Repelesin 2

1 “Pen bi Yipiyses biynimb Gor ker mindpay gok kuyip minim aÅgñemb ak nup, minim tikiy aÅgnimin: Biyomb gap onep ar ak, ñin yipund kind nuk ar ak di mindyiÅg, lam gol diy giyak namb okok taÅgip ak, minim aÅgip gok tiksipiyn. 2 Nuk aÅgip: nimb mindrep giy, woÅg kilis giy gi dand amiy kosyam mindiy, pen yiruk ma niÅbim ak, niÅbiyn. Biynimb timey gipay gok kuyip niÅem, nimbip tep ma gip. Bi Jiysis minim dand amemb mindpun aÅgiy, yesek apay gok kuyip niÅrep giy, asikrep gipim. 3 Yip chiÅgem nimbip miker ñey, yiruk ma niÅiy chiÅgiy nep mindpim ak, yip tep gip. 4 Pen minim bap mindip. Yip nind chiÅgiy wasemb yimb ayiÅgipim miñ ar ak, dam yokpim akay? 5 Yip Biyomb chin aÅgiy wasemb ayiÅgipim miñ tep kun ak, yenen kirpun aÅgiy tip ak diy, mindrep giyiÅgipim rek mindenimimb. Mer ak, yand ap lam nimbip ak piliÅg diniÅgayn. 6 “Pen ar bap girep gipim ak, yip tep gip. Biynimb Niykolas nup minim ak diy, miñ timey ar ak gey yip tep ma gip rek, nimbip kunep gip. 7 “Nimb biynimb gos sek mindenimimb gok, Gor Kawnan ak biynimb nup ker mindpay miñmon keykey okok kuyip, minim aÅgip ak niÅnimimb. Biynimb miker apek, gos kuÅay ma niÅiy, yip chiÅgiy nep mindey, ñin kisen winiÅgamb ak kuyip aÅgen, mon maÅgiy bind permindep Gor woÅgday nuk biyoÅ jakip ak diy, ñiÅniÅgambay aÅgak.’" 8 “Pen bi Simena biynimb Gor ker mindpay gok kuyip minim aÅgñemb ak nup, minim tikiy aÅgnimin: Bi siÅok kumiy tikjakiy kim mindip ak; nind mindiy, mind dand apiy, mindnep mindeniÅgamb ak; minim aÅgip gok tiksipiyn. 9 Nuk aÅgip: Yand niÅbiyn: Jiwda gunap, chin Jiwda yipund giy mindpun apay ak pen; Seytan biynimb nuk mindiy, nimbip minim diyiÅg mindpay. Miker nimbip yerip yerip mindip gok, yand kunep niÅbiyn. Nimb biynimb simbgeprek mindpim ak pen; yand niÅen biynimb gin yimb mindpim. 10 “Nimbip miker giniÅg gisap ak, gos yomb ma niÅnimimb. NiÅim! MaÅ mindip; Gor nup chiÅgrep gipay akaÅ, apyap pikniÅgambay aÅgiy, Seytan gek; nimbip gunap di kalambis ayniÅgambay. Pen yip ker mindpim ak niÅiy, nimbip ñin onep wanjrem ak rek, gi timey giyiÅg mindeniÅgambay. Pen nimbip yerip giniÅg gey akaÅ, pisnep pikayniÅg gey, gos yomb kun ak ma niÅnimimb. Yip chiÅgiy nep mindem pikayniÅgambay ak, nimbip ar band tep wiyn giy diy, per mindeniÅgambay ak, tomb ñiniÅgayn. 11 “Nimb biynimb timund sek gok; Gor Kawnan biynimb nup ker mindpay okok kuyip, minim aÅgip gok niÅrep ginimimb. “Seytan nimbip nembnemb giniÅgamb ak pen; biynimb yip chiÅgiy nep mindeniÅgambay gok, tip ak kumiy yiwur yomb dipay ak, ma diniÅgambay." 12 “Pen bi Pegamam biynimb Gor ker mindpay gok kuyip minim aÅgñemb ak nup, minim tikiy aÅgnimin: bi ñayip baynat nuk gol pis pis kind mindip ak, minim aÅgip ak tiksipiyn. 13 “Nuk aÅgip: Yand niÅbiyn: nimb kosyam yimb mindpim. Biynimb miñmon nimb mindpim namb ak, Seytan kond mindip. Pen nimb yip chiÅgrep giy; minim yip ak direp yimb gipim. Miñmon Seytan kond mindip kun ak, namam Antiypas minj woÅg yip giñek, nup ñaÅgyak ak pen, yip ma kirpik. 14 Pen minim gunap mindip. Biynimb nimb gunap, Balam minim aÅgñiyiÅgip rek aÅgñimbay. Bi Balam kun ak, Balak nup timund winjikek mey, am aÅgek, Yisrel biynimb gok yip kirgiy, tap ñiÅemb tap yikop simboÅgiyak gok ñimbyiÅg, biyn siy bi siy giyiÅg, giyak. 15 “Pen nimb gunap bi Niykolas minim ak diy, miñ timey ar nup ak kisen giy, gem amimb. 16 Kun ak, chin yenen kun gipun aÅgiy kirgiy, yip chiÅgrep ginimimb. Pen kun ma giniÅgambim ak yand apiy, ñayip baynat meÅg miÅgan yand biyaÅ nimb arachakip ak diy, biynimb kun gipay gok yip penpen giniÅgayn. 17 “Nimb biynimb gos sek mindenimimb gok; Gor Kawnan biynimb nup ker mindpay miñmon keykey okok kuyip, minim aÅgip ak niÅnimimb. Biynimb yip chiÅgiy nep mindiy, mind dand amey, ñin kisen winiÅgamb gok; tap ñiÅemb semb biyoÅ nimb, biynimb yikop gok ma niÅbay ak, ñen ñiÅniÅgambay. Pen kuyip kamb tund gunap keykey ñiniÅgayn. Kamb ñiniÅgayn ar kun gok, yimb kisenimb ak keykey tik ñeniÅgayn, biynimb diniÅgambay gok nep niÅniÅgambay." 18 “Pen bi Tayatayra biynimb Gor ker mindpay gok kuyip minim aÅgñemb ak nup, minim tikiy aÅgnimin: minim biy Gor Ãinuk, bi siÅok windin mon maÅlaÅ rek gakniÅ, tomb kind nuk ak, kopa ‘bras’ apay ak daÅgiyey yin kilind dip rek, gakniÅ niÅbiyn ak; minim aÅgip ak tiksipiyn. 19 Nuk aÅgip: nimb gipim miñ ar ak, yand niÅbiyn. Yip chiÅgiy wasemb yimb ay, woÅg giñiyiÅg nep mindpim. Gipim kun ak, nind siskoy giyiÅgipim ak pen, miñiy tapin gipim. 20 Pen minim bap mindip. Biyn Jesebel minim yesek aÅgep ak, yand biyn Gor minim aÅgep aÅgek, nimb nup yenen kirgem, biynimb yip gok kuyip, minim yesek aÅgñakniÅ, tap keñmaÅgiy dam tap yikop simboÅg ñimbay gok ñimbyiÅg, biyn siy bi siy giyiÅg gipay. 21 Nuk gip miñ timey ar kun ak kirgiy, mindrep ginimuÅ akaÅ aÅgiy, niÅmind mer niÅiy kirpiyn. 22 Kun gip rek pen gen, miñak yomb giniÅgamb. Biynimb nup kindik gipay kun gok, yenen kun gipun aÅgiy ma kirgey, kuyip kunep gen miñak yomb giniÅgamb. 23 Biynimb nup pisnep kisen gipay gok kuyip pikayeniÅgayn mey, biynimb yand miñmon keykey mindpay rek, yip niÅrep giy aÅgniÅgambay, ‘Nuk gos timund namb kuyip biyaÅ niÅrep yimb giy nep, biynimb gok bilokip aÅgniÅgambay.’ Kun gipiyn rek, nimbip nokom nokom maÅgiysek gipim rek niÅiy, pen kun ak rek ñiniÅgayn. 24 “Pen nimb Tayatayra biynimb gunap, biynimb aÅgambiyn gok, Seytan nup kilrimey simboÅginjun aÅgiy niÅbay rek niÅiy ma gipim ak mey; minim miker nimbip gunap ma mindip. 25 Pen yip chiÅgipim miñ ak chichiy di mindem mindem, kisen yand ninim! 26 Biynimb yip chiÅgiy nep mindiy, miker yomb apek ma kirginiÅgambay gok kuyip aÅgen, yand yip biynimb miñmon keykey okok kuyip kond mindeniÅgambun. 27 Yenen, Bapiy minim bap yip aÅgiy aÅgak: ‘Yand aÅgen, ayen kur bap diy, siÅgey tiyn gok pikjispuk giy, biynimb miñmon keykey gok kuyip kond mindeniÅgamb aÅgak.’ 28 “Pen biynimb mindrep giniÅgambay kun gok kuyip, gap poÅglin tep miñmon tirgum tikakniÅ, niÅbay rek ak ñiniÅgayn. 29 Nimb biynimb gos sek mindenimimb gok, Gor Kawnan biynimb nup ker mindpay miñmon keykey okok kuyip, minim aÅgip kun gok niÅnimimb."