SAM 112
PNG1 Kala yakaula Guyau! Bimwasawa matauna availa itemmali Guyau, availa matauna deli nanola kala mwamwasila ikabikuwoli Guyau la karaiwaga makwaina. 2 E tomitukwaibwaila litula si kaisisu saina peuligaga wala osi valu, e Guyau bikabwaili dalela. 3 Deli goli veyala biyosisi si guguwa saina bidugaga, e matauna goli bisibwabwaila tuta komwaidona. 4 Tomitukwaibwaila si sisu makawala lumalama ititapi odudubila, paila matausina saina tonokapisi e toninabwaila, e deli tovagisi duwosisia. 5 Bimwasawa matauna availa itugwali la guguwa paila sala biwasisi, kaina avai togigimwala iiyamati la wotetila deli kala duwosisia. 6 Tomitukwaibwaila gala avai tuta bikapusi. Tuta komwaidona biluluwaisi wala matauna. 7 Matauna la dubumi saina peula, e idubumi wala Guyau. e mapaila gala bikokola kidamwa avai bulogala gaga bilagi. 8 E gala wala bininayuwa kaina bikokola, mitaga mokwita wala bigisi kala tilaula bimamasi. 9 Ilalasimakavi la guguwa baisa tonamakava, e la ninabwaila gala wala biwokuva. Matauna bogwa bitoveka metoya ola kaisisu, e mapaila bisim kala kamaiaba. 10 Mitaga tomitugaga igisaisi baisa e saina igibuluwasi, e ikulubweyani migisi paila saina tokukolosi matauna, e itamwausi, e si pikwaku goli bogwa wala leiwokuva.