1 Pedro 5

1 Sìjét’aàâla̱ jñà xi̱ta̱ jchínga xi xá ítjòn tjínâla̱ nga ya̱ síxájiìnânò ya̱ na̱xa̱ndáâla̱ Nainá. Ti̱koa̱á ‘a̱n, xi̱ta̱ jchíngaâná nga xá ítjòn tjínâna koni jñà xi̱ta̱ koi; kìjtseèâná kjo̱’in xi kis’eâla̱ Cristo; ti̱koa̱á s’e̱éâna kjoa̱jeya xi i̱skan jcha̱âla̱. 2 Ti̱kinda̱a jñà xi̱ta̱âla̱ Nainá xi jñò kjònga̱tsja koni tsà orrè; kì kjo̱’ñó ’nèâlà yijoânò; ko̱ó kjo̱ndaàânò nga ti̱kinda̱a koni s’ín mejènâla̱ Nainá. Mìtsà koií kjoa̱ nga tse to̱n si̱kijneè. Tà ko̱ó kjo̱tsjaânò nga k’oa̱ t’e̱en. 3 Kì yatoònâjèn jñà xi̱ta̱ xi jñò manga̱tsja koni tsà neiâla̱ ma. Jñò ti̱ncha ítjònâlà, ta̱kóâla̱ ndi̱yáâla̱ Nainá méâne ko̱ma skínguiânò. 4 Méâne k’e̱ nga kjoi̱í ìjngoò k’a jè Paxtò ítjòn, tjoéânò kjoa̱jeyaâla̱ Nainá koni jngoò corona xi mìkiì fehejno oteâla̱ ni̱ta̱ kjéâne. 5 Ti̱koa̱ jñò xi i̱xti xo̱ngó ‘mìânò, ti̱kitasònâlà jñà xi̱ta̱ jchínga xi otíxoma ya̱ i̱jiìn na̱xa̱ndáâla̱ Nainá. Ngats’ioò, indaàkjoa̱ tanguíko̱o xinguio̱o, nga: Jè Nainá kondra̱á tíjnaâla̱ jñà xi̱ta̱ xi ’nga ikon; koa̱ jñà xi̱ta̱ xi indaàkjoa̱ tjín ini̱ma̱âla̱, tsjáâla̱ kjo̱ndaà. 6 Nangui titsa̱jnaâlà Nainá nga tse nga’ñó tjínâla̱ koni s’ín síko̱ânò, méâne k’e̱ nga ki̱jchò na̱chrjein jè Nainá ’nga si̱ìkítsa̱jnaânò. 7 Tsja Nainá ti̱kítsa̱jnaya ngats’iì kjoa̱ xi makájnoânò nga jè tísíkinda̱ânò. 8 Ti̱kinda̱a yijoânò, kjit’aà na̱chrjein titsa̱jnandaà, nga jè xi̱ta̱ nei̱í xi kondra̱ânò, k’oa̱á s’ín tsóbandiìânò k’oa̱á ngayaâla̱ koni jngoò xa xi tíkjindáya nga ‘ñó ijòâla̱, nga tíhótsji yá xi ski̱ne̱. 9 Nga ndaà mokjeiínânò, ‘ñó ti̱nchaâlà xi̱ta̱ nei̱í. Nga jyeé tíjiìnânò nga jñà xi̱ta̱ xinguio̱o xi títsa̱jna nga tíjtsa i̱sò’nde, ti̱koa̱á k’oa̱á tjín kjo̱’in xi nchisíkjeiín. 10 K’e̱ nga jye ko̱to chiba na̱chrjein nga titsa̱nìkjioón kjo̱’in, jè sobà Nainá si̱ìndaàyaânò, si̱ìkíjnandaàânò, tsjáânò nga’ñó, ko̱ kixi̱ si̱ìkítsa̱jnaânò. Ti̱jéâne Nainá xi ko̱ kjoa̱tjòchaâla̱ kiìchja̱âná nga s’e̱âná kjoa̱jeyaâla̱ ni̱ta̱ kjéâne nga Jesucristo titsa̱jnakoa̱á. 11 Ts’e̱é Nainá ngats’iì nga’ñó xi tjín skanda ni̱ta̱ kjéâne. K’oa̱s’ín kàtama. 12 Silvano, xi ’ndsè xanâla̱, nga kixi̱ tjín xáâla̱, jè kisìchját’aàâna nga kiskiìânò xo̱jo̱n carta jè. K’oa̱á s’ín tìbìnèânò ko̱ tìsìkixi̱yaânò nga ngats’iì ‘én xi tìsìkasénânò, nguì k’oa̱á s’ín tjín kjo̱ndaàâla̱ Nainá. Kixi̱ titsa̱jnako̱o kjo̱ndaà koi. 13 Nchisíhixat’aàânò jñà xi̱ta̱ na̱xa̱ndáâla̱ Cristo xi i̱ títsa̱jna Babilonia xi xó ta̱ña kitjaàjiìnânò. Ko̱ jè Marcos xi ki’ndíâna̱ xanâla̱ i̱t’aà ts’e̱ Cristo, ti̱koa̱á tísíhixat’aàânò. 14 Ti̱ixot’aà xinguio̱o nga nguì ko̱ ini̱ma̱ânò. Kàtas’eâla̱ kjoa̱’nchán i̱jiìn ini̱ma̱ânò ngats’ioò xi ya̱ nokjoàânò i̱t’aà ts’e̱ Cristo. K’oa̱s’ín kàtama.