1 Timoteo 4

1 Ta̱nga jè Ini̱ma̱ Tsjeèâla̱ Nainá ndaà béno̱jmíyaâná nga tsò: k’e̱ nga chiba na̱chrjein chijaâìsaâla̱ nga kjoi̱í ìjngoò k’a Cristo, s’e̱é xi̱ta̱ xi mì ti̱ kiì ko̱kjeiínâla̱ i̱t’aà ts’e̱ Cristo. Ya̱á kji̱t’aàâla̱ ini̱ma̱ ch’oâla̱ nei̱í xi kona̱cha̱n koa̱ kjo̱hítsjeènâla̱ nei̱í si̱ìkitasòn. 2 Jñà kji̱’nchréâla̱ xi̱ta̱ ndiso xi jò i̱sén tjínâla̱. Xi̱ta̱ koi, nga jye kjòtájaàjiìn kjo̱hítsjeènâla̱, mì ti̱ kinda̱ fìko̱âne kjoa̱ch’o xi nchis’ín. 3 Jñà xi̱ta̱ koi mìkiì tsjá’nde nga ki̱xan xi̱ta̱. Ti̱koa̱á tjín tsojmì xi ma chine, mìkiì tsjá’nde nga ko̱ma chji̱ne̱. Ta̱nga tsojmì koi, Nainá tsibíndaà nga tjí’ndeâla̱ nga ko̱ma ski̱ne̱ xi̱ta̱ xi mokjeiínâla̱ ko̱ xi ndaà tíjiìnâla̱ kjoa̱kixi̱. K’e̱ nga ski̱ne̱ tsjáâla̱ kjo̱ndaà Nainá. 4 Ngats’iì tsojmì xi Nainá tsibíndaà, ndaàâné, mìkiì ko̱ma ki̱náchrjenguiaá. Ko̱ma si̱kjeén yije tsà k’oi̱âlá kjo̱ndaà Nainá k’e̱ nga si̱kjeén. 5 Jè ‘énâla̱ Nainá si̱ìtsjeè tsojmì k’e̱ nga ki̱nókjoa̱t’aàâlá. 6 Ji̱, tsà k’oa̱s’ín ko̱kóyaâla̱ jñà xi̱ta̱ xinguia̱á kjoa̱ koi, ‘ñó ndaà si̱xát’aàâla̱ Cristo Jesús. Ska̱sònâìsa̱ kjo̱hítsjeènâlè i̱t’aà ts’e̱ ‘én xi mokjeiínâná ko̱ kjo̱hítsjeèn xi ndaà tjín xi ndaà tì’mìtji̱nguiâla̱. 7 Ta̱nga kì ta̱xki̱ nìs’inâla̱ ‘én jchínga ts’e̱ i̱sò’nde xi nìmé chjíâla̱ xi tà kjo̱hítsjeènâla̱ xi̱ta̱. Tìnèâla̱ yijoâlè nga cha̱xkoín Nainá. 8 Tsà kínèâlá yijoâná nga k’oi̱âlá nga’ñó, sakó chibaâla̱ kjo̱ndaà, ta̱nga tsà kínèâlá ini̱ma̱âná nga ndaà jcha̱xkoán Nainá, ìsa̱á sakóâná kjo̱ndaà xi mochjeénâná nga kjit’aà na̱chrjein. Sakóâná kjo̱ndaà i̱ i̱t’aà nangui ko̱ nga ko̱ma i̱skan ti̱koa̱á sakóâná ján ngajmiì. 9 ‘Ãn koi, ‘én kixi̱âné. Mochjeénâné nga kàtakjeiín yijeâla̱ xi̱ta̱. 10 Koií k’oa̱s’ín bìnèâlá xá yijoâná, ti̱koa̱ nìkjiaán kjo̱’in nga jè titsa̱chiñáâlá Nainá xi tíjnakon xi maâla̱ ochrjekàjiìn kjo̱’in ngats’iì xi̱ta̱. Jñàâné xi ki̱tjokàjiìn kjo̱’in xi mokjeiínâla̱ i̱t’aà ts’e̱ Cristo. 11 K’oa̱á s’ín tatìxomaâla̱ jñà xi̱ta̱, k’oa̱ tì s’ín ta̱kóyaâla̱ ‘én koi. 12 Kì yá xi ochrjekànguiâlè na̱s’ín nguì sa̱ i̱xtiâìsi. Ya̱ i̱jiìnâla̱ xi̱ta̱ xi mokjeiínâla̱ i̱t’aà ts’e̱ Cristo, ji̱, ndaà t’in ítjoìn méâne skínguiâne kós’ín nokjoì, kós’ín ’nì, kós’ín tjòcha ‘yi Nainá ko̱ xi̱ta̱, [kós’ín ndaà tíjna ini̱ma̱âlè], kós’ín mokjeiínâlè i̱t’aà ts’e̱ Nainá, kós’ín tsjeè tìnìjchí yijoâlè nga nguixko̱n Nainá. 13 Skanda k’e̱ nga kìjchokonâlè, k’oa̱á s’ín t’i̱in: tìxke̱jiìnâla̱ xi̱ta̱ ‘énâla̱ Nainá; tìnèâla̱ nga ‘ñó kàt’eéâla̱ ikon; ti̱koa̱ ta̱kóyaâla̱. 14 Kì nìjchàajiìnâjèn nga si̱xát’aàâla̱ Nainá i̱t’aà ts’e̱ kjo̱tjò xi kitjoéâlè k’e̱ nga jñà xi̱ta̱ jchíngaâla̱ na̱xa̱ndáâla̱ Nainá tsohósònâlè tsja nga jñà kiìchja̱ ngajoâla̱ Nainá i̱t’aà tsi̱ji. 15 I̱t’aà ts’e̱ kjoa̱ koi, kjit’aà na̱chrjein ti̱yakoi̱i, ti̱koa̱ ti̱xákoi̱i méâne nga skoe̱ yijeâne xi̱ta̱ nga ndaà tímajchíngakoi̱i. 16 Ndaà ti̱kindi̱i yijoâlè mé xi ’nì. Ti̱koa̱ t’i̱in kinda̱ jè ‘én xi okoòyaâla̱ xi̱ta̱. Kixi̱ ti̱jni. Tsà k’oa̱s’ín si̱kitasoìn, ngaji̱, ki̱tjokàjiìn kjo̱’in; ti̱koa̱á ki̱tjokàjiìn kjo̱’in jñà xi̱ta̱ xi ’nchréâlè.