Aposɨl 1

1 Mam Diopilas. Yad nöp manö nöd kalɨ kÆiñ rɨknö u, Jisas nɨp yag daulö majö göm, wög iÆ göm mɨd damöm, nan nɨhön nɨhön göm, manö nɨhön nɨhön hag ñöm ga u, nöp köp nöd u kalɨ kÆiñ rɨknö. 2 Hainö, God Jisas nɨp dam ap ran jak kumi kabö laÅ au ud ara. Pen nɨpe kumi kabö adö laÅ au arnɨg ga magö u, nɨpe gö Ana UÉ« nɨpe manö nɨpe ud arep hag la bɨ gau kalɨp hag ñɨ aij ga. Manö anɨbu magöÅhalö nöd kalɨ kÆiñ rɨkem nöp ñɨnö u. 3 Jisas uma pen kauyaÅ uraköm, ñɨn unbö ñɨnjuöl mɨhöp (40) aÅ u ñɨn iru nöp waiö löm, manö nɨpe ud arep bɨ nɨpe gau aip mɨdöm, God nɨbi bɨ udöm abad mɨdeinab manö u kalɨp hag ñɨmɨdöp. Anɨg gö, kale amgö magö kale ke nɨÅla nɨpe kamɨŠmɨdeia. 4 Pen umöm uraköm, mɨnöŠnaböŠadö iÆ i mɨdmɨdöp ñɨn aÅ anɨb au, ñɨn ap bɨ nɨpe anɨb gau aip nan magö ñɨÅöm haga, “Yad kalöp nöd hagnö rö, Bapi yad nan nɨhön kalöp ñɨnabin a ga u, Jerusalem aui nöp mɨdmim, abad mɨdaimim. 5 Jon ñɨg pak ñeb bɨ u nɨbi bɨ kalɨp ñɨg u nöp pak ña, pen ñɨn mɨhöp nöp ap arö, Ana UÉ« u apöm kalöp pak ñɨnab,” a ga. 6 Pen ñɨn ap Jisas nɨpe bɨ nɨpe anɨb gau mɨdeila aÅ au waiö lö, nɨp hagla, “Bɨ Kub, ne mɨñi kiÅ hon mɨdö, hon Isrel nɨbi bɨ ram mɨnöŠhon i kauyaÅ ke abad mɨdun, ram mɨnöŠrɨmnap abad mɨdun gɨnabun aka?” gɨla. 7 Hageila, kalɨp haga, “Ãɨn mai gɨnab u, Bapi gasɨ nɨpe ke nɨÅöm hag la; nan kale wasö. 8 Pen Ana UÉ« nɨpe kalöp auö, kale pɨdöŠudmim ammim, Jerusalem nɨbi bɨ, Judia nɨbi bɨ, Sameria nɨbi bɨ, nɨbi bɨ ram mɨnöŠgau gau magöÅhalö gau, yad nɨhön nɨhön gɨpin u kalɨp hag ñɨnabim,” a ga. 9 Anɨg hagöm, bɨ nɨpe gau nɨÅmɨdlö nɨÅöl gɨ, God nɨp dam ap ran jak kumi kabö adö laÅ au ud arö nɨÅöl gɨ, kumi bad ap apöm nɨp harɨka. 10 Pen nɨpe areia, kale kumi kabö laÅ nɨŠmɨdlö nɨÅöl gɨ, magö anɨbu nöp bɨ waÆɨj rud yɨmlö mɨhau ap kalɨp pɨg urak mɨdailö. 11 Bɨ anɨb mɨhau haglö, “Bɨ Galili nɨbö gai i, kale nɨhön gɨnɨg kumi kabö laÅ nɨŠmɨdpim? Kale nɨÅöl gɨ mɨdpe nɨÅöl gɨ, God nɨpe gö, Jisas ap ran jak kumi kabö adö laÅ au ud aröp u, hainö nɨpe ke unbö rö nöp ado gɨ aunab,” a gɨlö. 12 Olip Dum laÅ mɨdeila u arö göm, Jerusalem ado gɨ arla. Adan mɨlö wasö, Olip Dum Jerusalem nɨbö söl; Juda God nɨp sabe gep ñɨn u kale ajmɨdal rö nöp. 13 Jerusalem amöm, ram haneb kale amjaköm, ram raul adö laÅ mɨgan u arla. Bɨ mɨdeila gau: Pida, Jon, Jems, Edru, Pilip, Domas, Badolomyu, Madyu, Alpias ñɨ nɨpe Jems u, Saimon Selod u, Jems ñɨ nɨpe Judas u. 14 Kale pör pör magum göm, God nɨp sabe gɨmɨdal. Jisas nɨme Maria u, Jisas nɨmam bɨ gau, nɨbi rɨmnap halö pör anɨg gɨmɨdal. 15 Pen ñɨn aÅ anɨb au, nɨbi bɨ ñɨnjuöl unbö kagoÆ jɨŠ(120) rö ap magum gɨlö nɨÅöl gɨ, Pida uraköm kalɨp haga, 16 “Añ mam bɨ nɨÅim. Ana UÉ« nɨpe hadame nöp Depid nɨp gasɨ ñö, Judas Jisas nɨp mumug nɨÅa bɨ u gɨnab rö nɨÅöm kalɨ kÆiñ rɨkö, haga haga rö nöp ga. 17 Jisas bɨ Judas anɨbu udö, hon aip mɨdöm, wög nɨpe u jɨm ñöl gɨmɨdun,” a ga. 18 Pen hainö nɨpe Jisas nɨp mumug nɨÅöm, mani uda u damöm, mɨnöŠnaböŠap rauöm, mɨd damöm, ñɨn añɨ ap ap lug paköm, mudun nɨpe u pabu göm, hibur magöÅhalö lɨm gɨ höŠhañauö uma. 19 Anɨg göl umö, Jerusalem nɨbi bɨ magöÅhalö nɨÅöm, mɨnöŠnaböŠrauöm uma anɨbu, hib Akeldama a gɨla. Akeldama hagla manö iÆ u, “Hagape Luga MɨnöŠNabö?,” a göm hagla. 20 Pida haga, “Depid hadame nöp God Manö adɨŠSam a gɨpal u kalɨ kÆiñ rɨköm haga, ‘Ram nɨpe cög nöp mɨdainɨm; Nɨbi bɨ rɨmnap ram nɨpe am mɨdagaiöl,’ a ga. Depid manö ap pen haga, ‘Wög nɨpe u bɨ ap udnɨm,’ a ga. 21 Haga anɨbu, bɨ hon ke ap nɨÅun udnabun. Hon Bɨ Kub Jisas aip ajmɨdun u, bɨ hon aip pör ajmɨdöp bɨ ap nɨÅun udnabun. 22 Bɨ hon aip pör ajöm, Jon Jisas nɨp ñɨg pak ña u nɨÅöm, mɨd damöm, Jisas umöm uraköm kumi kabö adö laÅ ara nɨÅa bɨ ap nɨÅun udnabun. Bɨ anɨbu rö udno me, Bɨ Kub Jisas umöm uraka manö u hag ñɨ aij gɨnab,” a ga. 23 Pida anɨg hagö, bɨ ne Madaias aip Josep aip kalɨp mɨhöŠhag lɨla. Pen Josep ñɨn rɨmnap hib nɨpe ap Basabas, ap Jasdas, a gɨmɨdal. 24 Bɨ anɨb mɨhau kalɨp anɨg göl hag löm, God nɨp sabe göm hagla, “Bɨ Kub, Judas nöd gɨ naij göm umöm, ram nɨpe mɨdainɨm au ara u, kuö nɨpe u an udnɨm, a gun, bɨ mɨhöp i hag lɨbun. Anɨb u, ne nɨbi bɨ magöÅhalö gasɨ nɨÅöm gɨpal rö nɨÅban u me, nöp hag nɨÅabun, ne ke bɨ u a gö, hon nɨÅun udnabun,” a gɨla. 26 Anɨg hagöm, bɨ anɨb mɨhau ilöŠcal ud gulu gɨ udlö, Madaias hib apranö, Jisas manö ud arep unbö agɨp laÅ aip jɨm ñöm, kauyaÅ bɨ unbö mɨgan laÅ la.