San Lucas 1

1 Kjoa̱ kixi̱ xi komà i̱jiìn na̱xa̱ndá i̱t’aà ts’e̱ Cristo, jye kjìn maâne xi̱ta̱ xi kiskiì chiba 2 koni s’ín tsakóyaânaje̱n jñà xi̱ta̱ xi xko̱n kijtseèâne skanda tàts’enâla̱ kjoa̱, ti̱jñàâne xi kis’eâla̱ xá nga kisìka’bí ‘én ndaàâla̱ Nainá xi kjoa̱ ts’e̱ Cristo. 3 Ngaji̱ Na̱’èn Teófilo xi ‘ñó ndeè, ti̱koa̱á ‘a̱n, ndaà sasénâna nga tìkjiìâlè xo̱jo̱n jè, koni s’ín tjín nga jngoò ìjngoò sko̱ya kjoa̱; ndaà tsohotsjìâjñaà yije skanda ti̱sa̱ tàts’enâla̱ kjoa̱ 4 méâne nga ìsa̱ ndaà jcha̱âne kjoa̱ kixi̱ xi nguì ko̱s’ín tjín, jñà ‘én xi k’oa̱s’ín tsakóyaâlè xi̱ta̱. 5 Koi na̱chrjein k’e̱ nga jè tíjna xi̱ta̱xá ítjòn Herodes ján nangui Judea, tíjna jngoò no̱’miì xi Zacarías ‘mì xi tje̱âla̱ ts’e̱ Abías. Jè Zacarías tjínâla̱ chjo̱ón xi Elisabet ‘mì xi ti̱koa̱ tje̱âla̱ ts’e̱ Aarón. 6 Jñà ingajò, xi̱ta̱ kixi̱âné nga nguixko̱n Nainá. Síkitasòn yijeâné ngats’iì kjo̱tíxomaâla̱ Nainá. 7 Tsjìnâla̱ i̱xti; jè Elisabet, chjo̱ón ’ndi̱âné; ingajò, jyeé ‘ñó xi̱ta̱ jchínga. 8 Jngoò na̱chrjein, jñà xi̱ta̱ no̱’miì xi síxákjoò Zacarías, jñà tsako̱âla̱ nga kisìxá nguixko̱n Nainá. 9 Koni s’ín tjín kjo̱tíxoma xi ts’e̱ no̱’miì Israel, tsako̱âla̱ suerte Zacarías nga jahas’en ni’ya tsjeèâla̱ Nainá, ya̱ i̱ya i̱ngo̱ ítjòn, nga jè ko̱kà chrjongóâla̱ Nainá. 10 Jè hora k’e̱ nga tì chrjongóâla̱ Nainá ngats’iì xi̱ta̱ na̱xa̱ndá, ya̱á títsa̱jna ndi̱tsin nga nchichja̱t’aàâla̱ Nainá. 11 Jè Zacarías tsatsejèn jngoòâla̱ àkja̱le̱âla̱ Nainá xi síjna kixi̱ ya̱ ngobà kixi̱âla̱ ñánda tìsòn chrjongóâla̱ Nainá. 12 Jè Zacarías k’e̱ nga kijtseè, tà kjòxkónâla̱, tà kitsakjònâné. 13 Ta̱nga jè àkja̱le̱âla̱ Nainá kitsòâla̱: âNgaji̱, Zacarías, kì tsakjoònâjèn; jè kjoa̱ bìtsi’baâlè jye kina’yàâla̱; jè chjo̱ónâlè Elisabet, jts’ín jngoòâla̱ ki’ndí x’i̱n; k’oa̱á s’ín kít’aà ‘ínâla̱ nga Juan k’oín. 14 ‘Ãó s’e̱âlè kjo̱tsja. Koi kjoa̱âla̱ nga jè ki’ndí xi jts’ín, kjìn xi̱ta̱ kjo̱tsjaâla̱. 15 Xi̱ta̱ ítjòn kíjna nga nguixko̱n Nainá; mìkiì xán sk’oí nga xó k’oa̱á s’ín kitjaàjiìnâne; Ini̱ma̱ Tsjeèâla̱ Nainá si̱jiìn ini̱ma̱âla̱ skanda ti̱k’e̱âne nga ti̱sa̱ tíjna’ya’ma i̱ndso̱’ba̱ nea̱âla̱. 16 Xi i̱t’aà ts’e̱, kjìn xi̱ta̱ na̱xa̱ndá Israel ko̱ófat’aàâla̱ Nainá. 17 Jè kjoi̱ ítjònâla̱ Na̱’ènâná. Si̱jiìn ini̱ma̱âla̱ nga’ñó xi kisìkjeén jè Elías xi̱ta̱ xi kiìchja̱ ngajoâla̱ Nainá. Ini̱ma̱âla̱ xi̱ta̱ jchínga, ’nchán si̱ìkítsa̱jnako̱ i̱xtiâla̱. Jñà xi̱ta̱ xi tájaàjiìn tjín ini̱ma̱âla̱ nga mìkiì síkitasòn, si̱ìkjatjìyaâla̱ kjo̱hítsjeènâla̱ méâne nga s’e̱âla̱ kjoa̱ chji̱ne̱ xi tjínâla̱ xi̱ta̱ kixi̱. K’oa̱á s’ín si̱ìkíyijòndaà xi̱ta̱ na̱xa̱ndá méâne nga kítsa̱jnandaàâne k’e̱ nga kjoi̱í Na̱’ènâná. 18 Zacarías kitsòâla̱ jè àkja̱le̱: â¿Kó s’ín skoeèâna tsà kixi̱ kjoa̱? ‘A̱n, jye ‘ñó xi̱ta̱ jchínga; ti̱koa̱á chjo̱ónâna̱ jye tífehet’aà na̱chrjeinâla̱. 19 Jè àkja̱le̱ kitsò: â‘A̱nâná Gabriel xi tìjna̱a nguixko̱n Nainá; kisìkasénâna nga kichjàko̱âlè, tsjaàâlè ‘én ndaàâla̱ Nainá. 20 I̱’ndei̱, kijna chi̱sínâné, mìkiì ko̱ma ki̱nókjoi̱i skanda k’e̱ nga ki̱jchò na̱chrjein nga ki̱tasòn ‘én koi, koií kjoa̱âla̱ nga mìkiì kòmokjeiínâlè ‘énâna̱ xi kàxanâlè. 21 Jñà xi̱ta̱ na̱xa̱ndá, nchikoñaâla̱ Zacarías. Kjònanguiâla̱ xíkjín nga tífìchrjeinâla̱ nga mìkiì xátí bitjoâne ni’ya tsjeèâla̱ Nainá. 22 K’e̱ nga jye itjoâne jyeé kjòchi̱sín; mì ti̱ kiì ma chja̱âne; jñà xi̱ta̱ xi nchikoñaâla̱ kis’ejiìnâla̱ nga tjín kjoa̱ xi kijtseè ya̱ i̱ya ni’ya tsjeèâla̱ Nainá; Zacarías tà jmeé chi̱sínâìsa tsja. K’oa̱á s’ín tsibìjna nga mìkiì komà kiìchja̱. 23 Zacarías, k’e̱ nga jye kisisòn jñà na̱chrjein nga kisìkitasòn xáâla̱, kiìâne ni’yaâla̱. 24 K’e̱ nga komà i̱skan, jè chjo̱ón Elisabet, ki’ndí ts’a; ‘òn sá mì ti̱ kiì itjoâne ni’yaâla̱. Kitsò: 25 “K’oa̱á s’ín kisìko̱âna jè Nainá xi i̱t’aà ts’a̱n: kijtseè i̱ma̱áâna nga kitsjaàâna kjo̱ndaàâla̱ méâne nga mì kiì ti̱ ko̱chrjekànguiâna xi̱ta̱." 26 K’e̱ nga ijchò joòn sá, jè àkja̱le̱ Gabriel, Nainá kisìkasén jngoò na̱xa̱ndá xi chja̱âne Galilea ñánda ‘mì Nazaret. 27 Kiìkon jngoò chjo̱ón xo̱ngó xi tjínâne nga jè ki̱xanâko̱ jngoò xi̱ta̱ xi ‘mì José xi tje̱âla̱ ts’e̱ xi̱ta̱xá ítjòn xi ki’mì David. Jè ‘ínâla̱ chjo̱ón xo̱ngó, María ‘mì. 28 Jè àkja̱le̱, k’e̱ nga jahas’en ni’ya nga kijtseèxkon María, kitsòâla̱: â¡Ndaàâlè, ngaji̱ xi ji̱ kitjoéâlè kjo̱ndaà jè! Nainá tíjnako̱âlè. Ngaji̱ xi ndaà kjòchikonât’in mì k’oa̱áâne koni íchjín xi kj’ei̱í. 29 Jè María k’e̱ nga kijtseèxkon, tà kjòxkónâla̱ koni s’ín kitsòâla̱ jè àkja̱le̱; kisìkítsjeèn kó tsòyaâne nga ko̱s’ín j’iì síhixat’aàâne. 30 Jè àkja̱le̱ kitsòâla̱: âMaría, kì tsakjoònâjèn, jye kitjoéâlè kjo̱ndaà nga nguixko̱n Nainá. 31 I̱’ndei̱ ko̱xk’énâné, ki’ndí jcha̱ jngoiì. K’oa̱á s’ín kít’iì ‘ínâla̱ nga Jesús k’oín. 32 Xi̱ta̱ ítjòn ko̱ma; Ki’ndíâla̱ Nainá k’oín xi ìsa̱ ‘ñó ’nga tíjna; Nainá, jè si̱ìnga̱tsja kjo̱tíxomaâla̱. Xi̱ta̱xá ítjòn kíjna koni s’ín tsibìjna David xi xi̱ta̱ jchíngaâla̱ komà. 33 Jè ko̱tìxomaâla̱ na̱xa̱ndá Israel. Kjo̱tíxomaâla̱ mì kì kjoe̱het’aà ni̱ta̱ kjéâne. 34 Jè María k’e̱é kitsòâla̱ àkja̱le̱: â¿Kó s’ín ko̱ma jè kjoa̱ koi? Nga mìtsà x’i̱n tjínâna. 35 Jè àkja̱le̱ kitsò: âJè Ini̱ma̱ Tsjeèâla̱ Nainá ki̱tjojenânèâlè. Jè nga’ñóâla̱ Nainá xi ‘ñó ’nga tíjna koi̱ìjtsat’inâlè koni jngoò ’nguiénâla̱ ifi méâne jè ki’ndí tsjeè xi jts’ín, Ki’ndíâla̱ Nainá k’oín. 36 Jè xingui̱i Elisabet xi chjo̱ón ’ndi̱, kò joòn sá tjínâla̱ nga ki’ndí ‘ya na̱s’ín jye ‘ñó xi̱ta̱ jchínga. 37 Xi i̱t’aà ts’e̱ Nainá, ni̱jngoò kjoa̱ xi mìkiì ko̱maâla̱ âkitsò àkja̱le̱. 38 K’e̱é kitsò María: â‘A̱nâná xi chjo̱ón chi̱’ndaâla̱ Nainá; k’oa̱s’ín kàtama koni s’ín kò’mìâná. Jè àkja̱le̱ ti̱nguixko̱ónâne kiìâne. 39 Na̱chrjein koi, jè María ni̱to̱ón kiì jngoò na̱xa̱ndá xi kijna’nchò nindoò ján nangui Judea. 40 Jahas’en ni’yaâla̱ Zacarías; kisìhixat’aà Elisabet. 41 K’e̱ kiì’nchré Elisabet nga kisìhixat’aà María, ki’ndí xi ‘ya, kiskì’nga i̱ya i̱ndso̱’ba̱. Jè ini̱ma̱âla̱ Elisabet ndaà kis’ejiìn Ini̱ma̱ Tsjeèâla̱ Nainá. 42 K’e̱é ‘ñó kiìchja̱, kitsò: â¡Nainá, ìsa̱á ‘ñó ndaà tísíchikonât’inâlè mì k’oa̱áâne koni jñà íchjín xi kj’ei̱í; ti̱koa̱á ki’ndíâlè xi tíjnaya i̱ndso̱’boì ‘ñó ndaà tímachikonât’in! 43 ¿Yáâná ‘a̱n? ¡Mé tà ndaà kòf’ìi̱jchonâná ji̱ xi nea̱âla̱ Na̱’ènâná! 44 Ti̱k’e̱âné nga kà’nchrè nga kànìhixat’aàâná, ki’ndíâna̱ kàkjì’ngaya i̱ndso̱’bà nga tsja kòmaâla̱. 45 ¡Mé tà ndaàâlè nga mokjeiínâlè ‘én xi kis’eno̱jmíâlè! Jè ‘én xi kiìchja̱ Nainá ki̱tasònâné âkitsò Elisabet. 46 Jè María kitsò: Ini̱ma̱âna̱ ‘ñó ’nga tísíkíjna Nainá. 47 Matsjaâna i̱t’aà ts’e̱ Nainá xi ochrjekátjìâna. 48 Kijtseè i̱ma̱áâna, ‘a̱n xi chjo̱ón chi̱’ndaâla̱ ma; i̱’ndei̱ skanda ni̱ta̱ kjéâne k’oa̱á s’ín ki̱tso̱âna xi̱ta̱: “Mé tà ndaáâla̱." 49 ‘Ãó ndaà tse kjoa̱ kisìko̱âna Nainá, jè, nga ìsa̱ tse nga’ñó tjínâla̱. Nainá, xi̱ta̱ tsjeèâné. 50 Tjín kjit’aàâla̱ kjo̱hi̱ma̱takòn i̱t’aà ts’e̱ jñà xi̱ta̱ xi beèxkón skanda tàts’enâla̱ kjoa̱ ni̱ta̱ kjéâne. 51 K’oa̱á s’ín okó nga tse nga’ñó tjínâla̱; jñà xi̱ta̱ xi ‘ñó ’nga ikon i̱jiìn ini̱ma̱âla̱, ochrjekàngui kjo̱hítsjeènâla̱. 52 Jñà xi̱ta̱xá ítjòn xi ’nga títsa̱jna, faáxìn kjo̱tíxomaâla̱, koa̱ jñà xi nangui títsa̱jna, ìsa̱á ’nga síkítsa̱jna. 53 Jñà xi̱ta̱ xi tsjìnâla̱ tsojmì xi kine, ‘ñó kjìn tsjáâla̱, koa̱ jñà xi̱ta̱ nchi̱ná, ni̱mé tsjáâla̱, tà síkasén tiyaáâne. 54 Nainá síchját’aàâla̱ na̱xa̱ndá Israel, jñà xi̱ta̱ chi̱’ndaâla̱; mìkiì síjchàajiìn nga tjòkeè Abraham, 55 ngats’iì tje̱âla̱ ni̱ta̱ mé na̱chrjeinâne. Nga Nainá, k’oa̱á s’ín kitsjaàâla̱ tso’ba jñà xi̱ta̱ jchíngaâná. Kitsò María. 56 Jè María, jàn sá tsibìjnako̱ Elisabet; k’e̱ komà i̱skan kiìâne ni’yaâla̱. 57 K’e̱ nga jye ijchò na̱chrjeinâla̱, Elisabet, kits’iìn jngoòâla̱ ki’ndí x’i̱n. 58 Nainá, ‘ñó ndaà kisìko̱. K’e̱ nga kiì’nchré xi̱ta̱ xíkjín ko̱ xi̱ta̱ i̱ndiì ni’yaâla̱ ti̱koa̱á kjòtsjaâla̱. 59 Nga komà jiìn na̱chrjein, kiìko̱ jè ki’ndí nga nguixko̱n no̱’miì, méâne nga kisit’aà chi̱ba̱âla̱ yijoâla̱ kjoa̱ ts’e̱ circuncisión. Jñà xi̱ta̱ xi kj’ei̱í, k’oa̱á s’ín mejèn tsibít’aà ‘ín koni ‘mì na̱’ènâla̱ nga Zacarías ‘mì. 60 Ta̱nga jè nea̱âla̱ kitsò: âMajìn, Juan k’oín. 61 Kitsò jñà xi̱ta̱ xi títsa̱jna: â¿Méâne ko̱s’ín k’oínâne? Ni̱jngoò xi̱ta̱ xingui̱i xi ko̱s’ín ‘mì ‘ínâla̱. 62 K’e̱é kitjònangui chi̱sínâla̱ na̱’ènâla̱ kó k’oín. 63 Zacarías kisìjé jngoò íteè nga kiskiìjno, tsibít’aà: “Juan ‘mì ‘ínâla̱.” Ngats’iì xi̱ta̱ xi ya̱ títsa̱jna, tà k’oa̱á komàâla̱. 64 Zacarías ti̱k’e̱éâne kitáx’a̱âne tso’ba ko̱ tsanìyáâne ni̱je̱n, i̱kjoàn komà kiìchja̱âne. K’e̱é kitsjaàâla̱ kjo̱ndaà Nainá. 65 Ngats’iì xi̱ta̱ xi títsa̱jna chrañà i̱ndiì ni’yaâla̱, tà kjòxkónâla̱ k’e̱ nga kiì’nchré nga jye ma kiìchja̱âne Zacarías. Xki̱ xi ján tsabísòn kjoa̱ koi kóho̱kji i̱nchò nindoò nangui Judea. 66 Ngats’iì xi̱ta̱ xi kiì’nchré kjoa̱ koi, tsohóko̱ i̱jiìn ini̱ma̱âla̱; kitsò: âJè ki’ndí, k’e̱ nga ko̱jchínga, ¿yá xi̱ta̱ xi ko̱ma? Nga jè nga’ñóâla̱ Nainá tíjnako̱. 67 Zacarías, na̱’ènâla̱ Juan, kisijiìn ini̱ma̱âla̱ Ini̱ma̱ Tsjeèâla̱ Nainá. Kiìchja̱ ngajoâla̱ Nainá, kitsò: 68 ¡Mé tà ndaà kjiâla̱ Na̱’ènâná jè xi Nainá tsòâla̱ na̱xa̱ndá Israel nga j’iì kíchjítjì na̱xa̱ndáâla̱ ti̱koa̱ j’iì síkíjnandei̱í! 69 Kitsjaà jngoòâná xi̱ta̱ xi tse nga’ñó tjínâla̱ nga j’iì kachrjetjìâná kjo̱’in xi kjoa̱ ts’e̱ jéâná, jè xi tje̱âla̱ David xi chi̱’ndaâla̱ Nainá tsibìjna. 70 Nainá kisìkjeén tso’ba jñà xi̱ta̱ tsjeèâla̱ xi kiìchja̱ ngajoâla̱. K’oa̱á s’ín kitsò nga ti̱sa̱ tàts’enâla̱ kjoa̱ nga 71 ko̱chrjekátjìâná i̱t’aà ts’e̱ xi̱ta̱ kondra̱âná, ko̱ xi̱ta̱ xi jtikeèâná. 72 K’oa̱á ti̱ kitsò Nainá nga skoe̱ i̱ma̱ jñà xi̱ta̱ jchíngaâná. Mìkiì si̱ìjchàajiìn jè ‘én xi kitsjaàâla̱ xi̱ta̱ jchíngaâná Abraham nga tsibíndaàjiìnâko̱ jngoò kjoa̱ tsjeè. 73 Nainá, k’oa̱á s’ín kitsjaàâla̱ tso’ba Abraham xi xi̱ta̱ jchínga kjiìnâná nga 74 si̱ìkítsa̱jnandei̱íâná ts’e̱ xi̱ta̱ kondra̱âná méâne nga mìkiì ki̱skoán nga si̱xáâlá. 75 Kjit’aà na̱chrjein tsjeè ki̱tsa̱jnaá ti̱koa̱ kixi̱ ki̱tsa̱jnaá nga nguixko̱n Nainá. Kitsò Zacarías. 76 K’e̱é kitsòâla̱ ki’ndíâla̱: Ngaji̱, si̱ìkjeénâlè Nainá xi ‘ñó ’nga tíjna nga ki̱nókjoa̱ ngajoâla̱. Ngaji̱í k’oín ítjònâla̱ Na̱’ènâná nga kíndiì ndi̱yáâla̱. 77 Kéno̱jmíâla̱ na̱xa̱ndáâla̱ kós’ín s’ín Nainá nga ko̱chrjekátjìâná jéâná. Nainá, ‘ñó tse kjo̱hi̱ma̱takòn tjínâla̱ nga síjchàat’aàâla̱ jéâla̱ jñà xi̱ta̱. 78 Nainá si̱ìkasén jngoòâná xi nchrobáâne ngajmiì. K’e̱ nga kjoi̱í, k’oa̱á s’ín si̱ìhiseènâla̱ xi̱ta̱ koni s’ín mahiseèn k’e̱ nga ta̱jñòya. 79 Jñà ko̱hiseènâla̱ kjo̱hítsjeènâla̱ xi̱ta̱ xi i̱’nde jñò títsa̱jnajiìn, ko̱ xi jye ndi̱yá kjoa̱ biyaà tjímaya. Ya̱á kji̱ko̱âná ndi̱yá ñánda tjín kjoa̱’nchán. Kitsò Zacarías. 80 Ki’ndí jè tímajchínga ti̱koa̱ tís’eâla̱ nga’ñó xi ts’e̱ ini̱ma̱âla̱. Ya̱á tsibìjna i̱’nde i̱t’aà xìn ñánda nangui kixì choòn skanda k’e̱ nga tsibíts’ia̱ nga tsibìjna osenâla̱ na̱xa̱ndá Israel.