Pilimon 1

1 Yad Pol. Krais Jisas nɨp wög gainö, yɨp nagɨ lɨlö mɨdpin. Yad mam hon Dimodi aip mɨdul, kalöp köp anɨbi kalɨ kÆiñ rɨkabul. Mam aij hon Pilimon, hon wög jɨm ñöl gɨpun. 2 Ne u, añ hon Apia u, bɨ hon aip God wög kÆö göm göp Akipas u, Krais Jisas nɨbi bɨ nɨpe ram ne apim God nɨp sabe gɨpim gau magöÅhalö, kalöp köp i kalɨ kÆiñ rɨkabul. 3 God Bapi hon abe, Bɨ Kub Jisas Krais abe, kalöp mög nɨÅmil ud aij gɨmil abad mɨdlö, kale agamɨj mɨd aij gɨ mɨdaimim. 4 Ne Bɨ Kub Jisas nɨp nɨŠudöl gɨ, God nɨbi bɨ nɨpe gau kalɨp magöÅhalö mɨdmagö lɨban u yɨp haglö nɨÅem, yad God yad nɨp sabe göl gɨ, nöp gasɨ nɨÅem pör nöp aij a gɨpin. 6 Nɨp hagpin, “Bapi. Hon Pilimon aip Krais manö aij u hag amɨl apɨl gun me, hanɨp nɨbi bɨ Krais nɨp nɨŠudun cɨg göl gɨ mɨdpun gau nan aij nɨhön nɨhön ñɨban u, Pilimon nɨpe magöÅhalö nɨŠaij gɨnɨm,” a gɨpin. 7 Pen mam aij yad Pilimon nöÅ! Ne God nɨbi bɨ nɨpe gau kalɨp mɨdmagö yabÉ¨Æ lɨban u, kale mɨdmagö aÅ kale daÅ mɨñ mɨñ gɨpal. Yad u rö nöp nɨÅem mɨñ mɨñ göl gɨ gasɨ halö mɨdpin. 8 Ne God nɨbi bɨ nɨpe gau kalɨp mɨdmagö yabÉ¨Æ lɨban u nɨÅem, ne yad Krais bɨ nɨpe mamil mɨhau mɨdpul rö, yad nöp manö kÆö hagem ne anɨg gɨmön a gɨbnep. 9 Yad Pol uri bɨ mɨÆep lɨbin. Krais Jisas manö aij u hag ñɨ ajainö, yɨp nagɨ lɨlö mɨdpin rö, nöp manö kÆö hagnɨg hagbnep u pen nöp anɨg hagagnabin. Ne bɨ mɨdmagö yad mɨdpan rö, yad hagnam rö gɨmön. 10 Pen manö yad u, Onesimas nɨpe ñɨ yad ke rö löp. Nöp wög göm arɨk ara u, aui yad aip nagɨ mɨdul, Krais manö aij u hag ñɨnö nɨŠudöp u me, yad nap nɨpe rö mɨdpin; nɨpe ñɨ yad ke rö mɨdöp. 11 Nöd nɨpe nöp wög gɨ ñɨ aij gagmɨdöp; pen uri nɨpe nöp wög gɨ ñɨ aij göm, yɨp wög gɨ ñɨ aij göm gɨnab. 12 Pen ñɨ mɨdmagö yad rö u nöp yuabin. 13 Nöd hag nɨÅem manö ne u udem rö, nɨp yuagbnep. Krais manö aij hagainö, yɨp nagɨ lɨlö mɨdpin i, ne apön yɨp abad mɨdaimön rö lagöp u, Onesimas yɨp abad mɨdaiböp. 14 Pen yad ke Onesimas nɨp ud mɨdeinabin u kabö rö gagnab a gem, nɨp nöd yuem, nöp hainö hag nɨÅabin. Yɨp lau adö kauyaÅ yunɨg yumön. 15 Yad gasɨ nɨÅbin e, God nɨpe ke gö, Onesimas nöp magö pro marap arö göm aröp u me, uri nöp ado gɨ apöm ne aip pör pör mɨdainɨm. 16 Pen mɨñi nɨp yɨharɨŠnagɨ wög gep bɨ ne ap nɨÅagnabön; mɨñi nɨp mam mɨdmagö hol mɨhöŠyɨjɨg göl rö nɨÅnabön. Nɨpe mam mɨdmagö yad yabɨÆ, pen nɨpe bɨ nagɨ wög gɨ ñeb ne mɨdöp u me, ne mɨñ mɨñ gɨmön bɨ nagɨ wög gɨ ñeb aij ap abe, Bɨ Kub bɨ nɨpe mam aij ap abe udnabön. 17 Anɨb u, yɨp bɨ nɨÅeb ne yabÉ¨Æ rö, Bɨ Kub wög aip gɨpul, a gɨmön nɨÅban u, ñɨ Onesimas nɨp hag gɨnam a gɨmön gasɨ u nɨÅagmön. Yad amjaknö yɨp ud aij gɨbnap rö u, nɨp u rö nöp ud aij gɨmön. 18 Pen nɨpe nöp gɨ naij ga aka nan rɨmnap pen ñaga, a gɨmön, manö rɨmnap mɨdainɨm, nɨp hagagmön; manö anɨbu yɨp hagmön. Hagö, yad nöp pen ñɨnabin. 19 NɨÅö hagpin rö, hib yad ke köp halö kalɨ kÆiñ rɨkem labin. Pen yad Krais manö aij u nöp hag ñɨnö ne nɨŠudmön, Krais Jisas bɨ nɨpe mɨdpan u, nöp hagagnabin; ne ke nɨÅban. 20 Mam yad. Bɨ Kub nɨp wög aip gɨpul rö, hagabin rö nöp gɨmön. Krais halɨp mɨhöŠud aij gö mamil mɨhau mɨdpul rö, ne anɨg gɨmön nɨÅöm yad mɨñ mɨñ gɨnabin. 21 Yad hagpin rö nöp wasö, ne nɨÅban adö u nöp nɨÅmön, Onesimas nɨp abe adö anɨbu nöp gɨnabön, a gem, aij a gö nɨÅöl gɨ nöp köp anɨbi kalɨ kÆiñ rɨkabin. 22 Manö añɨ ap mɨdöp u hagagpin. Yɨp ram magö raul mɨgan ap nɨÅmön ud lɨ aij gɨmön. Kale magöÅhalö God nɨp sabe gɨpim rö, söl mɨdöp nagɨ arö gem nɨnam rö löp a gem gasɨ halö mɨdpin. 23 Bɨ ne Epapras u rö nöp Krais Jisas manö hag ñeia, nɨp nagɨ leila, yad aip mɨdpul i. Nɨpe nöp “Mɨdpan?” a göp. 24 Bɨ wög jɨm ñöl gɨpun Mak u, Arisdakas u, Demas u, Luk u nöp “Mɨdpan?” a gɨpal. 25 Bɨ Kub Jisas Krais kalöp nɨbi bɨ gau mög nɨÅöm abad mɨdainɨm.