2 Pedro 1

1 ‘A̱n, xi Simón Pedro ‘mìâna̱, nga ‘a̱n xi chi̱’ndaâla̱ Jesucristo ma, ko̱ nga ti̱koa̱ ‘a̱n tsibíxáyaâna̱, tìsìkasénânò xo̱jo̱n jè, jñò xi ngásòn ‘ñó ndaà mokjeiínânò koni s’ín mokjeiínânaje̱n; nga xi̱ta̱ kixi̱âné jè Jesucristo xi Nainá ma ko̱ xi ochrjekàjiìnâná kjo̱’in. 2 Koni s’ín nga ìsa̱ ndaà titsa̱yaxkon Nainá ko̱ jè Jesucristo xi otíxomaâná, k’oa̱á s’ín ìsa̱ ndaà kàtasakóânò kjo̱ndaà ko̱ kjoa̱’nchán ya̱ i̱jiìn ini̱ma̱ânò. 3 Jè nga’ñóâla̱ Nainá tsjá yijeâná xi mochjeénâná nga titsa̱jnakoaán ko̱ nga ndaà yaxkoán Nainá. Koií kjoa̱âla̱ nga tsjáâná ngats’iì kjo̱ndaà koi nga yaxkoaán jè xi ko̱ kjoa̱jeyaâla̱ ko̱ nga’ñó tsjeèâla̱ kiìchja̱âná. 4 I̱t’aà ts’e̱ kjoa̱ koi, kitsjaàâná kjoa̱ xi ‘ñó ndaà tjín ko̱ xi ‘ñó tse chjíâla̱ koni s’ín kitsjaà tso’ba Nainá, méâne nga ti̱koa̱ ko̱ko̱t’aàâná nga k’oa̱s’ín s’e̱én koni s’ín s’ín Nainá nga jye chinchat’aàxìnâlà kjoa̱ xi ch’o síjé yijoâná i̱ i̱sò’nde xi ta síkits’ónâná. 5 K’oa̱á maâne, ‘ñó tìnèâlà yijoânò jñà kjoa̱ koi. Koni s’ín nga mokjeiínânò i̱t’aà ts’e̱ Cristo, k’oa̱á ti̱s’ín mochjeénâné nga ndaà xi̱ta̱ kàtama jñò. Nga jye ndaà xi̱ta̱ ma, ti̱koa̱ mochjeénâné nga kàtas’eânò xi kjoa̱ chji̱ne̱. 6 Nga jye tjínânò kjoa̱ chji̱ne̱, ti̱koa̱á mochjeénâné nga kixi̱ tatìxomaâlà yijoânò. Ko̱ nga jye kixi̱ otíxomaâlà yijoânò ti̱koa̱ mochjeénâné nga s’e̱ânò kjoa̱tsejta. Ko̱ nga jye tjínânò kjoa̱tsejta, ti̱koa̱á mochjeénâné nga nguì ndaà cha̱xkón Nainá. 7 Nga jye ndaà yaxkón Nainá, ti̱koa̱ mochjeénâné nga ndaà ti̱tsjacha xinguio̱o. Ko̱ nga jye ndaà matsjacha xinguio̱o, ti̱koa̱á mochjeénâné nga nguì ndaà ti̱tsjacha ngats’iì xi̱ta̱ xi kj’ei̱í. 8 Jñò, tsà tjínânò kjo̱ndaà koi, ko̱ tsà kjit’aà na̱chrjein tík’aasònânò, mì jyò ki̱tsa̱jnaà; nguì ndaà ko̱chjeénânò nga ìsa̱á ndaà jcha̱xkoòn Jesucristo xi otíxomaâná. 9 Ta̱nga tsà tjín i’nga xi tsjìnâla̱ kjo̱ndaà koi, k’oa̱á ngayaâla̱ koni xi̱ta̱ xka̱n xi mìkiì ndaà tsejènâla̱; jyeé kijchàajiìnâla̱ nga Nainá jye kisìjchàat’aàâla̱ jé xi kis’eâla̱ nga sa̱ ítjòn. 10 K’oa̱á maâne, jñò, ndí ’ndsè, ìsa̱ ‘ñó tjiìâlà nga’ñó yijoânò nga ti̱kixi̱yaà kjoa̱ nga Nainá xó k’oa̱á s’ín kiìchja̱ânò ko̱ jaàjiìnânò. Tsà k’oa̱s’ín s’e̱en kjit’aà, ni̱mé jé ska̱jñoò. 11 Nga k’oa̱á s’ín ko̱ma nga táx’a̱’ndeânò nga ki̱tjás’e̱en ñánda tíhotíxoma ni̱ta̱ kjéâne jè Jesucristo xi ochrjekàjiìnâná kjo̱’in ko̱ xi otíxomaâná. 12 Koií kjoa̱âla̱ kjit’aà na̱chrjein sìkítsjeèn yijeânò kjoa̱ koi, na̱s’ín jye maânò ko̱ jye kixi̱ titsa̱jnako̱o jè kjoa̱kixi̱âla̱ Nainá koni s’ín mokjeiínânò na̱chrjein i̱’ndei̱. 13 K’e̱ nga tákó tìjna̱konâìsa i̱ i̱sò’nde jè, mochjeénâné nga síkítsjeènânò nga ko̱s’ín ti̱jchá yijoânò. 14 Jè Jesucristo xi otíxomaâná jyeé k’oa̱s’ín kitsòâna nga jyeé kjòchrañàt’aà nga kjoe̱het’aà na̱chrjeinâna̱. 15 Ti̱koa̱á ‘a̱n tìbìnèâla̱ yijoâna̱ nga tísíkítsjeènânò méâne k’e̱ nga ‘a̱n xi jye ki̱yá, nga na̱chrjein nchijòn k’oa̱á s’ín ti̱kítsjeèn kjoa̱ koi. 16 Nga mìtsà ta cuento xi ta xi̱ta̱ kisìkítsjeèn koni s’ín tsibeno̱jmíânòje̱n kó kji nga’ñó kis’eâla̱ Na̱’ènâná Jesucristo ko̱ nga kjoi̱í ìjngoò k’a. Nga xko̱ón ki’yaânaje̱n kjoa̱jeyaâla̱ nga ‘ñó tse nga’ñó tjínâla̱. 17 Ki’yaânáje̱n k’e̱ jè Nainá xi Na̱’ènâná nga jeya ko̱ ’nga kisìkíjna Jesucristo. Kina’yàâla̱ ya̱ i̱jiìn i̱sén ñánda ‘ñó ote kji ‘én xi kitsò: “Jè jèe̱ xi ki’ndíâna̱ xi ‘ñó matsjake̱ nga xó ‘a̱n jaàjiìnâna." 18 Ngaje̱n sobà kina’yàâla̱je̱n jñà ‘én xi ngajmiì inchrobàâne k’e̱ nga titsa̱jnako̱âje̱n Jesucristo ya̱ i̱sò’nga nindoò tsjeèâla̱. 19 Nga yije kjoa̱ koi, k’oa̱á s’ín ìsa̱ ndaà makixi̱ya koni s’ín kiìchja̱ jñà xi̱ta̱ xi kiìchja̱ ngajoâla̱ Nainá. ‘Ãó ndaà ’nè nga na’yàâla̱ ‘én koi. K’oa̱á s’ín ngayaâla̱ koni jngoò ni’ín xi síhiseèn ya̱ i̱’nde ñánda jñò choòn skanda k’e̱ nga s’e̱ i̱sén, i̱kjoàn síhiseènâjiìn ini̱ma̱âná koni jè ni’ño tse. 20 Ãtjòn k’oa̱ s’ín ndaà kàtasijiìnânò, jñà ‘én xi tjít’aà Xo̱jo̱nâla̱ Nainá, mìtsà ta jngoò xi̱ta̱ kitsjaà kjo̱hítsjeènâla̱ nga kitjei. 21 Nga jñà xi̱ta̱ xi kiìchja̱ ngajoâla̱ Nainá, ni̱jngoò ‘én xi ta̱ kjo̱hítsjeèn ts’e̱ nga kiìchja̱ya. Jé Ini̱ma̱ Tsjeèâla̱ Nainá kisìkichi̱yaâla̱ kjo̱hítsjeènâla̱ xi̱ta̱ koi nga komà kiìchja̱ya ‘énâla̱ Nainá.