Matyiw 18

1 Jiysis binuk gok apiy nup aÅgyak, “Biynimb Gor diy kond mindip gok, an yomb yimb rek mindip?" 2 AÅgeyak Jiysis ñapan sikoy bap suk aÅgek apek, di windin yirik ar kuyip siÅak jakñek mindakniÅ aÅgak, 3 “Nimbip niÅind yimb aspiyn! Yimb yomb dun aÅgiy niÅbim ak kirgiy ñapan sikoy siskoy diy mindpay rek mindem mey; Gor nimbip dinimuÅ rek ayniÅgamb. 4 Kun ak biynimb yimb yomb diniÅg ñapan sikoy biy rek mindiy mey, biynimb nuk diy kond mindeniÅgamb namb ak biynimb yomb rek mindeniÅgambay. 5 Pen biynimb yip gosimb niÅiy, ñapan sikoy biy rek direp giniÅgambay gok; kuyip nep mer, yip sek direp giniÅgambay. 6 “Pen biynimb gunap biynimb yip gos kilis giy ma niÅbay bap gey apyap pikniÅgamb ak, timey yimb giniÅgambay. Kuyip tiwniÅg dam ñiÅg yomb ak yokey ñiÅg ñimbiy kumbiyap ak girep gipyap. Yenen: kim mindiy timey giniÅgambay kun rek yiwur yomb yimb diniÅgambay. 7 “Biynimb mankumb biy mindpay gok miker yimb giniÅgamb. Miñ timey ar ak giy, biynimb gunap kuyip gos ñey, ar kun ak giy apyap pikpay ak, timey yimb gip. Miñ ar kun ak; nind giyiÅgipay, miñiy gipay, kisen kunep giniÅgambay. Pen biynimb miñ ar kun ak gi yombay gok yiwur yomb yimb diniÅgambay. 8 “Ãin akaÅ, tomb kind nimb bap tap siy tap timey gep rek ayonimuÅ; kind kun ak timbrikyoknimimb. Kun giy mey, tap siy tap timey gep ar ak kirgiy, permindep ak diniÅgambim. Pen mindrep ma giy, tap siy tap timey gep ar ak gi dand amiy, mon per yin mindip ak amniÅgambim. 9 “Pen windin niÅiy tap siy tap timey gep rek ayonimuÅ, windin piskind kun ak tuÅgjiwyoknimimb. Kun giy perper mindenimimb rek ayniÅgamb. Pen mer ak; tap siy tap timey gi mindiy miñmon Hel, mon key yinjap ak amniÅgambim. 10 “NiÅrep ginimimb. ‘Ãapan sikoy gok tap yikop aÅgiy gos ak ma niÅnimimb. Gor kuyip niÅmindiy, enjol kuyip gok aÅgek, am windin yirik ar nup ak mindyiÅg opay. 11 [Bi bap Ãinuk lum biy wak ak biynimb Nop ker ma mindpay gok kuyip diniÅg owak.] 12 “Bi bap kanj siypsiyp nuk ñin jiwiy onep mamind ak rek mindeniÅgamb. Pen nokom bap kurgeniÅgamb nuk yerer giniÅgamb? Gunap kuyip kirgek tap kaskas ñiÅyakniÅ, nokom kurginiÅgamb anup piyowek amniÅgamb. 13 Nimbip niÅind aspiyn. Am piyow giraÅgraÅg diy, miñmiñ yimb giniÅgamb. Kanj nuk niÅek tep gip rek ma giniÅgamb; kanj nuk kurgek piyow niÅniÅgamb anup niÅek tep kun ak key yimb giniÅgamb. 14 Kun ak rek, Bapiy chin semb biyoÅ mindip ak, ñapan sikoy nuk bap ma kurginimuÅ aÅgiy niÅimb. 15 “Biynimb Gor nup chiÅgey mam ay aÅgniÅgambim gok, bap nimbip timey gonimuÅ; am nund yip key mindiy, tap ginimuÅ kun ak miseÅ aÅgnimimb. Kun giy aÅgem niÅdek mey, namam nanay nimbik yimb mindeniÅgamb. 16 Pen ma niÅdek; am biynimb nokom akaÅ omiÅal rek poÅind amiy niÅmindyakniÅ, minim aÅgnimiyr. 17 Pen kun gem ma yimb niÅdonimuÅ; biynimb lotiw opay rek maÅgiysek niÅmindyakniÅ aÅgnimin. Pen ma niÅdonimuÅ, biynimb tap siy tap timey gipay gok kuyip gipim rek ak ginimimb. 18 “Kun ak nimbip niÅind aspiyn. Minim kun ak rek man ar biy tuÅgasik ay, mer aÅgeniÅgambim, Gor nuk semb biyoÅ mindiy, kunep mer aÅgniÅgamb; pen yaw aÅgeniÅgambim, nuk kunep yaw aÅgniÅgamb. 19 “NiÅind yimb aspiyn. Biynimb omiÅal mankumb biy mindiy, minim aÅg ar nokom ay, Gor nup aÅgniÅeniÅgayr; Bapiy semb biyoÅ mindip ak aÅgniÅgayr rek giniÅgamb. 20 Pen biynimb omiÅal akaÅ, omiÅal nokom rek, gos yip niÅiy, ap nan-geniÅgambay, yand namb kuyip okok wopsakiy mindeniÅgayn aÅgak." 21 Piyta Jiysis mindek maÅ siÅak apiy aÅgak, “Biyomb! Mam gunap yip ñin yerip yerip rek timey gey kuyip niÅiy kirginim? Ãin onep ar ak rek akaÅ?" 22 AÅgek Jiysis aÅgak, “Yand nip, ñin onep ar rek ma aÅgniÅgayn; ñin jiwiy ñin jiwiy onep ar ak rek aÅgniÅgayn." 23 Mam gunap nimbip timey gey, niÅiy ma kirginiÅgambim ak, minim mindeniÅgamb. Pen Gor nuk giniÅgamb ak; kesim aÅgniÅg gispiyn biy rek. 24 Biyomb ak, bi nup woÅg giyak gok, tap day yip gok pen ñim aÅgek, bi tap day nuk maniy yir ñin jiwiy kuÅay yimb nep mindek bap nup dand wiyak. Pen bi kun ak tap day yomb yimb mindek, pen ñinimuÅ rek ma ayak. Kun gek biyomb ak niÅiy, binuk gunap kuyip aÅgak, ‘Gip kun ak nup diy; biyn ñapan, tap nuk yerip yerip mindip gok maÅgiysek diy, dam maker ayem taweniÅgiy, maniy kun ak dap yip ñinimimb aÅgak.’ 26 Kun aÅgek bi kun ak pen; koÅgim yimiy, jiy kuyaÅgiy, biyomb anup aÅgak, ‘Nand yip simb niÅiy kond mindenimin; tap day nak kun ak maÅgiysek day paÅgniÅgayn aÅgak.’ 27 AÅgek, biyomb ak nup simb niÅiy, tap day nuk kun ak kirgak. 28 “Kun giy kirgakniÅ, nuk pen amiy niÅak; binuk yip woÅg giyiÅgipiyr ak ap mindek. NiÅiy nup kuÅam chichiy diy aÅgak, ‘Nip maniy yir nokom bap ñinik ak, yip pen ñan aÅgak.’ 29 AÅgek binuk yip woÅg giyiÅgipiyr kun ak koÅgim yimiy, jiy kuyaÅgiy aÅgak, ‘Yip simb niÅiy kond mindenimin; tap day nak kun ak, maÅgiysek day paÅgniÅgayn aÅgak.’ 30 AÅgek bi kun ak minim nup ak ma niÅiy aÅgak, ‘Nip dam kalambis ayeniÅgayn, tap day kun ak day paÅgiy nep mey, mis amniÅgamban aÅgiy,’ nup dam kalambis ayak. 31 Kun gek binuk yip woÅg giyiÅgipay gok kuyip simbwur timey gek, am biyomb kiyk anup minim kun ak aÅgñiyak. 32 AÅgñeyak, biyomb ak, binuk kun anup suk aÅgek apek aÅgak, ‘Nand bi timey yimb. Yip siy aÅgamban, nip simb niÅiy tap day yand nip mindip ak kirpiyn. 33 Pen yenen, bi yip woÅg gipiyr anup simb niÅiy, ma kirpan? 34 Nup pen yenen dam kalambis ay, bi kalambis kond mindip anup apan, “Nup kalambis ayey, yiwur gakniÅ mindiy, tap day yip ak day paÅgiy nep mis amniÅgamb apan” aÅgak.’ “Bi kun ak, binuk yip woÅg giyiÅgipiyr anup, simb ma niÅak ak mey; biyomb ak, bi kun anup dam kalambis ayak. 35 Nimb mam gunap kuyip kunep geniÅgambim, Bapiy semb biyoÅ mindip ak, nimbip pen kunep giniÅgamb. Kun ak kuyip simb yimb niÅiy, nimbip timey gipay ak niÅiy kirginimimb aÅgak."