2 Pedro 3

1 Ndí ’ndsè xi ‘ñó matsjake̱ânò, xo̱jo̱n jè, jè xi maâne jò nga tìkjiìânò. Ingajò xo̱jo̱n koi, k’oa̱á s’ín bìnèânò nga si̱kítsjeèn kjoa̱ xi nguì kixi̱ tjín; 2 méâne nga si̱kítsjeènânò jñà ‘én xi kjòtseé tsakóya xi̱ta̱ tsjeèâla̱ Nainá xi kiìchja̱ ngajoâla̱. Ti̱koa̱ si̱kítsjeèn kjo̱tíxomaâla̱ Na̱’ènâná Jesucristo xi tsachrjekàjiìnâná kjo̱’in koni s’ín tsakóyaânò jñà xi̱ta̱ xi tsibíxáyaâla̱. 3 Jè xi ‘ñó mochjeén nga ndaà kàtasijiìnânò, jñà na̱chrjein xi sa̱ nchrobá nga jyeé tífehet’aà na̱chrjein, kjoi̱í xi̱ta̱ xi si̱ìsobàânò ts’e̱ kjoa̱ kixi̱; ya̱á ko̱jchájiìn kjoa̱ch’o xi síjé yijoâla̱. 4 Sko̱nangui, ki̱tso̱ânò: “Na̱chrjein i̱’ndei̱, ¿méâne mì tíbitasònâne ‘én xi tíjna xi tsò nga kjoi̱í ìjngoò k’a Cristo? Jyeé kjòtseé k’en xi̱ta̱ jchíngaâná, tákó k’oa̱á choòn skanda kóni nga kisindaà i̱sò’nde." 5 Jñà xi̱ta̱ xi k’oa̱ tsò, xó k’oa̱á s’ínâne nga síjchàajiìn nga jñà ‘én xi kiìchja̱ Nainá na̱chrjein kjòtseé, jñà kisindaàâne ngajmiì ko̱ nangui. Ti̱jèâne nandá inchrobàt’aàâne ko̱ ti̱jè tíjnakonâne. 6 Xi komà i̱skan, ti̱jèâne ‘énâla̱ Nainá ko̱ nandá kisìkjeâne i̱sò’nde jchínga k’e̱ nga tsangasòn nandá. 7 Ti̱ jéâne ‘én xi kitsjaà Nainá k’oa̱á s’ín tíchja̱ nga jè ngajmiì ko̱ nangui ñánda titsa̱jnasoán na̱chrjein i̱’ndei̱, títsa̱jnandaàâla̱ méâne nga ki̱ti̱âne jè na̱chrjein k’e̱ nga si̱ndaàjiìnâla̱ xi̱ta̱ ti̱koa̱ kjoe̱hesòn jñà xi̱ta̱ xi mìkiì beèxkón Nainá. 8 Jñò ndí ’ndsè xi matsjake̱ânò kì nìjchàajiìnâjèn kjoa̱ koi: xi i̱t’aà ts’e̱ Nainá, jngoò na̱chrjein k’oa̱á ngayaâla̱ koni tsà jngoò jmiì nó tjínâne, koa̱ jngoò jmiì nó, Nainá, jngoò na̱chrjein tsòâla̱. 9 Na̱’ènâná mìtsà tísíkichrjein nga si̱ìkitasòn ‘énâla̱ koni tsò i’nga xi̱ta̱; tíkoña kjoa̱áânò Nainá; jè xi mejènâla̱ nga ni̱jngoò xi̱ta̱ jchi̱ja, nga kàtasíkájno jéâla̱ nga mì ti̱ jé ko̱hótsjiâne. 10 Ta̱nga jè na̱chrjeinâla̱ Nainá, k’oa̱á s’ín kjoi̱í koni s’ín f’iì xi̱ta̱ chijé. Ngajmiì, jngoò k’aá jchi̱ja k’e̱ nga ki̱ná’yaâla̱ nga ch’o jchán kjo̱ne. Jè ts’oí, sá ko̱ ni’ño ki̱ti̱âne. Jè nangui ko̱ ni̱ta̱ mé xi tjín i̱ i̱t’aà nangui, jngoò k’aá ki̱ti̱. 11 Koni s’ín ko̱ma nga jchi̱ja ngats’iì tsojmì xi tjín, ‘ñó mochjeén nga tsjeè si̱jchá yijoânò koni s’ín síjé Nainá, 12 ko̱ nga chíñakjoa̱âlà jè na̱chrjein k’e̱ nga kjoi̱í Nainá. Ti̱xátíyaâlà na̱chrjein jè. Ko̱ ngats’iì tsojmì xi tjín i̱sò’nde ko̱ ngajmiì, jngoò k’aá ko̱ngandá nga ki̱ti̱. 13 Ta̱nga i̱t’aà tsa̱ján, jè titsa̱chiñáâlá ngajmiì xi̱tse̱ ko̱ nangui xi̱tse̱ koni s’ín kitsjaà tso’ba Nainá, ya̱ ñánda s’e̱ kjoa̱ kixi̱ ko̱ kjo̱ndaà. 14 Koií kjoa̱âla̱ jñò ndí ’ndsè xi matsjake̱ânò, nga k’oa̱ tjín kjoa̱ xi titsa̱chiñàâlà, tjiìâlà nga’ñó yijoânò, méâne k’e̱ nga kjoi̱í ìjngoò k’a Jesucristo, k’oa̱á s’ín sa̱kòt’aàânò nga ’nchán ki̱tsa̱jnaà nga tsjeè titsa̱nìjchá yijoânò ko̱ ni̱mé jé tjínânò. 15 K’oa̱á s’ín kàtasijiìnânò, jè kjoa̱tsejtaâla̱ Nainá nga tse titsa̱chiñá, jèâné nga ki̱tjokàjiìn kjo̱’in jñà xi̱ta̱. Jè ’ndsè Pablo xi̱ta̱ xinguia̱á xi ‘ñó matsjachaá, ti̱koa̱á jye ìsa̱ kiskiìânò koni s’ín tjín kjoa̱chji̱ne̱ xi kitsjaàâla̱ Nainá. 16 Nga jngoò ìjngoò xo̱jo̱n carta xi kiskiì Pablo, k’oa̱á s’ín tíchja̱ kjoa̱ koi. Ta̱nga tjín i’nga xi ‘ñó ‘in chja̱, mìkiì ndaà machi̱yaâná kó tsòyaâne. K’oa̱á maâne jñà xi̱ta̱ xi mìkiì ndaà fìyaâla̱ ko̱ xi mì kixi̱ tjín kjo̱hítsjeènâla̱, síkjatjìyaâla̱ ‘én. K’oa̱á ti̱ síko̱ jñà Xo̱jo̱nâla̱ Nainá xi kiskiì xi kj’ei̱í xi̱ta̱. K’oa̱á maâne jñà xi̱ta̱ xi koa̱síko̱ ‘énâla̱ Nainá, ti̱jñà nchihótsjiâla̱ kjo̱’in yijoâla̱. 17 K’oa̱á maâne, jñò ndí ’ndsè xi matsjake̱ânò, nga jye ndaà tíjiìnânò kjoa̱ koi, ti̱kinda̱a yijoânò, méâne nga mì skóna̱cha̱nânò jñà xi̱ta̱ xi ch’o s’ín nga xìn ndi̱yá kiìko̱ânò xi mì kixi̱ tjín ko̱ ya̱á jchi̱ja nga kixi̱ titsa̱jnako̱o Nainá. 18 Ãsa̱á ndaà kàtasakóâìsaânò kjo̱ndaàâla̱ ko̱ kjo̱hítsjeènâla̱ Jesucristo xi otíxomaâná nga jè ochrjekàjiìnâná kjo̱’in. Jeya kàtìjna i̱’ndei̱ ko̱ ni̱ta̱ mé na̱chrjeinâne. K’oa̱s’ín kàtama.