LUKA 16

1 Jesuzi motecfâc-ticne binaŋ moc šiŋuc bajarewec: “Ŋicbomboŋ sâko moc ere moneŋ mafa soŋaŋ moc juwec. Eme juku ere šiŋuc mupie manawec: Soŋaŋ e mafa ro bâsifuc eekac. Ž</span> <span class="bch-verse" data-verse="2"><span class="verse-num">2</span> Iŋuc manarâ hefârerâ âzâcnewec: No gore dâŋ weniŋuc mupie manapac? Go iŋucnezi soŋaŋ mocwâc mi jucmurâ mukopacte papiage bawaretec moneŋ mafare fuŋne bataniŋkezo. Ž 3 Mume soŋaŋ e maŋnezi šiŋuc muwec: Ʒi bomboŋ-nanezi soŋaŋ gie nowac rome wenac epemu? Gie he sarac ezore takicnukac, qafec qawahac juzore mimiekopac.</span> <span class="bch-verse" data-verse="4"><span class="verse-num">4</span> Miŋecne manakopac, bomboŋ-nanezi jâpecnume ŋic âgofâc-nane hezu hefâroc enarepie ficjeŋicko ŋeŋe epemurâ wiac ejarezepac. Ž</span> <span class="bch-verse" data-verse="5"><span class="verse-num">5</span> Iŋuc murâ bomboŋ-ticnere tofa bajumbiŋ i jaŋe buc buc hefârec-jopawec. Ehuc moc wiocnerâ muwec, Bomboŋ-nanere tofa gorao wezimuc fokac? Ž 6 Eme eki muwec, Qowitiŋ 100. Ž Mume šiŋuc âzâcnewec: Ajoc, papia ši rorâ 50 qâreŋkec. Ž 7 Iŋuc murâ moc wiocnewec, Bomboŋ-nanere tofa gorao wezimuc fokac? Ž Eme eki muwec, Padi târu 100. Ž Mume šiŋuc âzâcnewec: Ajoc, papia ši rorâ 80 qâreŋkec. Ž</span> <span class="bch-verse" data-verse="8"><span class="verse-num">8</span> Iŋuc eme bomboŋ e manarâ soŋaŋ bâkiri bapa maŋfânâŋ-ticnere muteŋkewec. Miti tâmiric jaŋe âgofâc-jeŋic jaŋehec wiac eniŋte maŋfânâŋ-jeŋic kâcɋene fokac, mitihec ŋoŋe sâc iŋucne mi foŋarekac.</span> <span class="bch-verse" data-verse="9"><span class="verse-num">9</span> Irec mupe mananiŋ, ŋoŋe iŋuc jaha moneŋ mafa jawane ŋic qikiŋne-jarepie jaŋe âgo bacŋoparâ juku i babaju dameŋne tarame juju sanaŋ ficjeŋicko hefârec-ŋopapie junšepieŋ.</span> <span class="bch-verse" data-verse="10"><span class="verse-num">10</span> "Moc e wiac omane metâo sâcne soŋaŋkeocmu, eki wiac fârine iŋuc jaha metâo sâcne soŋaŋkeocmu. Á moc e wiac omane bâsifuckeocmu, eki wiac fârine iŋuc jaha bâsifuckeocmu.</span> <span class="bch-verse" data-verse="11"><span class="verse-num">11</span> Ŋoŋe moneŋ mafa jawane metâo sâcne mi bajupie wiac fârine mozi ŋareocmu?</span> <span class="bch-verse" data-verse="12"><span class="verse-num">12</span> Á wiac jaba ŋarekicne i sâcne mi bajupie ŋaŋacne biŋe i mozi ŋareocmu?</span> <span class="bch-verse" data-verse="13"><span class="verse-num">13</span> Motec mocjahazi jajahec jahere kiŋaŋ sâcne mi qaocmu. E moc âgo ecnehuc moc hone takireocmu, â moctao qohotahuc moc râpeckeocmu. Ŋoŋe iŋuc jaha Anuture gie mecne â moneŋ mafa qâqâhâc sâko irec gie mecne sâckoa sâcne mi bacjofaniŋmu."</span> <span class="bch-verse" data-verse="14"><span class="verse-num">14</span> Jesu e dâŋ i mume farisaio jaŋe moneŋ mafare sasec embiŋzi manarâ dâŋticne surembiŋ.</span> <span class="bch-verse" data-verse="15"><span class="verse-num">15</span> Epie šiŋuc jazawec" "Ŋoŋe hâcne ŋic jaŋere maio tiŋne hawari juniŋte šoɋac eeŋgopieŋ. Anutuzi ine maŋŋeŋicte fuŋne manaekac. Ŋic jaŋe wiac honepie tiŋne hawari eekac, i Anutuzi honeme mamakâcne eekac.</span> <span class="bch-verse" data-verse="16"><span class="verse-num">16</span> Sâcmutâc dâŋqâhâc â porofete dâŋ irec hata fowareku Johanerao mickewec. Irec faicnao ine Anuture uucmaŋ irec Biŋebiaŋ haŋ barakac. Eme ɋicwânšâŋ eeŋgopieŋzi rašieŋgopieŋ.</span> <span class="bch-verse" data-verse="17"><span class="verse-num">17</span> Sambâŋ â mâreŋ jahe sirowezo murâ sirowenicmu, â sâcmutâc dâŋ irec huŋgaŋne mac moc mâc foku arictac eene ine mi fokac.</span> <span class="bch-verse" data-verse="18"><span class="verse-num">18</span> Ŋic moc e ŋonâŋ-ticne beherâ moc roocmu, e šušuhuc-jekic bâtâcnehuc kiŋsâko hureocmu. Á moc e ŋokac behekicne i roocmu, e iŋuc jaha šuhuc bâtâcte kiŋ hureocmu.</span> <span class="bch-verse" data-verse="19"><span class="verse-num">19</span> "Ŋicbomboŋ moc juwec e ŋaqi erinehec furi sâko sasawa rojuwec, erâ šoaŋne šoaŋne tiwa šepec nâ šeri ehuc juwec.</span> <span class="bch-verse" data-verse="20"><span class="verse-num">20</span> Ehame ŋic hapetac moc juwec, šâŋene Lazaro. E sahacne wic sasawa. Eme eki ŋicbomboŋte fic rurumaŋko fojujec.</span> <span class="bch-verse" data-verse="21"><span class="verse-num">21</span> Ehame ŋicbomboŋte fickonec nâkitâc wahame i nâocte aŋac focne jujec. Fohame qâto jaŋe fisirâ wicticne apurumbiŋ.</span> <span class="bch-verse" data-verse="22"><span class="verse-num">22</span> Eme juku hapetaczi hâmome aŋelo jaŋe jowa ferâ Abrahamte qicfuŋko râepie juwec Eme šâhec ŋicbomboŋ e wâc hâmome duckembiŋ.</span> <span class="bch-verse" data-verse="23"><span class="verse-num">23</span> Eme e hârâcko hurâ šâic fâro sâko manahuc fime feme Abrahamte qicfuŋko Lazaro honewec.</span> <span class="bch-verse" data-verse="24"><span class="verse-num">24</span> Honerâ wirahuc muwec: Abraham mamac-nane, nore buge sâqoreme Lazaro soretec mebotâŋne sawa opâo âke uruckerâ ware nameŋ-naneo bame mâteŋkezejec. No šira šocbâruŋko šâic serereŋ sâqocne manahuc jukopac. Ž 25 Mume Abrahamzi muwec: Ŋokâ-nane manakic, go mâreŋko aŋac faio jumeŋ i tarawec. Á Lazaro busâqoc faio juwec i iŋuc jaha tarawec. Eme irec e bubiaŋhec juekac â go ine šâichec juekic.</span> <span class="bch-verse" data-verse="26"><span class="verse-num">26</span> Erâ wâc ŋondeŋ-nâŋecko hârâc sâko domakac, irec šireczi ŋoŋerao wemocko hufâzo â ŋoŋeraoneczi šira wemocko wefuzo. Ž</span> <span class="bch-verse" data-verse="27"><span class="verse-num">27</span> Eme ŋicbomboŋzi muwec, Mamac-nane, moc mupe mana-narec” 28 ocna nore haeo ɋafâc-nane memoc juŋgopieŋ, jaŋe šâic haeo šira warenšipiŋte Lazaro soretec ra uŋdâŋ hazec qâuŋ jazazejec. Ž 29 Mume Abrahamzi muwec, Aricne, Mose â porofete jaŋere micdâŋ fokac i mananšepieŋ. Ž</span> <span class="bch-verse" data-verse="30"><span class="verse-num">30</span> Eme muwec, Mamac-nane Abraham, iŋuc mâcne, hâmokicne moczi ra jazame maŋjeŋic sâcne bârisieniŋmu. Ž 31 Eme muwec, `Jaŋe Mose â porofete jaŋere dâŋ qikiŋneeŋgopieŋko hâmokicne moczi ra jazame iŋuc jaha qikiŋneniŋmu. Ž “