱koa̱á, ¡i̱ma̱ xóânò jñò xi xi̱ta̱ chji̱ne̱ xo̱jo̱n ‘mìânò! Nga bìnèâlà kjo̱tíxomaânò xi̱ta̱ xi kj’ei̱í xi ‘ñó ‘in tjín nga mìkiì chíkjoa̱âla̱ nga síkitasòn, ta̱nga jñò, ni̱ i̱tsé nìchját’aàâlà. 47 ‘¡I̱ma̱ xóânò xi bìndaà chrjóâla̱ mik’en ts’e̱ jñà xi̱ta̱ xi kiìchja̱ ngajoâla̱ Nainá! Jñà xi̱ta̱ jchíngaânò kisìk’en. 48 K’oa̱á s’ín bitjo kixi̱ kjoa̱ nga tíjngoòâtakòn nga xi̱ta̱ jchínga tsa̱jòn kisìk’en xi̱ta̱ koi, koa̱ jñò, bìndaà chrjóâla̱ mik’en. 49 ‘Xi kjo̱hítsjeèn ts’e̱ Nainá kitsòâné xi i̱t’aà ts’e̱ xi̱ta̱ jchíngaânò ko̱ tsa̱jòn: “Siìkasén xi̱ta̱ xi ki̱chja̱ ngajoâna̱ ko̱ xi̱ta̱ xi ‘a̱n kotiìxáyaâla̱; ta̱nga tjín xi si̱k’en koa̱ tjín xi kondra̱ kjoi̱ tji̱nguiâla̱." 50 Nainá kinda̱á si̱ìjéâla̱ jñà xi̱ta̱ xi tjín i̱’ndei̱, jní xi kixíxteèn ngats’iì xi̱ta̱ xi k’en xi kiìchja̱ ngajoâla̱ Nainá skanda k’e̱ nga ti̱sa̱ kisindaà i̱sò’nde; 51 mats’ia̱ko̱âne Abel xi̱ta̱ xi k’en ítjòn skanda jè Zacarías xi jyehet’aàâne nga k’en; jè xi̱ta̱ xi k’en ya̱ i̱’nde jngoò osenâla̱ ñánda tíjna Ni’ya Tsjeèâla̱ Nainá ko̱ ñánda binchásòn kjo̱tjò xi tsjáâla̱ Nainá jñà xi̱ta̱. K’oa̱á xánânò, jè Nainá si̱ìjéâla̱ kinda̱ jñà xi̱ta̱ xi tjín i̱’ndei̱. 52 ‘¡I̱ma̱ xóânò jñò xi̱ta̱ xi okoòya kjo̱tíxomaâla̱ Nainá xi kiskiì Moisés! Binchachjoàâlà xi̱ta̱ xi kj’ei̱í nga mìkiì kjoa̱has’enâjiìnâla̱ kjoa̱ chji̱ne̱âla̱ Nainá; jñò, mìkiì bitjaàs’enâjñoò ko̱ mìkiì biì’ndeâlà xi kj’ei̱í xi̱ta̱ nga fahas’enâjiìn kjoa̱ chji̱ne̱âla̱ Nainá. 53 K’e̱ nga jye o̱kitsò Jesús jñà ‘én koi, jñà xi̱ta̱ xi okóya kjo̱tíxomaâla̱ Nainá ko̱ xi̱ta̱ fariseo ‘ñó tsibít’aàâla̱ nga kjìn sko̱ya kjoa̱ kiskònanguiâla̱, 54 ti̱koa̱ kisìkinda̱ nga skoe̱ mé ‘én xi ki̱chja̱âìsa méâne nga ko̱ma ko̱hònguiâne i̱t’aà ts’e̱ xi̱ta̱xá.