Hechos 20

1 K’e̱ nga jye kisikjoànâla̱ kjoa̱siì, Pablo tsibíxkóya yije xi̱ta̱ xi kota’yàt’aàâla̱ Cristo nga kitsjaàâla̱ ‘én xi ndaà tsò nga kisì’ñójiìn ikon. I̱kjoàn, kisìhixat’aà xíkjín nga kiì ján nangui Macedonia. 2 Koni s’ín tsajmeè nga kiì, jahato ngats’iì na̱xa̱ndá nga ndaà kisì’ñójiìn ikon jñà xi̱ta̱âla̱ Cristo; ijchò skanda Grecia. 3 Pablo, jàn sá tsibìjna Grecia. K’e̱ nga jye tíbìjnandaà nga skoé jngoò chitso nga jye tífì ján Siria, kisijiìnâla̱ nga jñà xi̱ta̱ judío, k’oa̱á s’ín tjíndaàâla̱ nga mejènâla̱ si̱ìk’en; kisìkátjiâne, ndi̱yá Macedonia kiì ìjngoò k’aâne. 4 Tsobáhijtako̱ jè Sópater xi Berea i̱’ndeâla̱, tiâla̱ ma Pirro; jè Aristarco ko̱ Segundo xi Tesalónica i̱’ndeâla̱; Gayo xi Derbe i̱’ndeâla̱; ko̱ Timoteo; ti̱koa̱á ya̱ tji̱ko̱ Tíquico ko̱ Trófimo xi Asia i̱’ndeâla̱. 5 Jñà xi̱ta̱ xinguia̱á koi, kiì ítjònâné skanda ján Troas. Ya̱á kiskoòñàânaje̱n. 6 K’e̱ nga jye jyehet’aà jñà na̱chrjeinâla̱ s’eí nga bichiaá i̱nchra̱jín xi tsjìnâla̱ na̱’yo̱ san, tsitsa̱jnaya jngoòâje̱n chitso ya̱ Filipos; i̱kjoàn tsanguijiìnândáâje̱n; xi komà ‘òn na̱chrjein ijchòtji̱nguiâla̱je̱n ján Troas; ya̱á tsitsa̱jna jngoò xomàna̱âje̱n. 7 Jè na̱chrjein tahàngo̱ nga tàts’en xomàna̱ chixoña yijeâje̱n nga kinìxkoa̱yaâje̱n i̱nchra̱jín; jè Pablo ‘ñó ndojò kiìko̱ nga tsibéno̱jmíya ‘énâla̱ Cristo. Tíchja̱âné skanda kó nga ijchò osen ni̱tje̱n, koií kjoa̱âla̱ nga komà inchijòn jye tífìâne. 8 Ya̱ cuarto xi kijnasònâ‘nga ts’e̱ ni’ya ñánda titsa̱jnaâje̱n, kjìn lámpara títì. 9 Jngoò chíti xi ‘mì Eutico tíjnajto ventanaâla̱ ni’ya xi jàn piso tjínâla̱. Koa̱ jè Pablo nga ‘ñó ndojò kiìko̱ ‘én xi tsibéno̱jmí, jè chíti kisijnafè nga ‘ñó nijñáâla̱. K’e̱ nga jye ‘ñó kjinafè, kiskaàngui skanda i̱t’aà nangui. K’e̱ nga kitjámiìtje̱n, jyeé k’en. 10 K’e̱é inchrobàjen Pablo; kitsobàkjá, kitsò: âKì tsakjoònâjèn, tíjnakonâné. 11 I̱kjoàn kiì mijìn ìjngoò k’aâne ya̱ cuarto ñánda títsa̱jna; kisìxkoa̱ya i̱nchra̱jín, koa̱ tsakjènâko̱ xíkjín. Ãjngoò k’a tsibíts’ia̱ nga kiìchja̱ya skanda kis’eâla̱ i̱sén. I̱kjoàn kiìâne. 12 Jñà xi̱ta̱ kiìko̱âne ni’yaâla̱ jè chíti; jye tíjnakonâne; k’oa̱á tjín kjoa̱ xi ìsa̱ ndaà kjòtsjaâla̱ xi̱ta̱. 13 Ngaje̱n, tsanguì ítjònânáje̱n, tsitsa̱jnayaâje̱n chitso skanda ján Asón; ya̱á tsitjaàchjaàjtoâje̱n Pablo; k’oa̱á kitsò nga ndi̱yá ndso̱ko̱ó kiìâne. 14 K’e̱ nga jye ijchòâje̱n ján Aso, ya̱á kiskaàkjoòâje̱n Pablo; tsibìjnayako̱ânaje̱n chitso; tsanguíâje̱n skanda ján Mitilene. 15 Itjoâje̱n Mitilene. Nga komà inchijòn, tsitjaàjtoâje̱n Quío. Xi maâne jò na̱chrjein ijchòâje̱n Samos. Ya̱á Trogilio kinìkjáyaâje̱n. Xi komà jàn na̱chrjein ijchòâje̱n Mileto. 16 Jè Pablo, k’oa̱á s’ín kisìkítsjeèn nga tà kjoa̱hato kixi̱í Ãfeso; kisìxátíyaâla̱ yijoâla̱ nga mìkiì tsibìjna Asia; jè xi mejènâla̱ nga ìsa̱ ni̱to̱n ki̱jchò Jerusalén tsà koi na̱chrjeinâla̱ ya̱ tíjna k’e̱ nga ki̱tjo s’eí ts’e̱ Pentecostés. 17 Pablo, k’e̱ nga tíjna Mileto, kiskinìkjaá jñà xi̱ta̱ jchínga xi tjínâla̱ xá ya̱ i̱jiìn na̱xa̱ndáâla̱ Cristo xi títsa̱jna Ãfeso. 18 K’e̱ nga ijchò jñà xi̱ta̱ jchínga, kitsòâla̱: âJñò, ndaà tíjiìnânò kós’ín tìjna̱ko̱ânò skanda tje̱nâne k’e̱ nga j’ia̱a i̱ nangui Asia. 19 Nga kjit’aà na̱chrjein, ‘ñó indaàkjoa̱ tìsìxáâla̱ Nainá; mì k’oa̱á kji ndáxkoaàn bìxteèn nga otojñaà kjoa̱ koií kjoa̱âla̱ koni s’ín síko̱âna jñà xi̱ta̱ judío nga bíchjoà ikonâna. 20 ‘A̱n, mìkiì jyò óti̱jna nga beno̱jmíyaânò ngats’iì kjoa̱ xi mochjeénânò xi kjo̱ndaà tsa̱jòn. Beno̱jmíyaânò ñánda bixoña xi̱ta̱ ko̱ ni’yaânò. 21 K’oa̱á s’ín beno̱jmíya yijeâla̱, ngats’iì xi̱ta̱ judío ko̱ xi mìtsà xi̱ta̱ judío nga kàtasíkájno jéâla̱ nga mì ti̱ jé ko̱hótsjiâne, Nainá kàtjít’aàâla̱ ko̱ kàtakjeiínâla̱ i̱t’aà ts’e̱ Na̱’ènâná Jesucristo. 22 I̱’ndei̱, ján tìfia Jerusalén; tsejèn maâna nga jè kjo̱’ñó tífìko̱âna Ini̱ma̱ Tsjeèâla̱ Nainá. Mìkiì tíjiìnâna mé kjoa̱ xi ko̱mat’ian; 23 ta jèâné nga kjijndà na̱xa̱ndá ñánda bijchoa, jè Ini̱ma̱ Tsjeèâla̱ Nainá, k’oa̱á s’ín béno̱jmíyaâna, k’e̱ nga kìjchoa Jerusalén, nda̱yá kóti̱jna, tse kjo̱’in siìkjiaán. 24 Kjoa̱ ts’e̱ kjo̱’in, mìkiì makájnoâna na̱s’ín si̱ìk’enâna xi̱ta̱. Jè xi mejènâna nga ndaà sìkitasoàn. Ndaà sikjehet’aà xá xi kitsjaàâna Na̱’ènâná Jesucristo nga sika’biá ‘én ndaàâla̱ i̱t’aà ts’e̱ kjo̱ndaà xi tsjá Nainá. 25 ‘I̱’ndei̱, k’oa̱á xan kixi̱ânò ngats’ioò jñò xi kiyaxkonâná nga tsibeno̱jmíânò kjo̱tíxomaâla̱ Nainá, mì ti̱ kiì jcha̱xkonâná. 26 I̱’ndei̱, k’oa̱á xanânò, tsà mìkiì mokjeiínânò i̱t’aà ts’e̱ Jesús, mìtsà ‘a̱n tjínâna jé tsà kjo̱’in s’e̱ânò. 27 Nga ‘a̱n, jyeé tsibeno̱jmí yijeânò kó s’ín tjín kjoa̱ xi tjíndaàâla̱ Nainá; ni̱mé xi tsibì’maânò. 28 Jñò, ti̱kinda̱a yijoânò, ti̱koa̱ ti̱kinda̱a na̱xa̱ndáâla̱ Cristo xi jè kisìkijne nga ko̱ jníâla̱. K’oa̱á s’ín ti̱kinda̱a koni jngoò paxtò ts’e̱ orrè nga jè xá kitsjaàânò Ini̱ma̱ Tsjeèâla̱ Nainá. 29 ‘A̱n, beâná, k’e̱ nga ko̱ma i̱skan, nga jye kjián, kjoa̱has’enâjiìnânò xi̱ta̱ xi kj’ei̱í koni tse̱jén ts’e̱n xi mejènâla̱ si̱ìkje xi̱ta̱ na̱xa̱ndáâla̱ Cristo. 30 Ti̱koa̱ ki̱tjokàjiín xi ti̱ xi̱ta̱ tsa̱jònânò xi kj’ei̱í kjo̱tíxoma ko̱kòya xi mìtsà kixi̱ kjoa̱; kji̱ko̱ xi̱ta̱ xi kota’yàt’aàâla̱ Cristo nga skóna̱cha̱nâla̱. 31 Ti̱tsa̱jnakon; ti̱kítsjeèn, ‘a̱n, jàn nó tsohóti̱jnako̱ânò ko̱ na̱chrjein ko̱ ni̱tje̱n bìxteèn ndáxkoaàn nga tsibeno̱jmíyaânò kós’ín si̱jchá yijoânò. 32 ‘I̱’ndei̱, ndí ’ndsè, ngats’ioò, tsja Nainá sìkítsa̱jnayaânò. Ti̱koa̱ sìkítsa̱jnajiìnânò ‘énâla̱ Nainá i̱t’aà ts’e̱ kjo̱tsjacha xi tjínâla̱, jè ‘én xi ko̱ma tsjáâla̱ nga’ñó ini̱ma̱ânò. I̱t’aà ts’e̱ ‘én koi tjoéânò kjo̱tjò ján ngajmiì k’e̱ nga tjoé yijeâla̱ xi̱ta̱ tsjeèâla̱ Nainá. 33 ‘A̱n, ni̱mé xi jaàjiìnâna, ni̱ to̱n, ni̱ nikje xi ts’e̱ xi̱ta̱. 34 Jñò, ndaà tíjiìnânò nga ndsa̱a kisìxáâna nga kisìkijne ngats’iì tsojmì xi kinìchjeénâje̱n ko̱ xi̱ta̱ xi títsa̱jnako̱âna. 35 K’oa̱á s’ín tsakoòyaânò, mochjeénâné nga si̱xá méâne nga si̱chját’aàâlá jñà xi̱ta̱ xi ‘in títsa̱jna; ti̱kítsjeèn ‘énâla̱ Na̱’ènâná Jesucristo xi tsò: “Ãsa̱á ndaà machikonât’in jñà xi̱ta̱ xi tsjá mì k’oa̱àâne jñà xi̱ta̱ xi tjoéâla̱." 36 K’e̱ nga jye o̱kitsò, i̱kjoàn tsasìjna-xkó’nchi Pablo, kiìchja̱t’aàâla̱ Nainá kóho̱tjín xi̱ta̱. 37 Ngats’iì kiskindàya, kitsobàkjá ko̱ kiskine’a Pablo. 38 Jñà xi̱ta̱, tsí ‘on komàâla̱ jè ‘én xi kitsò Pablo nga mì ti̱ kiì skoe̱xkonâne xíkjín. Kiì kinì indiaà skanda ñánda kijna chitso.