A Umana Kakailai 54

1 God, una valaun iau ure ra iangim, Ma una varkurai ure iau ma ra dekdekim. 2 God una valongore kaugu niaring, Ma ra tinata na ngiegu na ruk ta ra talingam. 3 Tago ra umana vaira dia tar tut ure iau, Ma ra umana tena vinarubu dia tar mainge ba diat a ubu iau; God pa i tur ta ra luaina mata i diat. Sela. 4 Ea, God kaugu tena maramaravut, A Luluai iat i tukatukal kaugu nilaun. 5 Na bali ra kaina magit ta kaugu umana ebar; Una vamutue diat varogop ma ra dovot na maukuam. 6 Ina vartabar piram ma ra tamarigat na vartabar; Luluai, ina pite pa ra iangim tago i boina. 7 Tago i tar valangalanga iau kan ra lavur magit par i monong iau; Ma ra matagu i tar gire ra magit iau mainge pire kaugu umana ebar.