Hebreos 1

1 Nga ti̱sa̱ kjòtseé, jè Nainá kjìn k’a kiìchja̱âla̱ xi̱ta̱ jchíngaâná nga jñà kisìkjeén xi̱ta̱ xi kiìchja̱ ngajoâla̱, nga kjìn ska̱ya tjínâne kós’ín kiìchja̱âla̱. 2 Ta̱nga i̱’ndei̱, nga tífehet’aà na̱chrjein, Nainá, jè ki’ndíâla̱ tísíkjeén nga tíchja̱ko̱âná ko̱ ti̱jèâne ki’ndíâla̱ kisìkjeén nga tsibíndaà i̱sò’nde ko̱ jè kjònga̱tsja ngats’iì nga yije tsojmì xi tjín i̱sò’nde. 3 Ko̱ jè Ki’ndí xi okó jè kjoa̱ i̱sén ko̱ kjoa̱ jeyaâla̱ Nainá; ko̱ i̱t’aà ts’e̱é ‘yaâná kó kji kjoànâne Nainá. I̱t’aà ts’e̱ nga’ñó xi tjínâla̱ ‘énâla̱ Cristo síjnangui’ñóâla̱ i̱sò’nde. K’e̱ nga jye kitsjaà kjo̱tjò yijoâla̱ nga kisìtsjeèâná jéâná, i̱kjoàn tsijin ngajmiì nga tsibìjnat’aà chrja kixi̱âla̱ Nainá. 4 Nga jè Ki’ndíâla̱ Nainá tíjna ítjòn; ìsa̱á ‘ñó ’nga tíjna mì k’oa̱âne koni jñà àkja̱le̱, koií kjoa̱âla̱ nga ìsa̱á ‘ñó ’nga tíjna jè ‘ín xi kitjoéâla̱. 5 Nga jè Nainá, ni̱jngoò k’a k’oa̱s’ín kitsò jngoòâla̱ àkja̱le̱: Ji̱âné xi ki’ndíâna̱ xanâlè, ‘a̱nâná Na̱’ènâlè. Ti̱koa̱á ni̱jngoò àkja̱le̱ xi kitsòâla̱: ‘A̱án ko̱ma Na̱’ènâla̱, jè ko̱ma ki’ndíâna̱. 6 K’e̱ nga kisìkasén ki’ndítjònâla̱ i̱ i̱sò’nde ti̱koa̱á k’oa̱á s’ín kitsò: Ngats’iì àkja̱le̱âna̱ kàteèxkón. 7 I̱t’aà ts’e̱ àkja̱le̱, k’oa̱á tsò: Nainá, maáâla̱ tjo̱ s’ín àkja̱le̱âla̱; jñà chi̱’ndaâla̱ maáâla̱ ni’ín s’ín. 8 Ta̱nga i̱t’aà ts’e̱ ki’ndíâla̱ tsòâné: Ji̱âné xi Nainá, kixi̱í ko̱ti̱xomai ni̱ta̱ kjéâné. 9 Matsjachaâné kjoa̱ xi ndaà tjín ko̱ majtichaâné kjoa̱ xi ch’o tjín; koií kjoa̱âla̱, ‘a̱n xi Nainá ‘mìâna̱ xó jaàjiìnâlè nga ìsa̱ ndaà jcha̱xkónâlè méâne nga ìsa̱ tse kjo̱tsja s’e̱âlè koni jñà xi̱ta̱ xingui̱i xi báhijtako̱âlè. 10 Ti̱koa̱á tsòâné: Ji̱ Na̱’èn xi Nainá ‘mìâlè nga ji̱ otìxomai, nga sa̱ tàts’enâla̱ kjoa̱, ji̱í tsibìndiì i̱sò’nde, ti̱ji̱íâne xi tsibìndiì ngajmiì. 11 Ngaji̱ ki̱jnaâné ni̱ta̱ mé na̱chrjeinâne. Ta̱nga jè i̱sò’nde ko̱ ngajmiì kjoe̱het’aàâné; k’oa̱á s’ín ko̱jchá koni ma nikje nga ma jchínga. 12 K’oa̱á s’ín kíxkóyi koni jngoò x’ió, k’oa̱á s’ín si̱kjatjìyi koni s’ín fatjìya nikje. Ta̱nga ngaji̱ mì kì kjoa̱tjìyaâlè ni̱ta̱ kjéâne ko̱ jñà na̱chrjeinâlè mìkiì kjoe̱het’aà. 13 Nainá ni̱ saà jngoò k’a kitsòâla̱ jngoò àkja̱le̱âla̱: Ti̱jnat’eiì chrja kixi̱âna̱ skanda k’e̱ nga sìkíjnanguia kondra̱âlè ya̱ ñánda nga nchasòn ndso̱koiì. 14 Ngats’iì àkja̱le̱, ini̱ma̱âné nga síxáâla̱ Nainá; jñà nìkasén nga síchját’aàâla̱ jñà xi̱ta̱ xi tjoéâla̱ kjo̱ndaà nga bitjokàjiìn kjo̱’in kjoa̱ ts’e̱ jéâla̱.