PSALM 87

1 LEUM GOD El musaela siti sel fineol mutal. 2 El lungse siti Jerusalem Yohk liki kutena acn saya in Israel. 3 Porongo, O kowos su mwet in siti lun God, Ke ma wolana ma El fahk keiwos: 4 “Nga ac fah oakla acn Egypt ac Babylonia Ke nga takunla inen mutunfacl su akosyu; Mwet Philistia, Tyre, ac Ethiopia Nga ac fah oakalos pac inmasrlon mwet su muta Jerusalem." 5 Ac mwet uh fah fahk Tuh mutanfahl nukewa elos mwet Zion, Ac El su Kulana fah oru tuh Zion in ku. 6 LEUM GOD El ac simusla inen mwet inge, Ac oakalosyang nukewa nu ke mwet Jerusalem. 7 Elos ac fah onsrosro ac fahk, “Mwe insewowo lasr nukewa tuku Zion me."