Santiago 5

1 Jñò xi xi̱ta̱ nchi̱ná ‘mìânò, ti̱ná’yaà ‘én xi xánânò. Chìhindáyaà ba ba i̱t’aà ts’e̱ kjo̱’in xi si̱kjioón. 2 Kjoa̱ nchi̱náânò, ni̱mé chjíâla̱, tíbi’ndoâné. Nikje xi kichíkjá, jye nchisíkje cho̱ kixo. 3 To̱n oroânò ko̱ to̱n plataânò jyeé tímachi̱. Jè na̱chrjein k’e̱ nga si̱ndaàjiìn, jñà chi̱âla̱ ko̱chjeén xi kondra̱ tsa̱jòn. Ko̱ó ni’ín ko̱kà yije yijoânò. Nga jñò, titsa̱bincháxkó to̱n na̱s’ín jye tífehet’aà na̱chrjein. 4 Jñà xi̱ta̱ chi̱’nda xi kisìxá nanguiânò, nchikjindáya nga ótsjiya chjíâla̱ nga jñò kichona̱cha̱nâlà. Nainá xi ts’e̱ yije nga’ñó xi tjín, jyeé kiì’nchréâla̱ koni s’ín nchikjindáya. 5 Jñò, nga i̱ titsa̱jnaà i̱t’aà nangui, ndaà titsa̱jnaà nga ni̱mé chijaânò, ‘bìâla kjo̱tsja yijoânò. Titsa̱nìsiínâlà ini̱ma̱ânò nga ‘bìâlà kjo̱tsja xi síjé k’oa̱á ngayaâla̱ koni cho̱ xi mìkiì tíjiìnâla̱ tsà jye ijchò na̱chrjeinâla̱ nga ki̱yá. 6 Jñò, tsohònèâlà jé koa̱ kinìk’eèn jñà xi xi̱ta̱ kixi̱ xi mì jé tjínâla̱. Jñà xi̱ta̱ koi, mì kì komà tsasìko̱ yijoâla̱. 7 Jñò ndí ’ndsè, chíñakjoa̱a kóni skanda k’e̱ nga kjoi̱í ìjngoò k’a Na̱’ènâná. K’oa̱s’ín chíña koni s’ín xi̱ta̱ xi síxáko̱ nangui nga koñakjoa̱âla̱ jè jtsí xi ‘ba ítjòn ko̱ xi i̱skan ‘ba nga síxáko̱ jñà tsojmì tjè méâne nga ko̱ma koi̱ìxkóâne tsojmì tjèâla̱ xi majchá nga ‘ñó chjíâla̱. 8 Jñò, k’oa̱á ti̱s’ín chíñakjoa̱a, ‘ñó t’èâlà takòn nga jyeé nchrobá machrañà nga kjoi̱í ìjngoò k’a Na̱’ènâná. 9 Ndí ’ndsè, kì xki̱ xi ján tsajét’aàâlà xinguio̱o, méâne nga mì kjo̱’in si̱nèânò. Nga̱ jè Na̱’ènâná jyeé tíjnandaà nga kjoi̱í méâne koi̱ìndaàjiìnâla̱ xi̱ta̱. 10 Ndí ’ndsè, jñò, k’oa̱á s’ín t’e̱en koni s’ín kis’iìn jñà xi̱ta̱ xi kiìchja̱ ngajoâla̱ Nainá nga kichìkjoa̱ko̱âla̱ nga kisìkjeiín kjo̱’in koií kjoa̱âla̱ nga ‘énâla̱ Nainá kiìchja̱ya. 11 K’oa̱á s’ín ‘yaâla̱ nga jñà xi̱ta̱ xi chíkjoa̱ko̱âla̱ kjo̱’in, s’e̱éâla̱ kjo̱ndaà. Jyeé tíjiìnânò nga jè Job k’oa̱á ti̱s’ín kichìkjoa̱ko̱âla̱ kjo̱’in. Ko̱ jyeé ‘yaà mé xi kitsjaàâla̱ Na̱’ènâná k’e̱ nga jyehet’aàâne kjoa̱. Na̱’ènâná ‘ñó ndaà xi̱ta̱, tjínâla̱ kjo̱hi̱ma̱takòn. 12 Jñò ndí ’ndsè, k’e̱ nga ‘bioò ‘énânò, kì yá xi nìkítsa̱jna ítjòn. Kì jè ngajmiì ko̱ nangui, o xi kj’ei̱í tsojmì nìkjeén. Tà k’oa̱á s’ín tixón: “Jon”, o xi “Majìn”, méâne nga mì kjo̱’in si̱nèânò tsà mìkiì ki̱tasòn. 13 Tsà tjín i’nga xi̱ta̱ xinguio̱o xi ba tjínâla̱, kàtítsi’baâla̱ Nainá. Tsà tjín i’nga xi tsja tjínâla̱, kàtaseèâla̱ Nainá nga jeya kàtasíkíjna. 14 Tsà tjín i’nga xi̱ta̱ xinguio̱o xi xk’én, kàtakinìkjaá xi̱ta̱ jchínga xi tjínâla̱ xá ya̱ i̱jiìn na̱xa̱ndáâla̱ Cristo méâne nga katítsi’batjìâne ko̱ i̱t’aà ts’e̱ nga’ñóâla̱ Na̱’ènâná kàtasíkájnoâla̱ asìti̱. 15 K’e̱ nga bìtsi’batjiò xi̱ta̱, tsà ndaà mokjeiínânò, jè xi̱ta̱ xi xk’én ko̱ndaàâne. Jè Na̱’ènâná si̱ìndaàâne nga ko̱ma ko̱sítje̱nâne. Tsà jé tjínâla̱ jcha̱t’aàâla̱ jéâla̱. 16 Chja̱hatakònâlà xi̱ta̱ xinguio̱o jéânò. Ti̱koa̱ titsi’batjiò xinguio̱o méâne nga ko̱ndaàânò. K’e̱ nga jngoò xi̱ta̱ kixi̱ bítsi’ba, tjínâla̱ nga’ñó nga ki̱tasòn. 17 Jè xi̱ta̱ xi kiìchja̱ ngajoâla̱ Nainá xi ki’mì Elías, k’oa̱á ti̱s’ín xi̱ta̱ koni jñá. ‘Ãó kisìjét’aàâla̱ Nainá nga mì ti̱ jtsí k’oa̱âne; ko̱ ján nó osen mì ti̱ kiì ts’aâne jtsí. 18 Ãjngoò k’a tsibítsi’baâla̱ Nainá nga kàt’a jtsí. Ts’aá ìjngoò k’aâne jtsí ko̱ jè nangui kòjchá tsojmì tjè. 19 Ndí ’ndsè, tsà tjín i’nga xinguio̱o xi chinchat’aàxìnâla̱ xi kjoa̱ kixi̱, koa̱ tsà jngoò xi̱ta̱ ki̱chja̱âla̱ nga kàtjanchrobát’aà ìjngoò k’aâla̱ Nainá, 20 jè xi̱ta̱ xi ki̱chja̱âla̱ nga ke̱èno̱jmíâla̱ nga ch’o tjín ndi̱yá xi tsó’baya, k’oa̱s’ín kàtasijiìnânò nga jngoò xi̱ta̱ tíhochrjekàjiìn kjo̱’in xi ts’e̱ kjoa̱biyaà. ‘Ãó kjìn jé jcha̱t’aàâla̱.