LUKA 11

1 Jesu e mocko ra numuwec. Numuku numu-fâreme motecfâcne jaŋeraonec moczi muwec: “Wofuŋ, Johanezi motecfâcne nunumu qazu-jarewec, iŋuc jaha goki moc qazu-nârec." 2 Mume Jesuzi šiŋuc jazawec: “Ŋoŋe numuzo murâ kecšiŋuc numunšepieŋ: Mamac gore šâŋe tiri fozejec. Ware maŋ sâc mâreŋ sâc Wofuŋ enârec. 3 Ʒoaŋ gie bapa sâc nânâ-nâŋec nârezemec. 4 Kiŋtofa-nâŋec behenârec, nâŋe iŋuc jaha ŋic jaŋere kiŋtofa beheŋgopeneŋ. Eesâicko mi râec-nâpozemec." 5 I mutararâ moc šiŋuc šuhuckewec: “Ŋoŋeraonec moczi ŋafe šâšâŋiŋko rarâ âgo-ticne wiwickerâ šiŋuc âzâcneocmu: Âgo-nane, go nânâ jahec â moc mac narec,</span> <span class="bch-verse" data-verse="6"><span class="verse-num">6</span> âgo-nane moczi hata juku norao ware fisime nânâ gumezore basakopac. Ž</span> <span class="bch-verse" data-verse="7"><span class="verse-num">7</span> Iŋuc mume fic runezi ficmaŋkoa fohuc muocmu, Go guŋ wiwic wemocte enârekic, ficmotâc kine bakicne â naru motec guŋ fofâreŋgopieŋ, irec wemocko faharerâ garepemu. Ž “ 8 Jesu e iŋuc murâ muwec, “No mupe mananiŋ, fic rune e ââgore mi manacneocmuo ine mic šoɋac-ticnere sifu faharerâ wiac mukac râcneocmu. 9 Irec noni iŋuc jaha ŋifecne ŋazape mananiŋ: Numuku wiac roniŋmu, basaku fârine bâfuaniŋmu, motâcko heikepie aŋke-ŋareocmu. 10 Numuekaczi wiac roekac, basaekaczi fârine bâfuaekac, motâcko heickeekac e rocnezo. 11 Me ŋoŋeraonec mo ŋiczi ŋokâ-ticne qowire mucneme irec okacne ɋâsu râcneocmu, 12 me qâqâc hândâŋte mucneme omeqaqa râcneocmu? 13 Eme ŋoŋe ŋic hehesicne iŋucnezi naru motecfâc-ŋeŋic nânâ mafa biaŋne jare gumec eeŋgopieŋko Mamac-ŋeŋic sambâŋko e sâc moc juekaczi Tiri Mârore numucnepie sâcne mi ŋareocmu me?" 14 Ŋic moc demoŋzi ecneme nâŋguŋ ewec. Eme Jesuzi ŋic e demoŋ jâpecneme mocwâc dâŋ dâŋ ewec. Iŋuc eme ŋic jaŋe honerâ wareckembiŋ. 15 Eme gâcnezi ere šiŋuc mumbiŋ: “Demoŋ jaŋere ŋicbomboŋ Beezebulu eki neŋgoc ŋesiŋ ŋecnehame demoŋ jâpe-jareekac." 16 Gâcne jaŋe ine hesuahuc mumbiŋ: “Go mutec sambâŋko fuŋne qaqa mâsi fuame honenaŋ." 17 Eme eki maŋjeŋicko mana tararâ jazawec: “Mâreŋ moc ira šika kosa fuame hae sâc rârâsi efârepie tuhu fuaocmu. 18 Sataŋzia fâuckerâ Sataŋ jâpeme gie-ticne weniŋuc sanaŋkerâ foocmu? Ŋoŋe nore šiŋuc muŋgopieŋ: Beezebuluzi neŋgoc ŋecnehame demoŋ jâpe-jareekac, irec mukopac. 19 Eme no Beezebulu ere neŋgoc ŋesiŋko demoŋ jâpe-jareekopacko, ŋaŋacne motecfâc jaŋe more ŋesiŋko demoŋ jâpe-jareeŋgopieŋ? Jaŋe hâcne qoqoric-ŋeŋicte fuŋne bataniŋkeniŋmu. 20 Noni ine Anuture tâpirizi demoŋ jâpe-jareekopacko Anuture Wofuŋ qâreŋ ŋoŋerao fuakac hâcne. 21 Ŋic momorizi sându maro-ticnehec fic hae-ticne soŋaŋkeme wiac-ticne furu foocmu. 22 Ehame tâpiri sâkoheczi fisi hâporâ sându maro mamanac-ticne jâoc rorâ boreŋ mafa-ticne kâdoc qaocmu. 23 Moc e âgo mi enareocmuzi râsi enareocmu, â moc e gie-nane hone maiŋ mi eocmuzi hetâtieocmu. 24 “Demoŋzi ŋickonec wefurâ ra tuhuo miti qatarac juhuc ŋeŋe hae-ticne basaocmu. Basaku muocmu: Ficnane beherâ warepo ijaha mocwâc risiepe. Ž</span> <span class="bch-verse" data-verse="25"><span class="verse-num">25</span> Murâ risierâ honeocmu: Ʒure emasaŋ erâ bâpiaŋkekicne.</span> <span class="bch-verse" data-verse="26"><span class="verse-num">26</span> Iŋuc fome honerâ ra demoŋ âgofâc-ticne 7, e jahacne sâc mâcne, repipicne jâmbâŋ rocjopame ware fic ijaha ŋeŋe juju eniŋmu. Eme ŋic e mârâc sâqocne juweczi šâhec sâqore-jâmbâŋkeocmu."</span> <span class="bch-verse" data-verse="27"><span class="verse-num">27</span> Dâŋ iŋuc muhuc juhame ŋic ŋondeŋkonec ŋokac moczi wiwic jaha wiracnehuc muwec, "Rocgurâ moŋ gumec guwec ere manape šerine ekac." Eme Jesuzi manarâ šiŋuc muwec: "I mukomec noni ine Anuture dâŋ manarâ bajuengopieŋ jaŋere hâcne manape šerine ekac."</span> <span class="bch-verse" data-verse="29"><span class="verse-num">29</span> Ŋic bocjaha erao qaja fusepie fuŋkera dâŋ šiŋuc jazawec: "Ŋicguru hehesicne šizi fuŋne qaqa mâsire fotarieeŋgopieŋ. Erâ ŋoŋe mâsi moc mâcne, Jonarao mâsi fuawec i sawa fuame honeniŋmu.</span> <span class="bch-verse" data-verse="30"><span class="verse-num">30</span> Jonarao wiac fuawec izi Niniwe haeonec ŋic fuŋne qaqa mâsi ejarewec, iŋuc jaha Ŋic Fâri Wâtuŋne erao wiac fuaocmu izi ŋicguru ši ŋoŋe fuŋne qaqa mâsi eŋareocmu.</span> <span class="bch-verse" data-verse="31"><span class="verse-num">31</span> Juwic mâreŋkonec ŋokac wofuŋ eki mumu tara dameŋko ŋicguru ši ŋoŋehec faharerâ fuŋne-ŋeŋic ritume katucne roniŋmu. Erâ i mâc mâcne, ŋokac e Salomoraonec mamana fârine roocte mâreŋ qaŋeŋnaonec warewec" eme mananiŋ, ši fuakac e Salomore sâc sirickekac.</span> <span class="bch-verse" data-verse="32"><span class="verse-num">32</span> Erâ Niniwe haeonec ŋic jaŋe iŋuc jaha mumu tara dameŋko ŋicguru ši ŋoŋehec faharerâ fuŋne-ŋeŋic ritupie katucne roniŋmu. Erâ i mâc mâcne, Niniwe haeonec jaŋe Jonazi uŋ jazame manarâ maŋjeŋic bârisiembiŋ, â ši domakac e Jona sirickekac.</span> <span class="bch-verse" data-verse="33"><span class="verse-num">33</span> "Ŋoŋe lambe qazerâ mi soŋkeeŋgopieŋ, me kušizi mi hetutuckeeŋgopieŋ, aricne, lambe ŋeŋe-ticnao hepie fic âke tamaeme ŋic ŋoŋe honehuc feeŋgopieŋ.</span> <span class="bch-verse" data-verse="34"><span class="verse-num">34</span> Sahacgere lambe ine šâŋege. šâŋege biaŋne fohuc sahacge batamaecneocmu, šâŋege sâqoreme sahacgezi tiŋtuŋ qaocmu.</span> <span class="bch-verse" data-verse="35"><span class="verse-num">35</span> Eme maŋgao tatamac fokac izi dapâc ezacte aimuŋ soŋaŋkehuc juzemec.</span> <span class="bch-verse" data-verse="36"><span class="verse-num">36</span> Eme maŋ sahacge dapâc tâmiric tatamachec efâreocmuo furu jaha tamaeocmu, lambezi batamaecguekac irec sâc."</span> <span class="bch-verse" data-verse="37"><span class="verse-num">37</span> Dâŋ i mutararâ juhame farisaio ŋic moczi Jesu nânâre ficticnao hefârewec. Hefâreme ficticnao ferâ izia nânâ teboo waha ŋewec.</span> <span class="bch-verse" data-verse="38"><span class="verse-num">38</span> I me sahac-ticne qanaŋ mi šurehuc iŋuc ewecte farisaiozi maname mi sâckewec.</span> <span class="bch-verse" data-verse="39"><span class="verse-num">39</span> Eme irec Wofuŋzi šiŋuc âzâcnewec: "Oi, farisaio ŋoŋe, oto râqâc-ŋeŋic šure ɋaɋackeeŋgopieŋ, maŋŋeŋicko ine nânâ mafare sasec â bâbâsifuczi fusucmakicne.</span> <span class="bch-verse" data-verse="40"><span class="verse-num">40</span> O ŋic mutucne ŋoŋe, wiac sasawa irec sahacne bâfuaweczi maŋne mi bâfuawec me?</span> <span class="bch-verse" data-verse="41"><span class="verse-num">41</span> Irec ŋoŋe maŋkonec bâmec gie bâfuanšepieŋ, eme ŋoŋerao wiac sasawa wâwânâŋ tâmiric efâreocmu.</span> <span class="bch-verse" data-verse="42"><span class="verse-num">42</span> Oi farisaio, ŋoŋe hâwic-ŋopazac me, ŋoŋe wiac racne, romboc, wifu, qase â iŋucne gâcne i tucne Wofuŋte biŋe qahuc râeeŋgopieŋ, ehuc ŋifecne wiac fârine, mitio mubâtiŋ â Anutu sâsâse ine mi eeŋgopieŋ. Moc reŋkehuc moc reŋkezo.</span> <span class="bch-verse" data-verse="43"><span class="verse-num">43</span> Oi farisaio ŋoŋe, mitificko ŋicbomboŋ ŋeŋeoa micne ŋeniŋte mueŋgopieŋ â hatao ŋic ŋokac omanezi bâfuac-ŋoparâ mu šeri eŋareniŋte irec maŋŋeŋic domaekac.</span> <span class="bch-verse" data-verse="44"><span class="verse-num">44</span> Oi ŋoŋe šâŋeruŋ rârâŋnekicne iŋucne, ira ŋic Jaŋe mi manahuc fainao rac warec eeŋgopieŋ."</span> <span class="bch-verse" data-verse="45"><span class="verse-num">45</span> Jesu e iŋuc mume sâcmutâc mamana ŋic moczi manarâ micnao rorâ šiŋuc muwec: "Qaqazu, go dâŋ iŋuc mutec sâcmutâc mamana nâŋerao wâc qacnekac."</span> <span class="bch-verse" data-verse="46"><span class="verse-num">46</span> Mume Jesuzi okacne kecšiŋuc bâtikiecnewec: "Jei, sâcmutâc mamana ŋoŋe wâc hâwic-ŋopazac, ŋoŋe tagi bâmâckerâ ŋic fai-jeŋicko râehuc ŋaŋcne metariŋ jueŋgopieŋ.</span> <span class="bch-verse" data-verse="47"><span class="verse-num">47</span> Jei, mimiŋnefâc-ŋeŋic jaŋe porofete jopa sipiric embiŋ i jaŋere šâŋeruŋ ericke emasaŋ eeŋgopieŋ.</span> <span class="bch-verse" data-verse="48"><span class="verse-num">48</span> Iŋuc ehuc mimiŋnefâc-ŋeŋic qâtec-joparâ šika-jeŋicte manapie biaŋkeekac Jaŋe jopa sipiric embiŋ â ŋoŋe ine šâŋeruŋ-jeŋicko ma âkendâŋne-jareeŋgopieŋ.</span> <span class="bch-verse" data-verse="49"><span class="verse-num">49</span> Irec hâcne Anuture mamana birio dâŋ moc šiŋuc fuawec: No ŋoŋerao porofete â aposolo sorec-jopape fisipie gâcne jopa sipiric â jopa jâpec eniŋmu. 50 Eme irec mârâc jaha ŋic fufua dameŋko fuŋkerâ porofete jopahuc socjeŋic sipiricke warekicne irec kiŋ i ŋoŋerao batarazo. 51 Ʒika i mârâc jaha Aberao fuŋkerâ sueme sue qawefuku Ʒekaria e taha ufuŋko alata fuŋko qahuc qatarakicne. No jâmbomac mupe mananiŋ, šika irec kiŋ i ŋic guru ši ŋoŋerao. batarazo. 52 Jei sâcmutâc mamana, ŋoŋe miti mamana tarare ki ŋic jowac rombiŋ. Ŋaŋac motâcko mi rašimbiŋ, â ŋic ŋokac rašizo mumbiŋ i jaŋe aka hejarembiŋ." 53 Dâŋ iŋuc murâ rahame miti qaqazu â farisaio jaŋe fuŋkerâ jume ju ecnehuc mu esâic ecnembiŋ. 54 Ehuc micnaonec dâŋ moc wahame manapie bahacnehec eme qorickeniŋte ruc sanaŋ barâ jumbiŋ.