SAM 54

1 Mwa Yaubada! Kukolaigu metoya om peula. Kutanekwaigu metoya om peuligaga. 2 Mwa Yaubada! Kulagi ulo nigada, kunakaigali ulo biga. 3 Matausina tokamnomwana eimeimaisi biwaigusi. Tovakatutuki ivigikonaisi mwada bikatumataigusi. Matausina idokaisi Yaubada gala wala avaka. 4 Mitaga Yaubada wala matauna agu topilasi. E Guyau matauna agu tokwala. 5 Ibodi Yaubada bivigaki agu tilaula si mitugaga bimipuki matausina. Matauna bikatumtuwoli matausina, uula matauna tokimadagi. 6 Mwa Guyau! Deli ulo mwasawa balula baisa yoku, e banokagutoki baisa yoku paila uula yoku saina bwaina. 7 Yoku bogwa kukolaigu metoya komwaidona agu mwau, e bogwa lagisi agu tilaula leimamasi.