उत्पत्ति 10

¹ नूह को बेटां शेम, हाम अऊर येपेत होतो; उन्को बेटा जल प्रलय को बाद पैदा भयो: उन्की वंशावली या आय।

² येपेत को बेटां : गोमेर, मागोग, मादै, यावान, तूबल, मेशेक अऊर तीरास भयो।

³ अऊर गोमेर को बेटां : अश्कनज, रीपत अऊर तोगर्मा भयो।

⁴ अऊर यावान को वंश म एलीशा अऊर तर्शीश, कित्ती, अऊर दोदानी लोग भयो।

⁵ इन्को वंश दूसरी जातियों को द्वीपों को देशों म असो बट गयो कि हि दूसरी दूसरी भाषावों, कुलों, अऊर जातियों को अनुसार अलग अलग भय गयो।

⁶ तब हाम को बेटां : कूश, मिस्र, पूत अऊर कनान भयो।

⁷ अऊर कूश को बेटां सबा, हवीला, सबता, रामा, अऊर सब्तका भयो। अऊर रामा को बेटा शबा अऊर ददान भयो।

⁸ कूश को वंश म निम्रोद भी भयो; जो धरती पर पहिलो महा शक्तिशाली विजेता होतो।

⁹ ऊ प्रभु की नजर म महान शिकारी होतो, येकोलायी ओको बारे म यो कहावत प्रसिद्ध हय; “प्रभु की नजर म निम्रोद को जसो महान शिकारी।”

¹⁰ ओको राज्य की सुरूवात शिनार देश म बेबीलोन, एरेख, अक्कद, अऊर कलने सी भयो।

¹¹ निम्रोद ऊ देश सी निकल क अश्शूर ख गयो, अऊर नीनवे, रहोबोतीर अऊर कालह नाम को नगरों ख बसायो।

¹² ओन रेसेन नगर ख भी बसायो जो नीनवे अऊर कालह को बीच म हय; ऊ महानगर हय।

¹³ मिस्र को वंश म लूदी, अनामी, लहाबी, नप्तूही,

¹⁴ अऊर पत्रुसी, कसलूही, अऊर कप्तोरी लोग भयो, कसलूहियों म सी त पलिश्ती लोग निकल्यो।

¹⁵ कनान को वंश म ओको बड़ो बेटा सीदोन, तब हित्त,

¹⁶ यबूसी, एमोरी, गिर्गाशी,

¹⁷ हिव्वी, अर्की, शीनी,

¹⁸ अर्वदी, समारी, अऊर हमाती लोग भी भयो; तब कनानियों को कुल भी फैल गयो।

¹⁹ अऊर कनानियों की सीमा सीदोन सी ले क गरार की रस्ता सी होय क अज्जा तक अऊर तब सदोम, अमोरा, अदमा अऊर सबोयीम की रस्ता सी होय क लाशा तक भयो।

²⁰ हाम को वंश म हिच भयो; अऊर हि दूसरो दूसरो कुलों, भाषावों, देशों, अऊर जातियों को अनुसार अलग अलग भय गयो।

²¹ तब शेम, जो सब एबेर वंशियों को मूल पुरुष भयो, अऊर जो येपेत को भाऊ होतो, ओको भी बेटा पैदा भयो।

²² शेम को बेटां : एलाम, अश्शूर, अर्पक्षद, लूद अऊर अराम भयो

²³ अराम को बेटां : ऊस, हूल, गेतेर अऊर मश भयो।

²⁴ अऊर अर्पक्षद न शेलह ख, अऊर शेलह न एबेर ख जनम दियो।

²⁵ अऊर एबेर को दोय बेटां पैदा भयो, एक को नाम पेलेग यो वजह रख्यो गयो कि ओको दिनों म धरती बट गयी, अऊर ओको भाऊ को नाम योक्तान होतो।

²⁶ अऊर योक्तान न अल्मोदाद, शेलेप, हसर्मावेत, येरह,

²⁷ हदोराम, ऊजाल, दिक्ला,

²⁸ ओबाल, अबीमाएल, शबा

²⁹ ओपीर, हवीला, अऊर योबाब ख जनम दियो : हिच सब योक्तान को बेटां भयो।

³⁰ इन्को रहन की जागा मेशा सी ले क सपारा, जो पूर्व दिशा म एक पहाड़ी प्रदेश हय, ओकी रस्ता तक भयो।

³¹ शेम को बेटां हिच भयो; अऊर हि दूसरो दूसरो कुलों, भाषावों देशों अऊर जातियों को अनुसार अलग अलग भय गयो।

³² नूह को बेटा को घरानों हिच आय : अऊर उन्की जातियों को अनुसार उन्की वंशावली हिच हंय; अऊर जल प्रलय को बाद धरती भर की जातियां इन्कोच म सी होय क बट गयी।