1 Timoteo 1

1 ‘A̱n, Pablo, tìkjiìâlè xo̱jo̱n jè, nga ‘a̱n tsibíxáyaâna Jesucristo, nga k’oa̱s’ín kitsjaà o̱kixi̱ Nainá xi ochrjekàjiìnâná kjo̱’in ko̱ Na̱’ènâná Jesucristo nga titsa̱chiñáâlá kjo̱ndaàâla̱. 2 Ngaji̱ Timoteo, koni tsà ki’ndí ts’a̱n xanâlè nga ‘a̱n tsakoòyandaàâlè koni s’ín mokjeiínâná i̱t’aà ts’e̱ Cristo. Nainá xi Na̱’ènâná ko̱ Na̱’ènâná Jesucristo kàtatsjáâlè kjo̱ndaà, kàtahi̱ma̱keèâlè, kàtas’eâla̱ kjoa̱’nchán i̱jiìn ini̱ma̱âlè. 3 Koni s’ín tsibìtsi’baâlè k’e̱ nga kiaà nangui Macedonia, ya̱á ti̱jni na̱xa̱ndá Ãfeso méâne nga ki̱chakjáyaâla̱ xi̱ta̱ xi mìtsà ‘én kixi̱ nchihokóya i̱jiìn na̱xa̱ndáâla̱ Nainá. 4 Ngaji̱ Timoteo, k’oa̱á s’ín tjínèâla̱ jñà xi̱ta̱ koi, kì kiì sís’inâla̱ cuento jchínga xi mìtsà kixi̱ kjoa̱ ti̱koa̱ kì kiì sís’inâla̱ kjoa̱ xi mìkiì fehet’aà ts’e̱ xi̱ta̱ jchínga kjòtseé. Kjoa̱ koi ni̱mé chjíâla̱. Tà síkjaánâkjoòâná. Mì kì osìko̱âná nga mokjeiínâná i̱t’aà ts’e̱ Cristo méâne nga ko̱ma si̱kitasoán koni s’ín mejènâla̱ Nainá. 5 Xá xi tìbìnèâlè, jèâné nga tsjeè tíjna ini̱ma̱âná, nga tsjeè tjín kjo̱hítsjeènâná koa̱ nga nguì ndaà mokjeiínâná; ya̱á nchrobát’aàâne nga si̱tjòchaà xinguia̱á. 6 Ta̱nga tjín i’nga xi̱ta̱ xi xìn ndi̱yá tjímaya; tà koií joóyaâne ‘én xi ni̱mé chjíâla̱. 7 Mejènâla̱ maestro ts’e̱ kjo̱tíxomaâla̱ Nainá kítsa̱jna. Ta̱nga ti̱jñàâne, skanda mìkiì machi̱yaâla̱ ‘én xi chja̱ nga ‘ñó chja̱ nga tsò nga kixi̱ kjoa̱. 8 Tíjiìnâná nga jè kjo̱tíxoma xi kitsjaà Nainá, ndaà tjín tsà k’oa̱s’ín ko̱chjeén koni s’ín mejènâla̱ Nainá. 9 ‘Yaâná, kjo̱tíxomaâla̱ Nainá, mìtsà ts’e̱ jñà xi̱ta̱ xi ndaà s’ín. Ts’e̱âné jñà xi̱ta̱ xi mìkiì ’nchréñijon koa̱ mìkiì síkitasòn; ts’e̱âné xi̱ta̱ xi mìkiì beèxkón Nainá koa̱ ótsji jé; ts’e̱âné xi̱ta̱ xi mì tsjeè tjín kjo̱hítsjeènâla̱ xi tjé beèhikon jè kjoa̱tsjeèâla̱ Nainá; ts’e̱âné xi̱ta̱ xi sík’en na̱’ènâla̱ ko̱ nea̱âla̱, ko̱ ngats’iì xi̱ta̱ xi xi̱ta̱ sík’en. 10 Ti̱koa̱ ts’e̱âné jñà xi̱ta̱ xi kjoa̱ chijnguií s’ín, jñà xi xi̱ta̱ xa’nda, xi̱ta̱ xi xíkjín fìko̱ chijé nga otíjna. Ti̱koa̱ ts’e̱âné jñà xi̱ta̱ ndiso ko̱ xi̱ta̱ xi mìtsà ‘én kixi̱ chja̱, jñà xi̱ta̱ xi ch’o tjín kjoa̱ xi s’ín xi kondra̱ ts’e̱ kjo̱hítsjeèn xi kixi̱ tjín. 11 Jè kjo̱hítsjeèn kixi̱, k’oa̱á tjín xi okóya jñà ‘én jeyaâla̱ Nainá xi kjoa̱ ts’e̱ Cristo. Nainá xi ‘ñó jeya tíjna, jè kisìnga̱tsjaâna nga ‘a̱n kichjàya ‘én koi. 12 Tsjaàâla̱ kjo̱ndaà Na̱’ènâná Jesucristo. Ndaà chjíâla̱ nga kitsjaàâna nga’ñó ti̱koa̱ ndaà kijtseè ikonâna nga ‘a̱n kisìnga̱tsjaâna xáâla̱, 13 na̱s’ín k’e̱ nga sa̱ ítjòn, ‘ñó ch’o kis’iaàn; kichjàjnoâla̱ Nainá; kondra̱ kiìtji̱nguiâla̱; toòn kijtseè xi̱ta̱âla̱. Ta̱nga kjòhi̱ma̱keèâna Nainá, nga kj’eè kiì be, koa̱ kj’eè kiì mokjeiínâna i̱t’aà ts’e̱ Cristo. 14 Ta̱nga jè kjo̱tjòâla̱ Na̱’ènâná ìsa̱á ‘ñó tse kitsjaàâna ti̱koa̱ kisìhiseènâna nga mokjeiínâna ko̱ kitsjaàâna kjoa̱tjòchaâla̱ nga jè Cristo tìjna̱koa̱a. 15 Jñà ‘én koi, nguì ‘én kixi̱âné. Mochjeénâné nga ko̱kjeiín yijeâla̱ xi̱ta̱ nga jè Jesucristo j’iì i̱ i̱sò’nde nga ko̱chrjekàjiìn kjo̱’in ngats’iì xi̱ta̱ xi jé tjínâla̱. Ngats’iì xi̱ta̱ xi ch’o s’ín, ‘a̱án tìjna̱ ítjoàn nga tsohotsjià jé. 16 Na̱s’ín ‘ñó ch’o kis’iaàn, Nainá kis’eâla̱ kjo̱hi̱ma̱takòn i̱t’aà ts’a̱n. Jñà xi̱ta̱, k’e̱ nga skoe̱ kó s’ín kisìko̱âna Na̱’ènâná Jesucristo, nga ‘ñó tjínâla̱ kjoa̱tsetakòn, ti̱koa̱á ko̱kjeiínâla̱ i̱t’aà ts’e̱ Cristo nga s’e̱âla̱ kjoa̱binachon ni̱ta̱ mé na̱chrjeinâne. 17 Nainá, ’nga kàtìjna, kàtas’eâla̱ kjoa̱jeya ni̱ta̱ mé nó, ni̱ta̱ mé na̱chrjeinâne nga jè otíxoma ni̱ta̱ mé na̱chrjeinâne koa̱ mìkiì kjoe̱het’aà na̱chrjeinâla̱ ni̱ta̱ kjéâne, ti̱koa̱ mìkiì tsejèn ñánda tíjna koa̱ nguì jè ta̱jngoò xi Nainá. K’oa̱s’ín kàtama. 18 Ngaji̱ Timoteo koni tsà ki’ndíâna̱ xanâlè, sìnga̱tsjaâlè ‘én koi, koni s’ín kitsò xi̱ta̱ xi kisìkjeén Nainá nga kiìchja̱ i̱t’aà tsi̱ji, méâne nga i̱t’aà ts’e̱ ‘én koi, tsjáâlè nga’ñó nga ndaà si̱xáâla̱ Nainá koni s’ín síxá soldado. 19 Ndaà kàtakjeiínâlè i̱t’aà ts’e̱ Cristo, ti̱koa̱ ndaà kàtìjna kjo̱hítsjeènâlè. Tjín i’nga xi̱ta̱ xi mìkiì kisìs’in kjo̱hítsjeèn xi ndaà tjín. K’oa̱á komàâne nga kisìkjeâla̱ ikon nga mì ti̱ kiì kòkjeiínâla̱. 20 K’oa̱á s’ín komàt’in jè Himeneo ko̱ Alejandro xi ‘a̱n kisìkítsa̱jnakoa̱a xi̱ta̱ nei̱í méâne nga kàtakixi̱yaâne nga mì ta̱xki̱ ki̱chja̱jnoâla̱ Nainá.