A Umana Kakailai 128

1 Diat par dia ru ra Luluai dia ti doan tikatikai, Nina diat dia murmur kana lavur nga. 2 Tago una en ra magit i vuna ta ra papalum na limam; Una ti doan, ma una ki mamal. 3 Kaum taulai i ki ara iat ra kubam, ma na da ra davai na vain i manga vuai; A lavur natum kikil kaum vuvuvung na nian dia da ra lavur boro na vudu. 4 Ea, damana na ti doan nam ra tutana Ba i ru ra Luluai. 5 Ra Luluai na vadoane u maro Sion, Ma una gire ra nidoan kai ra gunan Ierusalem ta ra lavur bungbung u laun tana ati ra pia. 6 Maia, una gire ra umana bul mur tam, a umana tubum. A malmal na ki pire Israel.