Hechos 5

1 Ta̱nga ìjngoò xi̱ta̱ x’i̱n xi ‘mì Ananías ko̱ chjo̱ónâla̱ Safira, ti̱koa̱ tsatíjna jngoò ’nde nanguiâla̱. 2 Xi̱ta̱ jè tsajoóyaâne ko̱ chjo̱ónâla̱, tsibí’ma chiba to̱n chjíâla̱ nangui. Tà chiba j’iìko̱ nga kisìnga̱tsja jñà xi̱ta̱ xi tsibíxáyaâla̱ Jesús. 3 Jè Pedro kitsò: âJi̱ Ananías, ¿méâne kòbiì’ndeâne nga xi̱ta̱ nei̱í kòfahas’enâjiìn ini̱ma̱âlè nga mejènâlè kachona̱cha̱nâla̱ Ini̱ma̱ Tsjeèâla̱ Nainá nga kòbì’ma chiba to̱n chjíâla̱ nangui? 4 ¿A mìtsà tsi̱ji nangui? K’e̱ nga jye kòhotijni, ¿a mìtsà tsi̱ji to̱n? ¿Méâne k’oa̱s’ín kànìkítsjeènâne i̱jiìn ini̱ma̱âlè? Mìtsà ta̱xki̱ xi̱ta̱ mejènâlè kachona̱cha̱nâla̱, jè sobà Nainá. 5 Jè Ananías, k’e̱ nga kiì’nchré ‘én koi, kiskaàjndoòt’aà nangui, k’en. Ngats’iì xi̱ta̱ xi kis’ejiìnâla̱ kjoa̱ xi komà, ndaà jchán kitsakjòn. 6 K’e̱é j’iì i’nga i̱xti x’i̱n xi kisìkájté nikje yijoâla̱ Ananías; tsachrje ni’ya, nga kiì kíhijiìn. 7 Tjínâla̱ tsà jàn hora nga j’iì Safira chjo̱ónâla̱ Ananías; mìkiì tíjiìnâla̱ mé kjoa̱ xi komà. 8 Pedro kiskònanguiâla̱ kitsòâla̱: â¿A k’oa̱á tjín kòhotijnaânò nanguiânò koni tjín bixón? Jè chjo̱ón kitsò: âJon, k’oa̱á tjín kòhotijnaâna̱je̱n. 9 Jè Pedro kitsòâla̱: â¿Méâne k’oa̱s’ín kàchibàyaânò? ¿A k’oa̱á s’ín kànìkítsjeèn nga ma chóna̱cha̱nâlà jè Ini̱ma̱ Tsjeèâla̱ Nainá? Chítsejénâla̱ jñà i̱xti xi nchajto xotjoa̱ ni’ya. Jñà kòfì kíhijiìn x’i̱nâlè; ti̱koa̱á ngaji̱, jñà kji̱ko̱âlè. 10 Chjo̱ón jè, ni̱to̱ón kiskaàjndoòt’aà nangui ya̱ ñánda síjna Pedro; k’en. K’e̱ nga jahas’en ni’ya jñà i̱xti x’i̱n, kijtseè nga jye k’en; tsachrje ni’ya; kiì kíhijiìnât’aàâla̱ x’i̱nâla̱. 11 Ngats’iì xi̱ta̱ na̱xa̱ndáâla̱ Cristo ko̱ ngats’iì xi̱ta̱ xi kiì’nchré kjoa̱ koi, ndaà jchán kitsakjòn. 12 Jñà xi̱ta̱ xi tsibíxáyaâla̱ Jesús, kjìn kjo̱xkón xi okó kjoa̱jeyaâla̱ Nainá kis’iìn nga nguixko̱n xi̱ta̱ na̱xa̱ndá. Ngats’iì xi̱ta̱âla̱ Cristo, ya̱á bixoña kjit’aà ya̱ i̱ngo̱ ítjòn ya̱ nguitjoa̱âla̱ xi ‘mì Salomón. 13 Jñà xi̱ta̱ xi mìkiì mokjeiínâla̱ i̱t’aà ts’e̱ Cristo, ni̱jngoò kjò’ñóhikon nga ya̱ kiìt’aàâla̱ jñà xi̱ta̱âla̱ Cristo. Ta̱nga jñà xi̱ta̱ na̱xa̱ndá, ‘ñó ndaà kijtseèxkón jñà xi̱ta̱âla̱ Cristo. 14 Ta̱nga jñà xi̱ta̱ xi kòkjeiínâla̱ i̱t’aà ts’e̱ Cristo, íchjín íchjá, ìsa̱á ‘ñó kòkjìnâyaâìsa̱. 15 Jñà xi̱ta̱ tsachrje xi̱ta̱ xi xk’én ya̱ i̱ya ndi̱yá; kisìkáyijòsòn na̱chan ko̱ nijñaà méâne k’e̱ nga kjoa̱ Pedro, na̱s’ín tà jè ’nguiénâla̱ ska̱t’aà i’ngaâla̱ jñà xi̱ta̱ xk’én. 16 Ti̱koa̱ kjìn xi̱ta̱ j’iì ya̱ Jerusalén xi inchrobàâne na̱xa̱ndá xi kjiyijòt’aà chrañàâla̱; j’iìko̱ xi̱ta̱ xi xk’én ko̱ jñà xi ini̱ma̱ ch’oâla̱ nei̱í nchibeètoòn; ngats’iì xi̱ta̱ koi kjòndaà yijeéâne. 17 Jè no̱’miì ítjòn ko̱ ngats’iì xi̱ta̱ xi ya̱ báhijtako̱, jñà xi ya̱ chja̱âne i̱t’aà ts’e̱ xi̱ta̱ saduceo, kjòchi̱ni̱keé jñà xi̱ta̱ xi tsibíxáyaâla̱ Jesús. 18 Kitsobà’ñó; kiìko̱; kiskinìs’en nda̱yá xi ts’e̱ na̱xa̱ndá. 19 Ta̱nga k’e̱ nga jye kòjñò, jngoò àkja̱le̱âla̱ Nainá ijchò kíx’a̱âla̱ xotjoa̱ nda̱yá. Tsachrje xi̱ta̱ koi; kitsòâla̱: 20 âTanguió, ti̱nchajtoò xotjoa̱ i̱ngo̱ ítjòn. Tèno̱jmí yijeâlà xi̱ta̱ na̱xa̱ndá kós’ín kítsa̱jnakon xi̱ta̱ i̱t’aà ts’e̱ Cristo. 21 K’e̱ nga kiì’nchré ‘én koi, nga komà nchijòn, ta̱jñòyaá kiì ya̱ i̱ngo̱ ítjòn, i̱kjoàn tsibíts’ia̱ nga tsakóyaâla̱ xi̱ta̱. Ti̱k’e̱âne chixoña jè no̱’miì ítjòn, ngats’iì xi̱ta̱âla̱ xi ya̱ títsa̱jnako̱. Kiìchja̱âla̱ ngats’iì xi̱ta̱xá ko̱ xi̱ta̱ jchínga ts’e̱ na̱xa̱ndá Israel; i̱kjoàn kiskinìkjaá jñà xi̱ta̱âla̱ Cristo xi títsa̱jna’ya nda̱yá. 22 Ta̱nga k’e̱ nga ijchò jñà policía, mìkiì kisakòâla̱ jñà xi̱ta̱ xi títsa̱jna’ya nda̱yá; tà k’oa̱á s’ín inchrobàâne; kitsjaà o̱kixi̱ nga mì ti̱ yá tjínâne. 23 Kitsò: âK’e̱ nga kòbijchòâje̱n, ndaà tíchjoàjto xotjoa̱âla̱ nda̱yá. Jñà xi̱ta̱ soldado xi síkinda̱, ya̱á nchajto xotjoa̱, ta̱nga k’e̱ nga kòbitjaàs’enâje̱n mì ti̱ yá xi̱ta̱ tjínâne i̱ya nda̱yá. 24 K’e̱ nga kiì’nchré ‘én koi, jè no̱’miì ítjòn ko̱ no̱’miì xi i’nga ko̱ jè xi̱ta̱ sko̱âla̱ policía xi síkinda̱ i̱ngo̱ ítjòn, tà k’oa̱á komàâla̱ nga mìkiì machi̱yaâla̱ kós’ín ko̱ma nga kjoe̱het’aà kjoa̱ koi. 25 Ti̱k’e̱éâne j’iì jngoò xi̱ta̱ xi j’iì kéno̱jmí, kitsò: âJñà xi̱ta̱ xi kichinìs’en nda̱yá ngojña̱, ya̱á títsa̱jna i̱ngo̱ ítjòn nga nchihokóyaâla̱ xi̱ta̱ na̱xa̱ndá. 26 K’e̱é kiì jè xi̱ta̱ sko̱âla̱ policía xi síkinda̱ i̱ngo̱, kjihijtako̱ jñà policía xi i’nga nga kiìkjaá Pedro ko̱ Juan. Tà kjo̱ndaá inchrobàko̱. Jñà tsakjónâla̱ xi̱ta̱ na̱xa̱ndá tsà nda̱jo̱ koi̱ì’nè nga si̱ìk’en. 27 K’e̱ nga j’iìko̱, chinchá osen ñánda nchijoóyaâne. Jè no̱’miì ítjòn kitsòâla̱: 28 â¿A mìtsà k’oa̱s’ín ki’mìânòje̱n nga jngoò k’a mì ti̱ k’oa̱á tsòâne ‘én xi ko̱kóya i̱t’aà ts’e̱ Jesús? I̱’ndei̱, kóho̱kji Jerusalén, jyeé titsa̱chinìsòn yije kjo̱tíxomaânò; ti̱koa̱á mejènânò ngaje̱n chinì’nèânáje̱n nga k’en xi̱ta̱ xi ‘mì Jesús. 29 Jè Pedro ko̱ xi̱ta̱ xi i’nga xi ta̱ña tsibíxáyaâla̱ Cristo kitsò: âÃsa̱á ‘ñó mochjeén nga jè Nainá si̱kitasònâla̱je̱n mì k’oa̱áâne koni xi ta̱xki̱ xi̱ta̱. 30 Jè xi Nainá tsòâla̱ xi̱ta̱ jchíngaâná kisìkjaáyaâla̱ Jesús i̱t’aà ts’e̱ kjoa̱biyaà, ti̱jèâne Jesús xi jñò kinìk’eèn nga tsakat’aà krò. 31 Nainá, ‘ñó jeya kisìkíjnat’aà chrja kixi̱âla̱. Xi̱ta̱xá ítjòn kisìkíjna. Ti̱koa̱á jè kisìkíjna nga jè ko̱chrjekàjiìnâná kjo̱’in. K’oa̱á s’ín kis’iìn Nainá, méâne nga jñá xi na̱xa̱ndá Israel ‘mìâná si̱kájnoaá jéâná; mì ti̱ jé ki̱nchátsjiâná nga si̱ìjchàat’aàâná Nainá jé xi tjínâná. 32 K’oa̱á s’ín bèno̱jmíânòje̱n kjoa̱ koi xi xkoòn ki’yaâna̱je̱n. Ti̱koa̱ béno̱jmí kixi̱âné jè Ini̱ma̱ Tsjeèâla̱ Nainá xi jye kitjoéâla̱ jñà xi̱ta̱ xi síkitasònâla̱ Nainá. 33 K’e̱ nga kiì’nchré ‘én koi, ‘ñó jchán kòjtiâla̱; skanda mejènâla̱ si̱ìk’en. 34 Ya̱ tíjnajiìn jngoò xi̱ta̱ fariseo xi ti̱koa̱ xá tjínâla̱ xi ‘mì Gamaliel, jè xi okóya kjo̱tíxoma. Ngats’iì jñà xi̱ta̱ na̱xa̱ndá ‘ñó ndaà beèxkón xi̱ta̱ jè. K’e̱é tsasíjnaâkixi̱âjiìnâla̱ ngats’iì jñà xi̱ta̱ xi tjínâla̱ xá; kitsjaà o̱kixi̱ nga kàtitjo jngoò tjò ni’ya jñà xi̱ta̱ xi tsibíxáyaâla̱ Jesús. 35 Jè Gamaliel kitsòâla̱ xi̱ta̱xá xíkjín: âJñò ngats’ioò xi xi̱ta̱ xinguia̱á Israel ‘mìâná, ndaà ti̱kítsjeèn mé kjoa̱ xi si̱ko̱o jñà xi̱ta̱ koi. 36 Ti̱kítsjeèn jñà na̱chrjein xi jye tsato, tsibìjnaá jngoò xi̱ta̱ xi ki’mì Teudas. K’oa̱á kitsò nga xi̱ta̱ ítjònâné. Komàâla̱ tsà ñijòn sìndo̱ xi̱ta̱ xi kiìt’aàâla̱. Ta̱nga k’e̱ nga kisìk’en xi̱ta̱, ngats’iì xi̱ta̱ xi kiìt’aàâla̱, kitsjohobaâné. Tà ya̱á jyehet’aà kjoa̱. 37 K’e̱ nga komà i̱skan, jè na̱chrjein nga kòxke̱ya xi̱ta̱, tsatsejèn ìjngoò xi̱ta̱ xi ‘mì Judas xi xi̱ta̱ Galilea. Ti̱koa̱á kjìn xi̱ta̱ na̱xa̱ndá kiìt’aàâla̱. Ta̱nga k’e̱ nga kinìk’en xi̱ta̱ jè, ti̱koa̱á ngats’iì xi̱ta̱ xi ya̱ kiìt’aàâla̱, kitsjohoba yijeâné. 38 I̱’ndei̱ k’oa̱á maâne ko̱xanânò, tà ti̱kjehet’aà kjoa̱. Tjiì’ndeâlà xi̱ta̱ koi nga kàtjìâne. Tsà tà xá ts’e̱ xi̱ta̱á xi nchis’ín kjoe̱het’aàâné. 39 Ta̱nga tsà xá ts’e̱ Naináâné xi nchis’ín, mìkiì ki̱chìkjoa̱ânò nga jñò ki̱xkànâko̱; ti̱kinda̱a yijoânò tsà koi na̱chrjeinâla̱, tsà xáâla̱ Nainá titsa̱bixkànâko̱o. 40 Ngats’iì xi̱ta̱ xi títsa̱jna junta, kòkjeiínâla̱ koni s’ín kitsò Gamaliel. K’e̱é kiìchja̱ ìjngoò k’aâla̱ jñà xi̱ta̱ xi tsibíxáyaâla̱ Jesús. I̱kjoàn tsajáâla̱. ‘Ãó tsibínèâla̱ nga mì ti̱ k’oa̱ s’ín ki̱chja̱yaâne i̱t’aà ts’e̱ Jesús. I̱kjoàn kisìkítsa̱jnandei̱íâne. 41 Jñà xi̱ta̱ xi tsibíxáyaâla̱ Jesús, ‘ñó tsja tjínâla̱ k’e̱ nga itjoâne ni’ya nga jè Nainá kitsjaà’nde nga kitjoéâla̱ kjo̱ndaà nga kisìkjeiín kjo̱’in xi kjoa̱ ts’e̱ Jesús. 42 Jñà xi̱ta̱ koi, mìkiì jyò tsibìtsa̱jna. Na̱chrjein inchijòn tsakóya ti̱koa̱ kiìchja̱ya ‘én ndaàâla̱ Nainá ya̱ i̱ngo̱ ítjòn ko̱ xi kj’ei̱í ni’ya nga jè Jesús xi Cristo [jè xi xó kisìkasénâne Nainá].