Yaru Divariri 54

1 Arie, God, ninda javo fakinagoimi na sonembuse, vujege jebugaone! 2 Arie, God, nanda benunu resena evia, ningaso dae resena! 3 Ivuga kakato namo dari dae refera. Evetu genembo joka ari tefo, God ningi ningae eraera, aimi namo tambu doaro ambono dae refera. 4 Avata, nanda sonemba a sorega fumbari kato mo, God numori. 5 Gitofu nandae ari ekoko ari seraera, aimi jovereghe nemoa gayare! Nu rea ari sisira ava use, ne sosighi arira. 6 Arie Bajari, na ivugaghae joba nimokena mutarena. Ni kavevera eraesa aindae, na nimokena aiyakoe sise sakai sarena. 7 Na dara nanjogo da jokáda ireno, na bu darigeteso jebuguseni. Nanda gitofo doreso, nanda diti mokoi gosuseni.