Rom 12
KAL1 Kun ak mam ay sikop. Nimbip simb niÅiy dip ak, opriyŠñimbay rek; mumbwak gos timund nimb ak maÅgiysek nup ker amnimuÅ. Tap dand amiy, Gor nup simboÅg ñimbay gok, tap timey timey gok ma ñimbay; tap tep tep gok nep ñey mey, nuk dip. Kun ak, chinup opriyÅ rek dinimuÅ aÅgiy, nup gosimb niÅiy, aÅgip aÅgip rek nep ginimimb. 2 Biynimb niÅmindpay rek, miñ kuyip ar ak dinjun aÅgiy ma aÅgnimimb. Pen Gor nimbip gos ñakniÅ, biynimb key kindiknimb rek aynimimb. Nimbip gos ñek, key kindiknimb rek ay gem amek mey; yipund giniÅgamb ar ak, mindrep gep ar ak, nup tep giniÅgamb ar ak niÅrep giniÅgambim. 3 Pen Gor yip simb niÅiy dek woÅg nup gipiyn ak, nimbip maÅgiysek aspiyn: chin Gor nup direp gipun rek, yimb chin yiy ar biyoÅ mindip aÅgiy ma niÅjun. Pen chinup kond mindiy gos tep yerip yerip rek ñimb ak niÅiy, ar kun ak gon amnimuÅ. 4 Chin niÅbun: mumbwak nokom mindip ak pen; tomb ak woÅg nuk ak key gip; ñin ak woÅg nuk ak key gip; windin ak woÅg nuk ak key gip. Kun ak, day keykey mindip rek, woÅg keykey nep gipay. 5 Chin Krays ker mindpun gok kunep, kun ak rek mindpun. WoÅg keykey gipun ak pen; biynimb kiñiÅ nuk nokom mindiy mey; pen wasemb ayek, pen wasemb ayek gipun. 6 Gor chinup kilis keykey ñimb rek, gos ar keykey niÅbun ak mey; chin gunap, biynimb gunap kuyip Gor minim aÅgñemb rek ayek, Gor gos tep ñimb rek niÅiy, kuyip aÅgñinjun. 7 Biynimb gunap kuyip tap marik gep rek ayek, marik ginjun. Tiysa mindep rek ayek, tiysa mindiy, aÅgñirep ginjun. 8 Timund winjikep rek ayek, timund winjikjun. Biynimb chin gunap kuyip tap ñemb rek ayek, monmon ñinjun. Biynimb chin gunap kuyip kond mindep rek ayek, niÅrep giy kond mindrep ginjun. Pen mam ay gunap kuyip, simb niÅiy dep rek ayek, tep gakniÅ dinjun. 9 Biynimb gok kuyip wasemb aysipun aÅgiy yesek ma aÅgnimimb; kuyip wasemb ay, direp yimb ginimimb. Tap siy tap timey gep ak kirgiy, Gor miñ tep ar ak dinimimb. 10 Pen yimb nimbik ak key ma dand aranimimb; mam ay Krays ker mindpay gok yip penpen wasemb ay, yimb kuyip ak dand aranimimb. 11 Yiruk yiruk sek woÅg ma ginimimb; tep gakniÅ, Biyomb chin ak nup woÅg gispun aÅgiy, girep ginimimb. 12 Gor chinup diniÅgamb aÅgiy, tep gakniÅ kond mindenimimb. Nimbip miker ñeniÅgiy, gos kun ak ma niÅnimimb. Gor nup minek minek aÅgniÅmindenimimb. 13 Biynimb Gor ker mindey tap ma mindip gok, tap nimb gunap kuyip bilok ñinimimb. Biynimb par okok nimb apeniÅgiy, girep ginimimb. 14 Biynimb gunap nimbip gi timey gey, pen miluk ma niÅnimimb, Gor nup aÅgniÅem, kuyip kond mindrep ginimuÅ. 15 Biynimb gunap tep gakniÅ mindey, kiy yip tep gakniÅ mindenimimb; pen gunap simb gakniÅ mindey, kiy yip simb gakniÅ mindenimimb. 16 Chin biynimb yimb sek mindpun aÅgiy niÅbim gok, yimb nimbik ma dand aranimimb. Biynimb yimb ma mindip gok yip wilikiy mindenimimb. Chin nep niÅrep gipun aÅgiy, ma aÅgnimimb. 17 Pen biynimb gunap nimbip miluk niÅey, pen miluk ma niÅnimimb. Biynimb gok niÅey tep giniÅgamb ar anep ginimimb. 18 Biynimb gunap yip penpen gun aÅgiy gos ak ma niÅnimimb; kapkap jimñiy mindonjun aÅgiy gos anep niÅnimimb. 19 Pen biynimb tep yand gok. Nimbip aspiyn; biynimb gunap nimbip timey geniÅgiy, kuyip pen timey gun aÅgiy gos ak ma niÅnimimb. Ak Gor gos nuk. Kuyip pen timey giyn aÅgiy, key niÅimb rek giniÅgamb. Baybol buk ak tikiy aÅgyak, “Gor aÅgip, ‘Kiyk timey gipay ak, pen kunep timey giniÅgayn ak; gos yand aÅgip’ aÅgyak." 20 Kun ak biynimb nimbip timey giyak gunap kuyip yiwan gek, keñmaÅgiy ñinimimb. KuÅam ak kinjik gek, ñiÅg ak ñinimimb. Kun gem niÅiy, kuyip yenen timey gipun aÅgiy, gos kuÅay niÅniÅgambay. 21 Kun ak mey, nimbip timey geniÅgiy, kuyip pen timey ma ginimimb; mindrep gem, key sayn gek amnimuÅ.