SAM 23
PNG1 Guyau matauna agu toyamata, e yeigu goli la sipi. Bogwa ayosi komwaidona avaka ibodaigu. 2 Itugwalaigu bavaiwasi okubilela mnumonu semitamata. Ilauwaigu okatuwotu kauniwavila sopila sumokainia mwada bamom wala. 3 Ikatupewolaigu e amovavau. Ivakadaigu okedala duwosisia, makawala eikatotila bivagi. 4 Kainaga baboda dudubila dubilikitakita, mitaga gala wala bakokola. E Guyau, yoku goli deli yeigu. M lewa deli m kwaitukwa bogwa bikolaigu. 5 Yoku lokukwatubiasi kamkwam, e kuyeyai kʹagu, ambaisa agu tilaula komwaidosi gagabila bigisaigusi. Kubodaigu wa lulu e asuvi deli agu taimamila, e kuvakasau agu viga. 6 Anikoli bukumitukwaiyaigu deli bukuyebwailigu ogu tuta tomomova komwaidona, e yeigu basivagasi om bwala ogu tuta komwaidona.