Kuwene 9

1 Aku katsumate ka tawun ka fula̱i kavana ka ne. N wenei ili i roku yavu katala ka ka rukpa̱i a likimba vi. Katala ki ka wusha ta̱ makukpunki ma ukukpunka̱ kaÉa̱ka̱ ka bawu ka̱ri n utyoku. 2 An ka kukpa̱i, aku ka̱nga̱ ka wuta̱i yavu ka̱nga̱ ka ka̱ri a asuvu a kunu ka ka̱ri n akina walu-walu. Ka̱nga̱ ki ka kimba̱ ta̱ zuba kpam ka ka̱ngi dem kaara, aku asu vi u wokoi n karimbi. 3 Pini nala, abaruma a wuta̱i ushani a asuvu a ka̱nga̱ ki a cipa̱i a likimba. A wuta̱ ta̱ n ucira u Éa a ka taÉa̱sa ama tyoku Éa adaÉu a tsu yan. 4 A tonuko le, “Aza Éa bawu aêa̱ri n iryoci i ili i uzuwa iryoci i Kashila̱ a acen a le, alya koshi ya taÉa̱sa. Shegai kotsu i taÉa̱sa nÉanga ko iceshi wa." 5 Kashila̱ ka wushunku le ta̱ a yanka ama a nala yi mavura cika hal uwoto u tawun, shegai u wushunku le a wuna le wa. MÉa̱la̱ mi tyoku u mÉa̱la̱ n kudaÉu n Éa ma̱ri ku taÉa baci uza. 6 A aêayin a nala yi, ama a ka bolo ta̱ ukpa̱, shegai a ka tsa̱ra̱ u Éa wa. A ka ciga ta̱ a kuwa̱, shegai a ka fuÉa wa. 7 Abaruma yi a rotso ta̱ adoki a Éa a foÉusoi adama a kuvon. Aêa̱ ta̱ n ifuni i zinariya a aêaci a le, kpam upetiwaêeshi u le u rotso ta̱ u ama. 8 Kenji ka le ka̱ ta̱ n akumgbi yavu ka aka, aêanga a le kpam tyoku u aêanga a gabako Éa aêa̱ri. 9 A ukai ntogo ma urim a akamba a le. Mawura̱ ma ashan a le a ka wura̱, ma̱ ta̱ yavu mawura̱ ma adoki na̱ nringongo n le a ka wura̱ a ka dara̱ka ubana a asu u kuvon. 10 Na̱ ntaÉatsu n Éa ma̱ri a iwunja i le n Éa n tsu na̱ka̱ le ucira u Éa a tsu zuwa ama a pana ikyamba hal uwoto u tawun vi. 11 Magono ma le aya katsumate ka zuba ka ka lya tsugono a kaÉa̱ka̱ ka bawu ka̱ri n utyoku vi. Kala ka ne ka Kawuni (n Tsiyahuda aya Abadon, n Tsihelineâ  kpam aya Apoliyo). 12 Upana u ikyamba u kagita̱ u kotso Ée. Shegai upana u ikyamba i re i roku iêa̱ ta̱ a utuwa̱. 13 Aku katsumate ka zuba ka teli ka fula̱i kavana ka ne. N panai kala̱ga̱tsu ka yain kadyanshi a asuvu a avana a Éa aêa̱ri a ngan n asuÉara̱kpa u Éa a yain n zinariya u Éa wa̱ri kushani a kapala ka Kashila̱. 14 Kala̱ga̱tsu ki ka tonukoi katsumate ka zuba ka teli ka ka Éa̱na̱ kavana ki, “Surukpa atsumate a zuba a nishi a Éa Kashila̱ ka zuwai a sira le a Aga̱ta̱ a Yufiriti a pige yi!" 15 Aku katsumate ka zuba ka teli ki ka ba ka surukpai atsumate a zuba a nishi yi a wuta̱i tsa̱ra̱ a ba a wuna kaÉaci ka te a asuvu a aÉaci a tatsu a ama a likimba. Kashila̱ ka foÉuso le ta̱ tsa̱ra̱ a yain nala dere u ulapa u uwule u nala vi n aêayin a nala yi hal n uwoto n kayen ka nala ki dem. 16 Atsumate yi a tono ta̱ n asoje a Éa a ka wala̱ka adoki. N pana ta̱ a da alya pini hal azururu amangatawanre (200,000,000). 17 A asuvu a kuwene ku va̱, n wene ta̱ adoki n ayuwi a le. Ayuwi yi a ukusa ta̱ ntogo ma irim n Éa ma̱ri san yavu akina, ulima̱ u le kpam yavu mbucu ma iva̱shi i akaryabi kpam n ulaÉa u mini ma tsulon. Aêaci a adoki yi aêa̱ ta̱ yavu aêaci a igabako, akina n ka̱nga̱ n akina a eri a ka wutusa̱ a ana̱na̱ a le. 18 Usara u tatsu u nala vi, (wata, akina, n ka̱nga̱, n akina a eri a Éa a ka wutusa̱ a ana̱na̱ a adoki yi,) n u Éa a wunai kaÉaci ka te a asuvu a aÉaci a tatsu a ama a likimba. 19 Ana̱na̱ a adoki yi a Éa gba̱m koshi wa, hal dem n iwunja i le iêya iêa̱ri n ucira u Éa a ka ne ama usa̱n. Iwunja i le tyoku u aêali a Éa, aêa̱ ta̱ n aêaci a Éa a ka kapa ama. 20 Shegai ama Éa bawu a kuwa̱i n usara u na vi a êyuwan ta̱ ukpatala a a̱sa̱ka̱ tsicingi tsu le. A lyai kelime n ulyasa̱ka ityoni i cingi kayala, a lyasa̱kai kpam ameli kayala a Éa a rumai n zinariya, n azurufa, n irim i shili, n a Éa a saÉarai a atali, n a Éa a shei na̱ nÉanga. Ameli a nala yi a tsu wene ko ili, ko kpam a pana kadyanshi, ko a wala wa! 21 Ama a na yi a a̱sa̱ka̱ uwunusa atoku a le wa, a a̱sa̱ka̱ uyansa tsukunu wa, kpam dem a a̱sa̱ka̱ uyansa tsugbani, n uboki wa.