Yaru Divariri 124
TBL1 Bajari, namonde jo sorae aetira amo, namonde nange aeteri? Arie, Israel embo sevu! 2 “Gitofui janje ekoko beká use, namonde dedo gaedo ghari dae isoro edo ghusera ainda sifo aminda, Bajari namonde jo sorae aetira amo, ne namonde diti jebuga dukunghaeteri. 4 Useghai roera bu sivari guse, uvuimi fati tifughari geraira aminga ava, gitofuimi namondekena aeteri. 5 O eva babai aimi ghasemo fatari, natofo mindi sirivo arigaetera aminga ava, gitofuimi namondekena aeteri." 6 Avata erevu! Namonde Bajari dae aiyakoe saore, nu jo doyari gitofui namonde sosighi aeri. 7 Namonde kau rika vatafa fitari kakato da vatafada kosughe buvari guseri, vatafa da asi tafusegetiri, namonde jebuguseri. 8 Namondeda sonemba Bajari utu enda ari katoimi nusuka nune eraira.
