Roma 10

1 Ama a va̱, ili iêya n lakai uciga iêya gba̱ aza a Yahuda a tsa̱ra̱ iwauwi. Kavasu ka va̱ ka la ubana a asu u Kashila̱. 2 N reve ta̱ a ka ciga ta̱ a gbashika Kashila̱, shegai a reve 3 ili iêya i tsu zuwa yi u wushi ama wa. A una̱ u nala, aku a ka ciga a gonuko kaci ka le ama a maci a ure u le. A êyuwain utono ure u Kashila̱ u Éa u tsu gonuko ama a woko ama a maci. 4 Kawauwi ka zuwa ta̱ Mele ma gono ma woko bawu ucira, tsa̱ra̱ Kashila̱ ka gonuko gba̱ aza Éa a wushuki a woko ama a maci. 5 Musa korongu ta̱ tyoku Éa Kashila̱ ka zuwa ama a woko ama a maci adama a Éa a na̱ka̱i Mele karinga̱. U danai, “Uza Éa baci dem u yain ili iêya Mele ma danai, wa tsa̱ra̱ ta̱ uma." 6 Shegai ili iêya Tagara̱da u Kashila̱ u wenishikei a kaci ka uwoko ama a maci a asu u upityanangu iêya na: “Kotsu vu tonuko kaci ka vunu, ‘Ya wa bana a zuba?’ wa.” (Wata, “Ya wa bana a zuba u ba u cipuka̱ Kawauwi utuwa̱ a likimba?”) 7 “Kpam kotsu vu dana, ‘Ya wa bana a asuvu a iyamba a asu u akushe?’ wa.” (Wata, “Ya wa bana a asuvu a iyamba u êya̱nga̱sa̱ Kawauwi a ukpa̱?”) 8 Ili iêya Tagara̱da u Kashila̱ u danai iêya na: “Akani yi aêa̱ ta̱ evu n avu; aêa̱ ta̱ a una̱ u vunu kpam a katakasuvu ka vunu.” Uwenishike u upityanangu u Éa tsa dansa̱ka u Éa gai la vi. 9 Vu dana baci bawu uwonvo, “Yesu Asheku a Éa,” kpam vu wushuku baci a katakasuvu ka vunu Kashila̱ ka êya̱nga̱sa̱ yi ta̱ a ukpa̱, Kashila̱ ka wauwa vu ta̱. 10 Tsu wushuku ta̱ n atakasuvu a tsunu, adama a nala a Éa Kashila̱ ka gonuko tsu tsu woko dere. Kpam tsu dana ta̱ bawu u uwonvo, tsu wushuku ta̱, adama a nala a Éa kpam tsu tsa̱ra̱i iwauwi. 11 Tyoku Éa Kashila̱ ka danai a Tagara̱da u ne, “Shegai uza Éa baci u pityanangi n eyi wa yan uwono wa." 12 Na vi u ka̱na̱ ta̱ ya dem, kpaci aza a Yahuda n Awulawa a takpana wa. Asheku a te a Éa, aya kpam wa lya tsugono tsu ama gba̱. Kpam aya u tsu zuwuka ko ya baci u yain kavasu ubana ara ne una̱ u shinga. 13 Tyoku Éa Tagara̱da u Kashila̱ u danai, “Uza Éa baci dem u yain kavasu a asuvu a kala ka Asheku, wa tsa̱ra̱ ta̱ iwauwi." 14 NiÉa ama a ka wushuku n Asheku kpam a foli yi u wauwa le, a taÉa baci upana ukuna u ne wa? Kpam niÉa a ka yan a pana bawu uza roku u tonuko le? 15 NiÉa aza roku a ka ba a tonuko le, Asheku a Éa baci a suku le wa? Tagara̱da u Kashila̱ u dana ta̱, “Ili i maza̱nga̱ iêya i pige an aza Éa a ka tuko Kadyanshi ka Shinga a ka tuwa̱." 16 Shegai aza a Yahuda a roku a wushuku n Kadyanshi ka Shinga ki wa. Tyoku u na, Ishaya matsumate u wecike ta̱, “Magono ma Zuba, uza wa̱ gba̱m la wa wushuku n ili iêya tsu danai?" 17 Ama a pana ta̱ Kadyanshi ka Shinga an uza roku u tonuko le ukuna u Kawauwi. A tsu gita̱ ta̱ a pana akani yi, aku a wushuku. 18 Shegai aza a Yahuda tani? A pana akani yi? Eye, a pana ta̱! Tagara̱da u Kashila̱ u dana ta̱, “A tonuko ta̱ ya dem akani yi. A dansa ta̱ a Éa a asu u mÉa̱ri mÉa̱ri u likimba." 19 Shegai mayun Éa aza a Isaraêila a revei? Eye, a reve ta̱. Ko a aêayin a Musa Kashila̱ ka dana ta̱, “Ma zuwa vu ta̱ vu yain n malyon, n zuwuka baci iyamba i roku una̱ u shinga. Ma zuwa vu ta̱ vu pana upan, n zuwuka baci Awulawa a Éa ya wundya aêa̱ n ugboji wa una̱ u shinga." 20 Ishaya dana ta̱ bawu uwonvo u da Magono ma Zuba ma danai, “Aza Éa bawu a zama mu, alya a tsa̱ra̱ mu. N wenike ta̱ kaci ka va̱ a asu u aza Éa bawu a foloi a wene mu." 21 Shegai Kashila̱ ka yan ta̱ kadyanshi a kaci ka aza a Isaraêila, “Gba̱ uliva̱ n tsu ba̱ra̱kpa̱ ta̱ akere a va̱ n wushi aryagbaji aza Éa a êyuwain mu una̱ka̱ karinga̱."