Yaru Divariri 114

1 Jacob da imemisiri gamemisiri Israel embo oro eni geka dombu eni tinongu tanongu seraera, ainda reighi Egypt iriara ava dodo isera da sifo aminda, 2 Judah ondi God da natofo kakarago useri. Israel embo tofo nunda natofo bekádae rurusira. 3 God isagha etiri, Eva Kokoigo gido gasumbusira, kotugo Jordan uvu tukughe fefetusira. 4 Doriri gouti vurari guseri, kotugo enda jiro fumbari ne kau sifi kandana ai jorujoru ghari guseri. 5 Arie, Eva, roi nangetiri, ni gasimbusesi? Arie, Jordan, nímbarago, ni redae sumbari tukughusesi? 6 Arie, Doriri, ne redae gouti vurari gusevu? Arie, Enda Jiro Fumbari mane, ne redae sifi kandana aimi jorujoru gharigusevu? 7 Arie, Enda, Bajari God Jacob tumonde bainghedo ghusira, aimi etiri ghamana uvu jinendo, nunda bogu bogu usira, a kotugo ganasa sarigedo uvu jojoghusira, nune furarira ainda sifoda nundae ojuimi daradara ghaso dae resena.