Apasol 9

1 Pen Sol biynimb Jiysis minim niÅyak gok kuyip pikayin aÅgiy, per kilis yimb giyiÅgip. Minek bap am bi Gor nup simboÅgep yomb yimb anup aÅgak, 2 “Yip minj gunap tikñenimin; dand Jiwda nan-gep korip keykey mindip miñmon yomb Damaskas amiy, kuyip ñiniÅgayn. Minj kun ak tikiy aÅgnimin, ‘Nimb biynimb Jiwda nan-gep korip miñmon Damaskas nimb opim gok, biynimb Jiysis nup gosimb niÅbay gunap mindeniÅgiy ak; Sol nup aÅgem, miñ ay, dand Jerusalem winimuÅ aÅgiy,’ tiknimin aÅgak." 3 Kun aÅgek, minj keykey tikñakniÅ, dand Damaskas maÅ maÅ gakniÅ; melik yomb ak, semb biyoÅ nimb nup niÅak. 4 NiÅek, Sol kanj hos ar biyoÅ nimb apyap man biyaÅ pikakniÅ, minim bap aÅgak, “Sol! Sol! Yip yenen per pikniÅg gipan?" 5 AÅgek aÅgak, “Biyomb. Nand an?” AÅgek aÅgak, “Yand Jiysis, yip per pikayniÅg gipan ak nep nip aspiyn aÅgak." 6 Kun aÅgiy aÅgak, “Nand tikjakiy, miñmon yomb Damaskas amiy, bi bap ap nip minim aÅgnimuÅ rek niÅiy ginimin aÅgak." 7 Pen bi Sol yip wiyak gok, nuk apyap pikakniÅ, minim maÅgiy anep niÅiy, bi nonim ak ma niÅiy, gospar ay minim gunap ma yimb aÅgyak. 8 Nuk kun giy apyap pikiy, tikjakiy niÅak; windin nup ak pisnep koy gak. Kun gek, binuk yip wiyak gok, ñin kind nup ak diy, poÅind Damaskas amniyak. 9 Nup kun giy windin koy gek; ñiÅg, keñmaÅgiy tap gok ma ñimbiy, ñin omiÅal nokom, yikop nep mindek. 10 Pen bi bap miñmon kun ak mindek. Yimb nuk ak Ananayas. Nuk day niÅak; Jiysis nup aÅgak, “Ananayas!" 11 AÅgek, Jiysis aÅgak, “Sol bi miñmon Tasas nimb ak, day niÅimb: nup am diniÅamban, windin koy gak ak suÅ ayip. Nuk miñiy yip aÅgniÅyiÅg mindip Jiwdas korip ak. Kun ak nand kinjeÅ ‘Yipund’ apay ak amiy, Jiwdas korip amjakiy kuyip aÅgnimin, ‘Sol nup niÅniÅg aswiyn aÅgnimin’ aÅgak." 13 Jiysis kun aÅgek, Ananayas aÅgak, “Biyomb. Yand niÅbiyn: biynimb kuÅay yimb nep apay, ‘Bi Sol kun ak biynimb nip ker mindpay gok kuyip, per timey yimb gip miñmon Jerusalem apay.’ 14 Nuk miñiy wip biy, yikop ma wip: biyomb Gor nup simboÅgipay gok, minim kuyip ak niÅiy, chin lotiw mindiy yimb nip apun gok, miñ ayin aÅgiy wip aÅgak." 15 Ananayas kun aÅgek, Jiysis aÅgak, “Amnimin apiyn kun ak, ma piriknimin. Bi kun anup woÅg gunap pisnep aÅgaypiyn. Nuk minim tep yip ak Yisrel biynimb guniy aÅgñiy, biynimb okok kuyip aÅgñiy, biyomb gunap aÅgñiy, giniÅgamb. 16 Pen yand gen nup añiÅ yapiy, miker yomb diyiÅg, woÅg kun ak giniÅgamb aÅgak." 17 Pen Ananayas kun giy day niÅiy, Jiwdas korip ak amiy niÅak: Sol mindek. Nup diniÅyiÅg aÅgak, “Mam Sol. Bi Jiysis kinjeÅnamb miseÅ gek niÅnak ak, yip aÅgyokamb aswiyn. Windin ak tip niÅiy, Gor Kawnan ak kunep dinimin aÅgak." 18 Kun aÅgakniÅ, tap aÅoy band rek windin nup yiwgiy mindek ak, waniÅgyowakniÅ, day windin niÅak. Won kun anep, Ananayas Sol nup ñiÅg pikñak. 19 Pen Sol ñin omiÅal nokom yikop kinak rek; tap ñimbek nup giy aÅgak. Sol Minim AÅgñak Miñmon Damaskas Pen Sol nuk Jiysis biynimb nuk gok yip Damaskas mindiy, 20 Jiwda nan-gep korip okok taÅgiy, Jiysis minim ak, biynimb gok kuyip aÅgñiy aÅgak, “Jiysis, Gor Ãinuk yipund giy yimb aÅgak." 21 Kun giy aÅgñek, niÅiy jiw di giyiÅg aÅgyak, “Bi biy mey, biynimb Jiysis nup gosimb niÅyak gok kuyip girimey giyiÅgip miñmon Jerusalem rek? Miñiy gunap sek miñ ay, dam Jerusalem biyomb gok kuyip ñiyn aÅgiy wip rek ayip aÅgyak." 22 Sol Jiysis minim aÅg dand amiy, bi kiyÅ yomb key per kond mindyiÅgipun ak mey, Jiysis nep aÅgiy, yipund giy yimb nep aÅgek, bi Jiwda Damaskas mindeyak gok, minim bap pen aÅgniÅgiy rek ma ayak. 23 Pen kisen mind dand amiy, Jiwda kay ap nan-giy, minim aÅg ar nokom ay aÅgyak, “Sol nup pikayjun aÅgyak.” Minim aÅgyak kun ak Sol niÅak. 24 Miñmon yomb kun ak, kamb wariy nep gi kus kus giyak ak mey, kinjeÅ tam taÅgyiÅgipay taÅgyiÅgipay gok, Sol nup ñaÅgun aÅgiy, pumbnamb kisyimken ñiluk aymindyiÅgipay. Kun geyak minek bap, kisyimken biyaÅ Sol minim aÅgek bi minim nup niÅyiÅgipay gok, nup wand miÅgan yomb ak yiÅgiy, miñ tiwniÅgiy, lipiÅg wiyndiw miÅgan biyoÅ nimb lum biyaÅ yokeyak, pirik amnak. 26 Pen Sol Jerusalem amiy, biynimb Jiysis ker mindeyak gok yip jimñiy mindon aÅgek, kiyk niÅiy, bi biy Jiysis nup ma chiÅgip; chinup pikayniÅg nep wip aÅgiy, pirikyak. 27 Kun geyak Banabas, Sol nup dand, bi Jiysis minim dand amemb gok mindeyak ak amiy, kuyip aÅgak, “Bi kun biy nup niÅiy ma piriknimimb. Minim tep chin niÅbun rek niÅimb. Minek bap miñmon Damaskas amniÅg, kinjeÅnamb ak amek, Jiysis miseÅ giy nup minim gunap aÅgek niÅak. Kisen am Damaskas biynimb kuyip, ma pirikiy, Jiysis minim tep ak monmon yimb aÅgñak aÅgak." 28 Banabas kun aÅgek, Sol nup deyak, kiy yip Jerusalem mindiy, Jiysis minim tep ak ma pirikiy, monmon yimb aÅgñak. 29 Pen bi Jiwda, Griyk minim aÅgyak gok, nuk yip penpen aÅg amiy apiy giy, pisnep pikayun aÅgiy gos ak niÅyak. 30 Pen bi Jiysis nup gosimb niÅyak gunap, minim kun ak niÅiy, nup poÅind dam Siysariya amiy, yokey miñmon nuk Tasas amnak. 31 Ãin kun ak, miñmon Jiwdiya, Galiyliy, Samariya, biynimb Jiysis nup gosimb niÅyak gok, mind tep giy, Gor minim ma kirgiy; direp yimb ginjun aÅgyak. Gor Kawnan ak, kuyip kond mindakniÅ, mindrep giy, biynimb kuÅaynep Jiysis nup diyak. 32 Piyta biynimb Jiysis nup gosimb niÅyak gok, miñmon keykey niÅraÅgyiÅgip. Kun giy niÅraÅgiy, minek bap biynimb Jiysis nup gosimb niÅyak gok kuyip, niÅiyn aÅgiy miñmon Liyda amnak. 33 Miñmon kun ak, bi ñin tomb kalaw gek, minj ar nep kin mindek simiy yin jiy ayak bap mindek. Yimb nuk Yiniyas. 34 Piyta bi kun anup aÅgak, “Yiniyas. Tap nip gip ak, Jiysis gek suÅ ayniÅgamb. Jakiy, minj ak par tep gan aÅgak.” Kun aÅgakniÅ, nup suÅ ayek, 35 giraÅgakniÅ, Liyda biynimb gok sek, Saron biynimb gok sek nup niÅyak rek, Jiysis nup gosimb niÅyak. 36 Pen Piyta miñmon Liyda nep mindakniÅ, biyn Jiysis nup gosimb niÅak bap kumak, yep miñmon yomb Jopa. Biyn kun ak yimb nuk Tabiyta. Pen Griyk minim aÅgiy, nup Dokas aÅgyak. Nuk biynimb okok kuyip kond mindrep giy, biynimb simbgeprek gok kuyip woÅg giñiyiÅgip. 37 Biyn kun ak kumek, nup ñiÅg pikñiy dam ayak korip miÅgan ar akyoÅ. 38 Biynimb Jiysis nup gosimb niÅyak gok, minim bap niÅyak; Piyta ap mindek miñmon Liyda. Kiyk niÅiy, bi omiÅal yokey, amiy aÅgrik, “Nand chir yip kasek apey amnun aÅgrik." 39 AÅgerik, Piyta tikjakiy, kiymiÅay yip Jopa amiy, nup poÅind Tabiyta kumek, dam ayak korip ar biyoÅ amniyak. Pen biyn kaÅil ap mindeyak gok, biyn kumak kun ak, nind kim mindyiÅg chech tap kuyip yikop ñiyiÅgip gok, Piyta nup yomyiÅg, siy aÅgyak. 40 Nuk pen biynimb ap mindeyak gok kuyip, aÅg mis biyaÅ yokiy, koÅgim yimiy, Gor nup aÅgniÅiy, tuÅgandikiy Tabiyta nup niÅyiÅg aÅgak, “Tabiyta. Tikjakan!” AÅgek, Tabiyta Piyta nup niÅiy, tikjakiy bisgak. 41 Piyta ñin kind nup ak diy, di jakñiy, am biyn palpal gok sek, biynimb Jiysis nup gosimb niÅyak gok sek kuyip, aÅgek apey, “Tabiyta biy aÅgak." 42 Pen Piyta kun gek, minim kun ak Jopa biynimb maÅgiysek niÅiy, biynimb kuÅaynep, Jiysis nup gosimb niÅyak. 43 Pen Piyta nuk miñmon Jopa kun ak, bi kaw wak woÅg giyiÅgip bap yip, ñin gunap tapin mindyiÅgipiyr. Bi kun ak yimb nuk Saymon.