Hechos 25

1 Festo ijchò Cesarea nga jahas’en xi̱ta̱xá ítjòn; xi komà jàn na̱chrjein itjoâne Cesarea, kiì Jerusalén. 2 K’e̱ nga jye tíjna Jerusalén, jñà no̱’miì ítjòn ko̱ xi̱ta̱ sko̱âla̱ xi̱ta̱ judío ijchòkon nga tsohóngui Pablo; kitsjaàt’in ‘én xi kondra̱ ts’e̱. 3 Xi̱ta̱ koi, kisìjéâla̱ kjo̱ndaà jè Festo nga kàtjanchrobáko̱ Pablo ya̱ Jerusalén. K’oa̱á s’ín jye tjíndaàâla̱ nga kítsa̱chjoà ikonâla̱ ya̱ i̱ya ndi̱yá méâne nga si̱ìk’enâne. 4 Ta̱nga jè Festo, kitsò: âMajìn, mìkiì ko̱ma, nga jè Pablo nda̱yá tíjna ján Cesarea; ‘a̱n, jyeé ya̱ tìfia. 5 Jñà xi̱ta̱xáânò ko̱ma koa̱hijtako̱âna ján Cesarea méâne ko̱ma ko̱hònguiâne xi̱ta̱ jè, tsà mé jé xi tjínâla̱. 6 Jè Festo tsibìjnaâla̱ tsà nguì jiìn na̱chrjein ko̱ tsà te na̱chrjein ján Jerusalén; i̱kjoàn kiì ìjngoò k’aâne ján Cesarea; nga komà inchijòn ijchò ni’ya osen, tsibìjnanè íxi̱le̱âla̱ ñánda otíxoma; i̱kjoàn kiskinìkjaá Pablo. 7 K’e̱ nga jahas’en ni’ya osen Pablo, jñà xi̱ta̱ judío xi j’iìâne Jerusalén, kiì kinchat’aà chrañàâla̱ nga kitsjaàt’in ‘én ndiso xi ‘ñó ch’o tsò ta̱nga mìkiì komà kjòkixi̱ya ‘én xi kitsjaàt’in. 8 Pablo tsasìko̱ yijoâla̱ kitsò: âNi̱mé jé xi tsohotsjià xi kondra̱ ts’e̱ kjo̱tíxomaâla̱ xi̱ta̱ judío, ni̱ jè kondra̱ ts’e̱ i̱ngo̱ ítjònâla̱ Nainá, ni̱ jè kondra̱ ts’e̱ César xi xi̱ta̱xá ítjòn ts’e̱ Roma. 9 Ta̱nga jè Festo mejènâla̱ nga ndaà kíjnako̱ xi̱ta̱ judío; kiskònanguiâla̱ Pablo, kitsòâla̱: â¿A mejènâlè nga k’oín ján Jerusalén méâne nga ya̱ kíndaàjñaà kjoa̱âlè? 10 Pablo kitsò: âJye i̱ tìjna̱a ñánda tjín kjo̱tíxomaâla̱ César xi xi̱ta̱xá ítjòn ts’e̱ Roma. Mochjeénâné nga i̱ kàtasindaàjiìnâna. Ngaji̱ ndaà tíjiìnâlè nga nì mé kjoa̱ tsohotsjià i̱t’aà ts’e̱ xi̱ta̱ judío. 11 Tsà tjínâna jé, tsà ok’ìnâla̱ nga ki̱yá, tíjngoò takoàn nga kàtasík’enâna; ta̱nga tsà mì kixi̱í kjoa̱ ‘én xi tsját’inâna, mìkiì ko̱ma ya̱ ko̱nga̱tsja i̱t’aà ts’e̱ xi̱ta̱ koi. Ti̱koa̱áâne, jè kàtíndaàjiìnâna César xi xi̱ta̱xá ítjòn ts’e̱ Roma. 12 Jè Festo, k’e̱é tsajoóyaâne ko̱ xi̱ta̱âla̱ xi títsa̱jnako̱ junta, i̱kjoàn kitsò: âTsà k’oa̱á s’ín nìjí nga jè César ki̱ìndaàjiìnâlè, tà sa̱á ján sìkasénâlè. 13 K’e̱ nga jye tsato chiba na̱chrjein, jè xi̱ta̱xá Agripa ko̱ Berenice kiì ján Cesarea nga kisìhixat’aà Festo. 14 Kjìn na̱chrjein tsibìtsa̱jna ya̱ Cesarea; jè Festo tsibéno̱jmíâla̱ Agripa kjoa̱âla̱ Pablo, kitsòâla̱: âJè Félix, jngoò xi̱ta̱ kisìkíjnaya nda̱yá i̱jndé. 15 K’e̱ nga tsohóti̱jna ján Jerusalén, jñà xi̱ta̱ sko̱âla̱ no̱’miì ko̱ xi̱ta̱ jchíngaâla̱ xi̱ta̱ judío kitsjaàâna ‘én nga óngui. Kisìjé nga kàtiyaà. 16 ‘A̱n, k’oa̱á kixanâla̱ nga jñà xi̱ta̱xá Roma, mì ta̱xki̱ sík’en xi̱ta̱ k’e̱ nga ti̱kj’eè ‘yaâla̱ jé xi tjínâla̱. Ãtjòn joó’a kjoa̱âla̱ ko̱ jñà xi̱ta̱ xi óngui méâne nga ko̱ma ki̱nchako̱âne yijoâla̱. 17 Koií kjoa̱âla̱, k’e̱ nga j’iì i̱jndé jñà xi̱ta̱ koi, mìkiì kisìchja na̱chrjein; nga ko̱ma inchijòn, nga jye tìjna̱soàn íxi̱le̱âna̱ nga tìhotiìxoma, ni̱to̱ón kiskinìkjaá xi̱ta̱ jè. 18 K’e̱ nga jye títsa̱jna osen jñà xi̱ta̱ xi óngui, mìtsà koi kjoa̱ tsohóngui koni s’ín ‘a̱n tísíkítsjeèn. 19 Tà k’oa̱á tjín ‘én xi kitsjaàt’in xi kondra̱ ts’e̱ Pablo koni s’ín beèxkón Nainá ko̱ i̱t’aà ts’e̱ jngoò xi̱ta̱ xi ‘mì Jesús xi jye k’en; ta̱nga jè Pablo tsòâné nga tíjnakonâné. 20 ‘A̱n, mìkiì be mé xi s’iaàn i̱t’aà ts’e̱ kjoa̱ koi. K’e̱é kiskònanguiâla̱ Pablo, a mejènâla̱ nga ján kjoi̱ Jerusalén méâne nga ya̱ si̱ndaàjiìnâla̱ kjoa̱ xi fìnè. 21 K’oa̱á s’ín kisìjé Pablo nga jè César ki̱ìndaàjiìnâla̱. Koií k’oa̱s’ín kitsjaàâna o̱kixi̱ nga nda̱yá tíjnayaâìsa skanda k’e̱ nga ko̱ma sìkasénâla̱ César. 22 Agripa kitsòâla̱ jè Festo: âTi̱koa̱á ‘a̱n mejènâna nga kji̱’nchrèâla̱ xi̱ta̱ jè. Festo kitsò: âNchijònâle̱ ki̱ná’yaâla̱. 23 Nga komà inchijòn, ijchò Agripa ko̱ Berenice. K’e̱ nga jahas’en ni’ya osen ‘ñó ndaà kisìs’inâla̱. Kjihijtako̱ jñà xi̱ta̱ sko̱âla̱ soldado ko̱ jñà xi̱ta̱ sko̱âla̱ na̱xa̱ndá. Festo kitsjaà o̱kixi̱ nga kiìchjaà Pablo. 24 Festo kitsò: âNgaji̱ Agripa xi xi̱ta̱xá ítjòn tijni, ngats’ioò xi i̱ titsa̱jnaà: chítsejènâlà xi̱ta̱ jè. Ngats’iì jñà xi̱ta̱ judío, ‘ñó síjét’aàâna ján Jerusalén ko̱ i̱ Cesarea nga ‘ñó chja̱ nga mejènâla̱ si̱ìk’en. 25 Ta̱nga ‘a̱n, ni̱mé xi matsjit’aàâna i̱t’aà ts’e̱ nga mochjeénâla̱ nga ki̱yá. Ta̱nga tso’baá kisìjéâne nga jè ki̱ìndaàjiìnâla̱ César xi xi̱ta̱xá sko̱âla̱ tíjnaâla̱ ngats’iì xi̱ta̱. ‘A̱n, k’oa̱á s’ín kiskoòsònâla̱ nga ya̱ siìkasén. 26 Ta̱nga ‘a̱n, ni̱mé kjoa̱ xi matsjiâna i̱t’aà ts’e̱ xi̱ta̱ jè, kós’ín sìkasénâla̱ xo̱jo̱n jè César xi xi̱ta̱xá sko̱âla̱ tíjnaâla̱ ngats’iì xi̱ta̱. K’oa̱á maâne nga sìjét’aàânò jñò xi i̱ titsa̱jnaà ko̱ ngaji̱ Agripa xi xi̱ta̱xá ítjòn tijni, méâne k’e̱ nga jye chjinanguiâla̱á, ‘a̱n sakóâna o̱kixi̱ nga sìkasén xi̱ta̱ jè. 27 ‘A̱n, k’oa̱á maâna, nga ni̱mé chjíâla̱ tsà ta̱xki̱ sìkasén jngoaà xi̱ta̱ xi nda̱yá tíjna tsà mì sik’à jngoò xo̱jo̱n xi ‘yaâla̱ mé jé xi tjínâla̱.