1 Tesalonicenses 1

1 Jñò xi xi̱ta̱ na̱xa̱ndáâla̱ Nainá maà xi titsa̱jnaà ya̱ na̱xa̱ndá Tesalónica nga ya̱ titsa̱jnakjoòko̱o Nainá xi Na̱’ènâná ko̱ jè Jesucristo xi otíxomaâná, ‘a̱n xi ‘mìâna Pablo titsa̱nìhixot’aàânòje̱n ko̱ Silvano [ti̱jéâne xi ‘mì Silas] ko̱ Timoteo. Nainá kàtatsjáânò kjo̱ndaà ko̱ kjoa̱’nchán ya̱ i̱jiìn ini̱ma̱ânò. 2 K’e̱ nga nokjoàt’aàâla̱je̱n Nainá, kjit’aà na̱chrjein ‘biìâla̱je̱n kjo̱ndaà i̱t’aà tsa̱jòn. 3 Bítsjeènânaje̱n nga nguixko̱n Nainá xi Na̱’ènâná koni s’ín nga titsa̱nìxá, koií kjoa̱âla̱ nga mokjeiínânò i̱t’aà ts’e̱ Cristo, ti̱koa̱ ndaà nìxáâlà xi̱ta̱ xi kj’ei̱í nga matsjacha, nga ti̱koa̱ kixi̱ titsa̱jnaà nga titsa̱chiñàâlà Jesucristo xi otíxomaâná. 4 Ndí ’ndsè, Nainá matsjakeèânò. ‘Yaânáje̱n nga xó k’oa̱s’ín jaàjiìnânò nga xi̱ta̱ na̱xa̱ndáâla̱ ko̱maà. 5 Nga jè ‘én ndaàâla̱ Nainá xi kjoa̱ ts’e̱ Cristo xi tsibèno̱jmíânòje̱n, mìtsà ta ‘én tsa̱je̱n xi kinokjoáko̱ânòje̱n. Jè Ini̱ma̱ Tsjeèâla̱ Nainá kitsjaàânaje̱n nga’ñó, ko̱ ti̱koa̱ ‘ñó ndaà kjòchi̱yaânaje̱n nga nguì kixi̱ kjoa̱. Jñò, ndaà ki’yaà k’e̱ nga ya̱ tsakítsa̱jnaâje̱n, ndaà kinìchját’aàânòje̱n xi kjo̱ndaà tsa̱jòn. 6 Jñò, k’oa̱á s’ín ki’nè koni s’ín ki’nèâje̱n ko̱ koni s’ín s’ín Cristo. Jè Ini̱ma̱ Tsjeèâla̱ Nainá kitsjaàânò kjo̱tsja nga komà kichjoétjò ‘énâla̱ Nainá na̱s’ín ‘ñó tse kjo̱’in tsatojioòn. 7 K’oa̱á maâne jñò tsakoò jngoòâlà kjoa̱ xi ndaà tjín nga kiskinguì ngats’iì xi̱ta̱ xi jye kòkjeiínâla̱ ‘énâla̱ Nainá ya̱ nangui Macedonia ko̱ Acaya. 8 Nga ya̱á kjòts’ia̱âne i̱t’aà tsa̱jòn nga tsabísòn jè ‘én ndaàâla̱ Na̱’ènâná; mìtsà tà ya̱ nangui Macedonia ko̱ Acaya; xki̱ xi ján kina’yàâla̱ nga jñò, ndaà mokjeiínânò i̱t’aà ts’e̱ Nainá. K’oa̱á maâne nga mì ti̱ kiì mochjeénâne nga ngaje̱n kéno̱jmíâla̱je̱n xi̱ta̱ i̱t’aà tsa̱jòn, nga jyeé beèânò xi̱ta̱. 9 Nga̱ ti̱jñà béno̱jmíâne nga ndaà kichjoétjòânáje̱n k’e̱ nga ijchochoònânòje̱n. Ti̱koa̱á tsòâné nga jñò jyeé kinìkíjna kjoa̱ ts’e̱ xkósòn. I̱’ndei̱ jyeé ya̱ tjaàt’aàâlà xi nguì jè sobà Nainá xi kixi̱ kjoa̱ nga tíjnakon. 10 Ti̱koa̱á béno̱jmíâné nga titsa̱chiñàâlà Ki’ndíâla̱ Nainá nga ki̱tjojen ìjngoò k’aâne ngajmiì, jè xi ti̱jèâne Jesús xi Nainá kisìkjaáyaâla̱ k’e̱ nga k’en, nga jèâné xi ko̱chrjekàjiìnâná kjo̱’in ts’e̱ kjoa̱jtiâla̱ Nainá xi sa̱ nchrobá.