SAM 4

1 Mwa! Yaubada agu tokwala! Kuvitakaulokaigu avai tuta banigada. Avai tuta laboda mwau, yoku bogwa kupilasaigu. Bukumitukwaiyaigu baisa tuta e kumapu ulo nigada. 2 Ki, ammakawala kala woloula yokomi tomota bukukwavilakaigusi? Ki, ammakawala kala woloula bukuyebwailisi avaka gala dimlesi, e kubokulaisi avaka sopa? 3 Ka, kululuwaisi Guyau bogwa einagi tomitukwaibwaila paila wala titoulela, e matauna bilagaigu avai tuta badou baisa matauna. 4 Bukutatuvasi deli kami kokola e kusimwaisi mitugaga. Avai tuta bukukwanukwenusi manum metoya okabami, kunanamsasi peula paila baisa. 5 Mi lula kululasi duwosisia baisa Guyau, e kudubumaisi matauna. 6 Saina bidubadu matausina inigadasi kawasi, “Mwa Guyau! Kumitukwaiyaimasi tuvaila. Kutovilakaimasi deli m ninabwaila!" 7 Mitaga mwasawa makwaina yoku lokusakaigu ikalisau avaka matausina bikauwaisi metoya komwaidona osi witi deli osi waini. 8 Avai tuta akenu iluva wowogu e amisiwoya. Mwa Guyau! Yoku wala kammwaleta agu tokwala mokwita.