2 Timoteo 3

1 Ngaji̱ Timoteo, kàtasijiìnâlè k’e̱ nga tímachrañàt’aà na̱chrjein nga kjoi̱í ìjngoò k’aâne Cristo, kjìn sko̱ya kjoa̱ s’e̱ xi mìkiì ndaà tjín. 2 Jñà xi̱ta̱ xi s’e̱, tà yijoâla̱á ‘ñó si̱ìs’inâla̱; to̱ón ‘ñó ko̱tsjakeè; yijoâla̱á ‘ñó ndaà si̱ìkítsa̱jna; xi̱ta̱ ’nga ikoón ko̱ma; ki̱chja̱jnoâla̱ Nainá ko̱ xi̱ta̱; mìkiì kiì’nchréñijonâla̱ xi̱ta̱ jchíngaâla̱; mìkiì tsjá ngajoâne kjo̱ndaà, mìkiì skoe̱xkón Nainá, 3 mìkiì si̱ìtjòkeè xíkjín, jngoò k’a mìkiì si̱ìjeâla̱ ikon, ‘én ndiso tsját’in xíkjín, mìkiì si̱ìkinda̱ yijoâla̱ mé kjoa̱ xi s’i̱in, xi̱ta̱ ch’o ko̱ma, kondra̱á kjoi̱âla̱ kjoa̱ xi ndaà tjín, 4 kondra̱á kjoi̱âla̱ amigoâla̱, mìtsà ítjòn si̱ìkítsjeèn mé kjoa̱ xi s’i̱in, ‘ñó ’nga ikon ko̱ma, jè si̱ìtsjakeè kjoa̱ ts’e̱ i̱sò’nde xi sasénâla̱ yijoâla̱, mìkiì si̱ìtsjakeè Nainá. 5 K’oa̱á s’ín s’i̱in koni tsà beèxkón Nainá, ta̱nga mìkiì tsjá’nde nga jè nga’ñóâla̱ Nainá si̱ìxájiìn ini̱ma̱âla̱. Xi̱ta̱ koi kì kiì nìs’inâla̱. 6 Jñà xi̱ta̱ koi, ótsji’ndeâla̱ nga fahas’en ni’yaâla̱ íchjín xi mìkiì beèxkón yijoâla̱ ko̱ xi tse jé tjínâla̱ nga ma kona̱cha̱nâla̱. Ãchjín koi, ya̱á fìtji̱nguiâla̱ kjoa̱ xi ìsa̱ ‘ñó ch’o tjín koni s’ín mejènâla̱ yijoâla̱. 7 Kjit’aà na̱chrjein nchikota’yà ‘én xi̱tse̱ ta̱nga ni̱jngoò na̱chrjein fahas’enâjiìnâla̱ xi nguì kjoa̱kixi̱. 8 Jñà xi̱ta̱ koi, k’oa̱á ti̱s’ín binchahikonâla̱ xi kjoa̱kixi̱, koni kis’iìn xi̱ta̱ chji̱ne̱ xi maâla̱ bíndaà xi ki’mì Janes ko̱ Jambres nga chinchahikonâla̱ Moisés. Xi̱ta̱ koi, jngoò k’aá ch’o tjín kjo̱hítsjeènâla̱. Bitjonguiâné nga nguixko̱n Nainá nga mìkiì mokjeiínâla̱ xi kjoa̱kixi̱. 9 Ta̱nga mìkiì si̱ìkijne. Ki̱jchò na̱chrjein nga skoe̱ yije xi̱ta̱ kjoa̱ tòndo̱âla̱. K’oa̱á s’ín jcha̱t’inâla̱ koni jè Janes ko̱ Jambres. 10 Ta̱nga ji̱ Timoteo k’oa̱á s’ín tì’mìtji̱nguiâla̱ koni s’ín tsakoòyaâlè, koni s’ín tísíjchá yijoâna̱, koni s’ín tjín kjo̱hítsjeènâna̱ mé kjoa̱ xi tìfitji̱nguiâla̱. K’oa̱á ti̱s’ín mokjeiínâlè koni s’ín mokjeiínâna ‘a̱n i̱t’aà ts’e̱ Cristo. K’oa̱á s’ín tjín kjoa̱tsetakònâlè ko̱ kjoa̱tjòchaâlè koni s’ín tjín ts’a̱n. K’oa̱á ti̱s’ín chíkjoa̱ yijeâlè ni̱ta̱ mé kjoa̱âne koni ‘a̱n. 11 Tíjiìnâlè koni s’ín tìsìkjiaán kjo̱’in i̱t’aà ts’e̱ Cristo ti̱koa̱ ongatji̱nguiâna xi̱ta̱ kondra̱ koni s’ín komàt’ian ján na̱xa̱ndá Antioquía, Iconio ko̱ Listra. ¡Ta̱xki̱ toòn kijtseèâna xi̱ta̱ nga tsangatji̱nguiâna ta̱nga jè Na̱’ènâná tsachrjekàjiìn yijeâna kjoa̱ koi! 12 Kixi̱í kjoa̱, ngats’iì xi mejènâla̱ skoe̱xkón Na̱’ènâná Jesucristo, k’oa̱á ti̱s’ín s’e̱âla̱ kondra̱ nga kji̱tji̱nguikeè xi̱ta̱. 13 Ta̱nga jñà xi̱ta̱ xi ch’o s’ín, xi kona̱cha̱n, kjit’aà na̱chrjein, sa̱á ‘ñó, sa̱á ‘ñó ch’o s’i̱in nga skóna̱cha̱nâla̱ xi̱ta̱, ta̱nga k’oa̱á ti̱s’ín ko̱mat’in ngajoâne nga skóna̱cha̱nâla̱ xi̱ta̱ xi kj’ei̱í. 14 Ta̱nga ngaji̱, ndaà kixi̱ tikoi̱i jñà kjoa̱ xi kichìta’yì xi jye k’oa̱s’ín ndaà kòkjeiínâlè. Jyeé tíjiìnâlè yá xi̱ta̱ xi tsakóyaâlè. 15 Skanda ti̱k’e̱âné nga ti̱sa̱ ndí ti titsjoi, kiyaxkoin Xo̱jo̱n Tsjeèâla̱ Nainá jè xi ko̱maâla̱ si̱ìchji̱ne̱âlè kó s’ín ki̱tjokàjiìn kjo̱’in nga mokjeiínâlè i̱t’aà ts’e̱ Cristo Jesús. 16 Ngats’iì ‘én xi tjít’aà Xo̱jo̱nâla̱ Nainá, kjo̱hítsjeèn ts’e̱é Nainá nga kitjei. K’oa̱á s’ín mochjeén nga okóyaâná, nga okóâná k’e̱ nga ch’o ’nè, nga síkixi̱yandaàâná, nga okóâná ndi̱yá kixi̱, 17 méâne jñá xi xi̱ta̱âla̱ Nainá ‘mìâná jngoò k’a ndaà ki̱tsa̱jnandaá nga si̱kitasoán yije kjoa̱ xi ndaà tjín.