LUKA 20

1 Ʒoaŋ gie bapa mocko Jesuzi taha ufuŋko ŋic miti jaza qazuc ehuc juhame taha bapa micne â miti qaqazu â soŋaŋ jaŋe erao rarâ 2 šiŋuc âzâcnembiŋ: Go nâzâc, šira wiac eekic, i more micte eekic? Mozi iŋuc ecmurâ mugareme eekomec?" 3 Mupie jazawec, “No iŋuc jaha dâŋ moc wio-ŋarepe nazaniŋ, 4 Johanere Miti Opâ gie i wenirec fuawec, sambâŋkonec me qickonec? Ž 5 Iŋuc jazame jaŋe jaŋackoaŋ šiŋuc muhuc nazaŋ gazaŋ embiŋ: “Nâŋâc sambâŋkonec fuawec, iŋuc mupene muocmu, Hâc, eme wemocte dâŋticne mi mana šakiembiŋ? Ž 6 Me ŋickonec fuawec', iŋuc mupene ŋic sasawa jaŋe manarâ qânâzi hehâmoc-nâponiŋmu. Jaŋe Johanere manapie porofete fârine ekac i!"</span> <span class="bch-verse" data-verse="7"><span class="verse-num">7</span> Irec Jesu šiŋuc âzâcnembiŋ: "Hece, nâŋe Miti Opâ-ticnere fuŋne mi manaŋgopeneŋ."</span> <span class="bch-verse" data-verse="8"><span class="verse-num">8</span> Mupie Jesuzi šiŋuc jazawec: "Wiac murâ sâcne, eme noni iŋuc jaha, more micte šira wiac eekopac, okacne wâc mi ŋazapemu."</span> <span class="bch-verse" data-verse="9"><span class="verse-num">9</span> Jesu e ŋic dâŋ herâricne moc šiŋuc jazawec: "Ŋic moczi waiŋ gie sarawec. Sara-fârerâ soŋaŋ râec-joparâ mâreŋ wiwicko rarâ ira dameŋ šoricne juwec.</span> <span class="bch-verse" data-verse="10"><span class="verse-num">10</span> Juku fârine fufua dameŋ maickeme kiŋaŋ motec moc fârine tucne roocte soreme ra fisime soŋaŋ jaŋe qa imac ecnerâ jâpepie metariŋ risiewec.</span> <span class="bch-verse" data-verse="11"><span class="verse-num">11</span> Risieme runezi harierâ kiŋaŋ motec moc soreme rame iŋuc jaha wiac gâgâpâcne ecnerâ jâpepie metariŋ jaha risiewec.</span> <span class="bch-verse" data-verse="12"><span class="verse-num">12</span> Eme runezi harierâ kiŋaŋ motec moc soreme jaŋerao fisime šâpâ qarâ tuŋkembiŋ.</span> <span class="bch-verse" data-verse="13"><span class="verse-num">13</span> Iŋuc epie waiŋ gie runezi manarâ muwec: Ʒi wenac epe? Joroc ŋokâ-nane sorepe rame araŋ bacneniŋmu mecne. Ž 14 Eme soŋaŋ jaŋe ine ŋokâ-ticne honerâ nazaŋ gazaŋ erâ mumbiŋ, Eki hâcne juku gie ši rauckeocmu, murâ qapene gie ši nâŋâcne ezejec. Ž</span> <span class="bch-verse" data-verse="15"><span class="verse-num">15</span> Iŋuc murâ kâteo tuŋke tuŋke rarâ qâhâmombiŋ. Eme gie rune e soŋaŋ weniŋuc ejareocmu?</span> <span class="bch-verse" data-verse="16"><span class="verse-num">16</span> Manaŋgopieŋ, e warerâ soŋaŋ iŋucne jopa qâhâmoc ejarerâ gie-ticnao soŋaŋ furune râec-jopaocmu." Eme jaŋe manarâ mumbiŋ, "Aricne, iŋuc mi ejâmbâŋkezo."</span> <span class="bch-verse" data-verse="17"><span class="verse-num">17</span> Mupie Jesuzi hone dendeŋ-jopahuc muwec: "Miti dâŋɋâreŋ moc kecšiŋuc fokac i fuŋne weniŋucte? Ficbapa ŋic jaŋe wâtuŋ surehuc behembiŋ, wâtuŋ izi mi jâmâ wâtuŋ ezejec i!’ 18 Ŋic moczi jâmâ wâtuŋ ira herâ sahac-ticne imackeocmu, â wâtuŋzi ŋic mocte faio waha qaocmu ine qâgâreckeocmu." 19 Iŋuc mume miti qaqazu â taha bapa micne jaŋe šoaŋ ijaha kâpâcwâru baniŋte mumbiŋ. Jesu e dâŋ suŋsuŋne jaŋere muwec, i mana tararâ iŋuc ecnezo murâ ŋic jaŋere hâwic-jopame behembiŋ. 20 Eme jaŋe Jesure ruc bahuc doc bapa ŋic erao sorec-jopapie rambiŋ. Eme ŋic izi hâcne miti hawari juhuc Jesu dâŋzi bitiŋ bacnepie kime kiarao râeniŋte 21 mu esâic ecnehuc mumbiŋ: “Qaqazu, nâŋe gore fuŋne manaŋgopeneŋ, go dâŋ sâcne nâza qazuc eekic, erâ fekicne fosâoc-jopahuc dâŋ mi muhasickeekic, ehuc Anuture hata jâmbomacko mutiŋne-nâreekic. 22 Irec mutec mananaŋ, Roma ŋicwofuŋ takesi moneŋ râcnepene sâckeekac me mâcne?" 23 Mupie eeatuc-jeŋicte fuŋne mana tararâ muwec, 24 “Ŋoŋe siliwa moneŋ moc bâfuarâ nowatupie honepe, ira more hawari â qâreŋ fokac?” Eme jaŋe mumbiŋ, “Roma ŋicwofuŋte." 25 Eme jazarâ muwec: “Murâ ŋicwofuŋte biŋe i ŋicwofuŋ râcnenšepieŋ, â Anuture biŋe i Anutu râcnenšepieŋ," 26 Iŋuc mume jaŋe dâŋticne batackerâ wemocko ŋic jaŋere maio qorickenšapiŋ. Irec mâc wareckerâ dâŋjeŋic fâsâewec. 27 Jaŋe rahapie sadukaio ŋic gâcne Jesurao fisimbiŋ. Ŋic i jaŋe, hâmockonec fafahare mi fokac, iŋuc muhuc jumbiŋ. 28 Jaŋe hâcne fisirâ Jesu dâŋ šiŋuc muhuc âzâcnembiŋ: “Qaqazu, Mose e dâŋ kecšiŋuc mutâcnewec, ŋic moczi ŋokac rorâ ɋâric-ticne mi fuahame hâmome ɋanezi hozec-ticne rorâ hahac-ticnere biŋe ɋâric bâfuazejec. Ž</span> <span class="bch-verse" data-verse="29"><span class="verse-num">29</span> Eme hahac ɋa 7 jumbiŋ, ehuc mârâc hahac-jeŋic ŋokac rorâ ɋâric tâmiric jurâ hâmowec.</span> <span class="bch-verse" data-verse="30"><span class="verse-num">30</span> Hâmome ɋanezi hozec-ticne rorâ iŋuc jaha hâmowec.</span> <span class="bch-verse" data-verse="31"><span class="verse-num">31</span> Hâmome ɋaticne moczi hozec i jaha rowec. Iŋuczi iŋuc hahac ɋa 7 jaŋe ŋokac i jaha rorâ ɋâric tâmiric hâmo-fârembiŋ.</span> <span class="bch-verse" data-verse="32"><span class="verse-num">32</span> Eme šâhecko hozec-jeŋic iŋuc jaha wâc hâmowec.</span> <span class="bch-verse" data-verse="33"><span class="verse-num">33</span> Eme ŋic 7 jaŋe mâmâc sasawa ŋokac ijaha rombiŋte juku fafahare dameŋko more ŋonâŋ ezokac?"</span> <span class="bch-verse" data-verse="34"><span class="verse-num">34</span> Mupie Jesuzi šiŋuc jazawec: "Dameŋ šiŋuczia šira mâreŋko ŋic ŋokac roroc eeŋgopieŋ.</span> <span class="bch-verse" data-verse="35"><span class="verse-num">35</span> Juku dameŋ sâkoo Anutuzi mana-jareme sâckeha juju sanaŋte ɋârerâ faharenšoŋgopieŋ, ŋic ŋokac i jaŋe ine roroc mocwâc mi enšoŋgopieŋ.</span> <span class="bch-verse" data-verse="36"><span class="verse-num">36</span> Wemocte? Jaŋe hâmockonec faharerâ Anuture naru motecfâc ehuc aŋelo jaŋe iŋucne hâmo hetiric mi ehuc furu jaha junšoŋgopieŋ.</span> <span class="bch-verse" data-verse="37"><span class="verse-num">37</span> Hâmokicnezi ɋârerâ faharenšoŋgopieŋ, i Mosezi wâc šocbâruŋ jâc dutunao fuawec irec binaŋko mufuawec. E Wofuŋte šiŋuc qâreŋkewec: E Abraham â Isaka â Jakobo jaŋere Anutu. Ž 38 Ine hâcne, e hâmokicne jaŋere Anutu mâcne, e ɋâricne juju jaŋere Anutu, eki maname mâmâc sasawa jujune eŋgopeneŋ ekac hâcne." 39 Jesu e iŋuc muhuc jazame miti qaqazu gâcnezi mumbiŋ, “Qaqazu, go dâŋ mutecne biaŋkekac." 40 Eme mocwâc mu esâic ecneniŋte manapie ŋemâckeme behembiŋ. 41 Eme Jesuzi šiŋuc muhuc esâic-jopawec: “Kristo e Dawidire ɋâric mueŋgopieŋ i weniŋucte? 42 Dawidi e jahac miti mânec ɋâreŋkehuc kecšiŋuc muwec: `Wofuŋ e nore Wofuŋ šiŋuc âzâcnewec: Go ware fâre-naneo ŋehaŋte 43 no râsifâcge kikefuŋgao guruc-jopape kikegere ââtesiŋ enšepieŋ. Ž 44 Dawidi e Wofuŋ-nane mucnewec izi weniŋuc erâ ɋâric-ticne ekac?" 45 Eme motecfâc-ticne ŋic maioa dâŋ decšiŋuc jazawec: 46 “Ŋoŋe miti qaqazu jaŋere juju mi junšepieŋ. Jaŋe ŋaqi šora rojuhuc hatao ŋic bâfuac-jopapie mu šeri ejareniŋte maŋjeŋic domaekac. Ehuc mitificko â tutumaŋ ficko ŋicbomboŋ ŋeŋeoa micne ŋeniŋte mueŋgopieŋ. 47 Iŋucnezi hozec jaŋere fic wiac kâŋgâc jowac roeŋgopieŋ, erâ nunumu šorazi hehesicjeŋic hefackeeŋgopieŋ. Ŋic i jaŋe juku okacne hâhâwicne ronšoŋgopieŋ.