Yobu 25

¹ Awo Birudaadi Omusuki n’addamu n’ayogera nti,

² “Okufuga kwa Katonda n’entiisa ya Katonda; ateekawo enkola entuufu mu bifo ebya waggulu mu ggulu.

³ Amaggye ge gasobola okubalibwa? Ani atayakirwa musana gwe?

⁴ Olwo omuntu ayinza atya okwelowooza nti mutuukirivu awali Katonda? Omuntu eyazaalibwa omukazi ayinza atya okuba omulongoofu?

⁵ Laba n’omwezi tegulina bye gwaka, n’emmunyeenye si nnongoofu mu maaso ge.

⁶ Ate omuntu obuntu oyo envunyu obuvunyu, omwana w’omuntu, oyo olusiriŋŋanyi, ayinza atya okwelowooza nti mulongoofu!”