2 Timoteo 1

1 ‘A̱n, Pablo, tìkjiìâlè xo̱jo̱n jè. Nga ‘a̱n tsibíxáyaâna Jesucristo nga k’oa̱á s’ín kjòmejènâla̱ Nainá. K’oa̱á s’ín kitsjaà tso’ba Nainá nga kíjnakon ini̱ma̱âná i̱t’aà ts’e̱ Cristo Jesús. 2 Ngaji̱ Timoteo xi ‘ñó matsjake̱âlè koni tsà ki’ndí ts’a̱n xanâlè, Nainá xi Na̱’ènâná ko̱ Na̱’ènâná Jesucristo kàtatsjáâlè kjo̱ndaà, kàtahi̱ma̱keèâlè, kàtas’eâla̱ kjoa̱’nchán i̱jiìn ini̱ma̱âlè. 3 Mìkiì jchàajiìnâna ko̱ na̱chrjein ko̱ ni̱tje̱n bìtsi’batjìâlè ti̱koa̱ tsjaàâla̱ kjo̱ndaà Nainá, jè xi ‘a̱n bexkoán koni s’ín kijtseèxkón jñà xi̱ta̱ jchíngaâna̱ nga nguì tsjeè tjín kjo̱hítsjeènâna̱. 4 K’e̱ nga bítsjeènâna kjoa̱ ts’e̱ ndáxkoiìn mejènâna nga skoeè ìjngoò k’aâlè méâne nga ko̱tsjaâla̱ ini̱ma̱âna̱. 5 Bítsjeènâna nga nguì ndaà mokjeiínâlè i̱t’aà ts’e̱ Cristo koni s’ín kòkjeiín ítjònâla̱ nea̱ájcháâlè Loida ko̱ nea̱âlè Eunice. ‘A̱n k’oa̱á s’ín makixi̱âna nga ngaji̱ ti̱koa̱á ndaà mokjeiínâlè. 6 Koií k’oa̱s’ín tìsìkítsjeènâlè nga ìsa̱ ndaà ti̱kjiín kjo̱tjò xi kitsjaàâlè Nainá nga ndaà ti̱xáâla̱, jè kjo̱tjò xi kitjoéâlè k’e̱ nga ‘a̱n tsakàsònâlè ndsa̱a. 7 Nainá, mìtsà ini̱ma̱ tsakjón kitsjaàâná. Jè kitsjaàâná Ini̱ma̱ Tsjeèâla̱ nga tsjáâná nga’ñó, nga tsjáâná kjoa̱tjòcha, nga tsjáâná kjo̱hítsjeèn kós’ín s’e̱én nga kixi̱ si̱jchá yijoâná. 8 Koií kjoa̱âla̱ kì masobàâlè nga nokjoàkoi̱i xi̱ta̱ i̱t’aà ts’e̱ Na̱’ènâná Jesucristo. Ti̱koa̱ kì masobàâlè xi i̱t’aà ts’a̱n nga nda̱yá tíjna’ya koií kjoa̱âla̱ nga ya̱ sìxát’aàâla̱ Na̱’ènâná. Ti̱kjeiínâko̱âná kjo̱’in xi i̱t’aà ts’e̱ ‘én ndaàâla̱ Nainá xi kjoa̱ ts’e̱ Cristo. Jè Nainá tsjáâlè nga’ñó xi ko̱chjeénâlè. 9 Nainá, jyeé tsachrjekàjiìnâná kjo̱’in. K’oa̱á s’ín kiìchja̱âná nga tsjeè si̱jchá yijoâná. Mìtsà koi kjoa̱âla̱ nga ndaà ki’né. Koiâné nga k’oa̱s’ín kjòmejènâla̱ Nainá ti̱koa̱ kitsjaàâná kjo̱ndaàâla̱ xi i̱t’aà ts’e̱ Cristo skanda ti̱sa̱ tàts’enâla̱ kjoa̱ k’e̱ nga ti̱kj’eè sindaà i̱sò’nde. 10 I̱’ndei̱ Nainá jyeé tsakó kjo̱ndaàâla̱ nga jyeé j’iì Jesucristo xi ochrjekàjiìnâná kjo̱’in. Jaàxìnâná nga’ñóâla̱ kjoa̱biyaà. Xi i̱t’aà ts’e̱ ‘én ndaàâla̱ Nainá xi kjoa̱ ts’e̱ Cristo, tsakóâná kjoa̱binachon ti̱koa̱ tsakóâná nga mìtsà jngoò k’a ki̱yá ni̱ta̱ kjéâne. 11 Nainá, ‘a̱án kisìnga̱tsjaâna xá jè nga ‘a̱n kichjàya ‘én ndaàâla̱ Nainá xi kjoa̱ ts’e̱ Cristo. Tsibíxáyaâna i̱t’aà ts’e̱ xáâla̱ nga ‘a̱n kokoòyaâla̱ jñà xi mìtsà xi̱ta̱ judío. 12 Tseé kjo̱’in tìsìkjiaán tà jè nga̱tjìâla̱ ‘én xi ‘a̱n chjàya. Ta̱nga mìkiì masobàâna. Jyeé tíjiìnâna nga i̱t’aà ts’e̱ Cristo mokjeiínâna. Ti̱koa̱á ndaà tíjiìnâna nga ta̱ jngoò jè Nainá xi tjínâla̱ nga’ñó. Ndaà si̱ìkinda̱ jè xá xi ‘a̱n kisìnga̱tsjaâna skanda jè na̱chrjein k’e̱ nga kjoi̱í ìjngoò k’aâne Jesucristo. 13 Ndaà tíjiìn takoìn ‘én ndaà xi ‘a̱n tsakoòyaâlè koni s’ín tjín ‘én xi mokjeiínâná ko̱ kjoa̱tjòcha xi tjínâná nga Cristo titsa̱jnakoa̱á. 14 Ndaà ti̱kitasoìn xá ndaà xi ji̱ kjònga̱tsjei. Jè si̱ìchját’aàâlè Ini̱ma̱ Tsjeèâla̱ Nainá xi tíjnajiìn ini̱ma̱âná. 15 Jyeé tíjiìnâlè ngats’iì xi títsa̱jna nangui Asia, jyeé kitsjeiìn takònâna, koni jè Figelo ko̱ Hermógenes. 16 Nainá kàtahi̱ma̱keè xi̱ta̱ ni’yaâla̱ Onesíforo. Kjìn k’a j’iì síjehikonâna. Mìkiì kjòsobàâla̱ na̱s’ín nda̱yá tíjna’ya. 17 Tà sa̱á, k’e̱ nga j’iì i̱ Roma skanda mìkiì kisìkjáya nga ‘ñó tsohótsjiâna skanda kó nga kisakòâla̱ ñánda tìjna̱a. 18 Na̱’ènâná kàtahi̱ma̱keè jè Onesíforo k’e̱ nga ki̱jchò na̱chrjeinâla̱ Nainá. Ngaji̱ jyeé ndaà tíjiìnâlè, ndaà kisìchját’aàâná ján Ãfeso.