Luk 20

1 Pen ñɨn aÅ anɨb au, Jisas nɨpe God sabe gep ram raul mɨgan u amöm, nɨpe nɨbi bɨ ud God aip jɨm ñöl lɨnab manö aij u hag ñɨ mɨdeia nɨÅöm bɨ God nɨp nan sabe gep bɨ kub gau abe, bɨ lo manö hag ñeb bɨ gau abe, bɨ manö ud asɨkep gau abe aula. 2 Apöm nɨp hagla, “An nöp hagö, ne apön anɨg gɨ ajabön?” ö gɨla. 3 Hageila haga, “Yad kalöp pen hag nɨÅeb ap hag nɨÅnɨg gabin. 4 Jon nɨbi bɨ gau kalɨp ñɨg pak ñɨmɨdöp u, God nɨp hagö anɨg ga aka gasɨ nɨpe ke nɨÅöm ga?” ö ga. 5 Hageia, kale ke hag nɨŠhag nɨŠgöm hagla, “‘God hagö, Jon nɨbi bɨ gau kalɨp ñɨg pak ña,’ a gɨnabun u, nɨpe hagnab, ‘Anɨb u, manö nɨpe u nɨhön gɨnɨg udagpim?’ ö gɨnab. 6 Pen, ‘Jon gasɨ nɨpe ke nöp nɨÅöm, nɨbi bɨ gau kalɨp ñɨg pak ña,’ a geinabun u, nɨbi bɨ gai i, God nɨpe Jon manö hagep bɨ nɨpe rö hag lö apöm gaia a göm nɨÅbal rö, kal juöm hanɨp kabö ju pak lɨnaböl,” a gɨla. 7 Pen kale gasɨ anɨbu nɨÅöm, Jisas nɨp pen hagla, “Jon apöm nɨbi bɨ gau kalɨp manö hag ñöm, ñɨg pak ñöm ga u, hon nɨÅagpun, God hagö ga aka gasɨ nɨpe ke ga u nɨÅagpun,” a gɨla. 8 Anɨg hageila, Jisas kalɨp haga, “Kale yɨp pen hag ñagpim rö, yad pen an hagö apem gabin u, kalöp u rö nöp hag ñagnabin,” a ga. 9 Jisas nɨbi bɨ gau kalɨp manö hod rɨköm haga, “Bɨ ap wain wög adɨŠap gɨ yɨmöm, nɨbi bɨ rɨmnap hag löm, am ram mɨnöŠmɨlö gau mɨdeinab. 10 Pen wain magö po gɨnab magö u, bɨ nɨpe ap hag yuöm hagnab, ‘Am nɨbi bɨ wain wög gɨ mɨdpal gau kalɨp hagö, wain magö yɨp rɨmnap ñɨlö daumön,’ a gɨnab. Hagö amjakö, nɨbi bɨ wain wög gɨ mɨdeinaböl gau nɨp pak pak löm, yɨharɨŠhag yulö ado gɨ aunab. 11 Anɨg gɨlö, bɨ wain wög nap nɨbö u, bɨ ap pen hag yuö arnab. Areinab nɨp u rö nöp pak pak löm, yɨharɨŠhag yulö ado gɨ aunab. 12 Anɨg gɨlö, bɨ hainbö ap hag yuö amjakö, nɨp mɨñu magö paköm, ɫɨp gɨ dam höŠau yaÅ yunaböl. 13 Anɨg gɨlö, bɨ wög adɨŠnap nɨbö u hagnab, ‘Yad ai gɨnamÅ Ãɨ mɨdmagö yad u yunabin u, manö nɨpe hageinab rö nɨÅöl rö löp,’ a göm yunab. 14 Yuö amjakö, nɨbi bɨ wain wög gɨ mɨdeinaböl anɨb gau hagnaböl, ‘Ãɨ auöp i, nap wain wög u nɨpe udnɨm rö löp. Nɨp böŠnöp al pak lun, hon udun,’ a gɨnaböl. 15 Anɨg hagöm, nɨp ɫɨp ɫɨp gɨ dam höŠgau amöm, böŠnöp al pak lɨlö umnab. “Pen anɨg geinaböl u, bɨ wög adɨŠnap nɨbö u kalɨp nɨhön gɨnab? 16 Nɨpe apöm, nɨbi bɨ anɨb gau kalɨp al pak löm, wög adɨŠanɨbu nɨbi bɨ rɨmnap kalɨp pen hagö abad mɨdeinaböl,” a ga. Jisas anɨg hageia, nɨbi bɨ nɨŠmɨdeila gau hagla, “Hagpan anɨbu rö gagnɨm!” a gɨla. 17 Hageila, Jisas kalɨp nɨŠgusgus göm haga, “Anɨg hagpim u pen anɨb u, God Manö kalɨ kÆiñ rɨkla adɨŠap rɨk nɨÅmim iÆ u yɨp hag ñɨmim. AdɨŠhagabin anɨbu anɨg göl mɨdöp, ‘Bɨ ram gep gau, kabö ap aij gagnɨm a göm arö gɨla u pen mɨñi ram padö aÅ yaÅ u bɨnɨg ñöl mɨdöp,’ a gɨla. 18 “Nɨbi bɨ an an ap lug kabö adö anɨbu paknaböl gau, kalɨp böŠnöp pa jö ma jö gɨ lɨnab. Pen kabö anɨbu pɨg ju ap lug nɨbi bɨ pak rɨbɨknab u, kalɨp böŠnöp paib waib jö gɨ lɨnab,” a ga. 19 Jisas anɨg hageia, hanɨp nöp hagab a göm, bɨ lo manö hag ñeb bɨ gau abe, bɨ God nɨp nan sabe gep bɨ kub gau abe, uri nöp nɨp manö kub hagun a göm nɨÅla u pen nɨbi bɨ iru nöp nɨŠmɨdeila gau nɨÅöm, pɨñɨŠgöm arö gɨla. 20 Pen Jisas nɨp aige göl gun dam manö kub hagnɨg arun a göm, am nɨbi bɨ rɨmnap kalɨp mumug göm hagla, “Kale nɨbi bɨ aij rö halu lɨmim, am manö pir pir almim, nɨp manö rɨmnap hagpe, pen nɨhön hagainɨm nɨÅun, nɨp dam gapman bɨ manö kub ud asɨkep u ud arnabun,” a gɨla. 21 Anɨg haglö, amöm nɨp manö rɨmnap piral hagöm hagla, “Manö hag ñeb bɨ, hon nɨÅbun ne böŠlap nöp aragpan; kabö göl nöp hagpan. God Manö u nɨbi bɨ gau kalɨp hag ñɨban u, u rö nöp kabö göl nöp hagpan. 22 Anɨb u, hon nɨhön gun? Rom gapman bɨ kub Sisa nɨp dakɨs ñun aka wasö?” gɨla. 23 Kale manö pir pir hagla anɨbu nɨÅöm, Jisas kalɨp haga, 24 “Mani dakɨs ñɨbal anɨbu ap yɨp ud yambe nɨÅɨn,” a ga. Hageia, ud yamla nɨÅöm haga, “Mani ba u, ana an rö mɨdöpÅ Hib kalɨ kÆiñ rɨkla anɨbu, an hib rö mɨdöp?” ö ga. Hageia hagla, “Sisa ana nɨpe u mɨdöm, hib nɨpe u mɨdöm göp,” a gɨla. 25 Hageila, kalɨp haga, “Anɨb u, Sisa nan nɨpe mɨdainɨm, Sisa nɨp ñɨmim. God nan nɨpe mɨdainɨm, God nɨp ñɨmim,” a ga. 26 Jisas nɨpe nɨbi bɨ mɨdeila aÅ anɨb au anɨg hageia, manö nɨpe rɨb juöl rö lagö, gasɨ iru nɨÅöm manö ap hagagla. 27 Sadyusi gau, nɨbi bɨ umöm urakagnaböl a göm, gasɨ u nɨÅmɨdal. Pen Sadyusi bɨ rɨmnap Jisas mɨdeia au apöm, nɨp hag nɨÅeb ap hag nɨÅla. 28 Hag nɨÅöm hagla, “Manö hag ñeb bɨ. Mosɨs manö ap hanɨp kalɨ kÆiñ rɨköm haga, ‘Bɨ ap nɨbi udöm, ñɨ pai yag dapöm wasö yɨharɨŠumnab u, nɨmam nɨpe ap pen nɨbi anɨbu udöm, ñɨ pai nɨpe u, a göm, yag daunɨm,’ a ga. 29 Anɨb u, bɨ iÆ halö unbö mudun jɨŠu mɨdeinaböl. Nɨmam nöd u nɨbi udöm, ñɨ pai yag dapöm wasö yɨharɨŠumnab. 30 Umö, nɨmam yɨgwö aÅ nɨbö u pen nɨbi anɨbu udöm, u rö nöp ñɨ pai yag dapöm wasö, yɨharɨŠumnab. 31 Anɨg gö, nɨmam yɨgwö nɨgaÅ nɨbö u pen nɨbi anɨbu udöm, u rö nöp ñɨ pai yag dapöm wasö, yɨharɨŠumnab. Anɨg gɨ dam dam, nɨmam unbö mudun jɨŠmagöÅhalö ñɨ pai yag dapöm wasö yɨharɨŠumnaböl. 32 Hainö nɨbi anɨbu u rö nöp umnab. 33 Pen umöm uraknaböl a gɨpan u, nɨbi añɨ anɨbu bɨ nɨpe unbö ud mudun jɨŠlɨnab u, hainö bɨ an nɨbi mɨdeinab?” ö gɨla. 34 Hageila, Jisas kalɨp haga, “Mɨñi mɨdpun ñɨn i, nɨbi gau bɨ udpal, bɨ gau nɨbi udpal. 35 Pen nɨbi bɨ God gö uraköm, ram nɨpe kumi kabö adö laÅ au arnaböl gau, nɨbi gau bɨ udagnaböl, bɨ gau nɨbi udagnaböl. 36 Pen kale kauyaÅ umagnaböl; ejol gau rö pör pör nöp kamɨŠmɨdeinaböl. Kale uraknaböl u me, God ñɨ pai nɨpe mɨdeinaböl. 37 Nɨbi bɨ umöm urakpal manö u, Mosɨs u rö nöp mab ineia aiud u hagöm kalɨ kÆiñ rɨka. Mosɨs manö anɨbu kalɨ kÆiñ rɨköm haga, ‘Bɨ Kub nɨpe Ebraham, Aisak, Jekop, God kale mɨdöp,’ a ga. 38 Nɨbi bɨ nöd umla gau, ‘God kale mɨdöp,’ a ga rö, hon nɨÅbun, nɨbi bɨ nöd umla gau uri kamɨŠmɨdpal. God nɨÅöb, nɨbi bɨ nɨpe magöÅhalö kamɨŠmɨdpal,” a ga. 39 Jisas anɨg hageia, bɨ lo manö hag ñeb bɨ rɨmnap hagla, “Manö hag ñeb bɨ, manö kabö göl nöp hagpan!” a gɨla. 40 Manö hag aij ga anɨbu nɨÅöm, pɨñɨŠgöm, hainö manö rɨmnap nɨp hag nɨÅagla. 41 Pen Jisas kalɨp haga, “Nɨbi bɨ gau nɨhön gɨnɨg, Mesaia u Depid ñɨ nɨpe u nöp mɨdöp, a gɨpal? 42 Depid nɨpe ke God Manö adɨŠSam a gɨpal u kalɨ kÆiñ rɨköm haga, ‘Bɨ Kub nɨpe Bɨ Kub yad nɨp haga, “Ne ñɨmagö yɨjɨg yad lau adö asɨk mɨdmön; 43 mɨd damöm yad koÆmaÆ ne gau kalɨp gɨnö, ma mo ne gau kalɨp abö gɨ rɨbɨknabön,”’ a ga. 44 Pen Depid nɨpe Mesaia u nɨp, ‘Bɨ Kub yad,’ a ga rö, nɨhön gɨnɨg, Mesaia u Depid ñɨ nɨpe u nöp mɨdöp, a gɨpal?” ö ga. 45 Nɨbi bɨ gau nɨÅmɨdlö nɨÅöl gɨ, Jisas bɨ nɨpe gau kalɨp haga, 46 “Kale lo manö hag ñeb bɨ gau gɨpal rö gɨmim rö löp u, nɨŠaij gɨmim. Kale gɨpal adö u, hon gau ajno hib hon u nöp ñɨlaÅ a göm, waÆɨj mɨlö rol göm, nɨbi bɨ gau aip magum gɨlö, nɨbi bɨ gau kalɨp nɨÅöm, ‘Bɨ kub auabim e!’ gɨnaböl u, mɨñ mɨñ gɨnaböl; Juda magum gep ram gau amöm, bɨ kub asɨkpal sea adö u asɨkpal; pen nan kub ñɨÅnaböl ñɨn u, am bɨ kub asɨkpal ka u nöp asɨknaböl. 47 Bɨ lo manö hag ñeb bɨ gau, nɨbi paÆpaÆ ram nan kale gau si udöm, God nɨp sabe gɨnabun u, nɨbi bɨ nɨÅöl, a göm, manö mɨlö kub pir pir adö rɨmnap hagpal. Anɨg gɨpal u, hainö ilön kub ke yabÉ¨Æ udnaböl,” a ga.