Kuwene 7

1 An nala wurai, aku n wenei atsumate a zuba a nishi kushani a aÉon a nishi a likimba, a ka̱na̱i uwule u nishi tsa̱ra̱ uwule u lapana a likimba ko a kushiva̱ kpam ko a maÉanga wa. 2 Aku n wenei kpam katsumate ka roku ka wuta̱i a kasana, wa Éa̱na̱ ili i uzuwa iryoci i Kashila̱ Uza u Uma. U yankai atsumate a nishi a Éa a na̱ka̱i ucira a foro iyamba n kushiva̱ kadyanshi n kala̱ga̱tsu ka ucira. 3 U danai, “Kotsu i a̱sa̱ka̱ uwule u nangasa iyamba, n kushiva̱ ko kpam nÉanga wa, she aêayin a Éa tsu zuwusukai agbashi a Kashila̱ ka tsunu iryoci n ili i uzuwa iryoci i ne a acen a le. 4 Aku n panai kala̱ga̱tsu ka isa̱i kakuma̱ ka lamba u ama Éa atsumate yi a yankai iryoci n ili i uzuwa iryoci i Kashila̱ a acen a le yi. Kakuma̱ ka ama ki ka azu amangatawun n azu amangare n azu a nishi (144,000). Ama a na yi alya mmuku n tsikaya m aletsu kupa n a re a aza a Isaraêila. Aza Éa atsumate yi a zuwusukai iryoci yi alya: 5 A zuwuka ta̱ ama azu kupa n azu a re (12,000) a kagali ka Yahuza, n ama azu kupa n azu a re a kagali ka Roben iryoci. A zuwuka ta̱ ama azu kupa n azu a re a kagali ka Gadu, n ama azu kupa n azu a re a kagali ka Ashiru iryoci. A zuwuka ta̱ ama azu kupa n azu a re a kagali ka Nafutali, n ama azu kupa n azu a re a kagali ka Manase iryoci. A zuwuka ta̱ ama azu kupa n azu a re a kagali ka Saminu, n ama azu kupa n azu a re a kagali ka Levi iryoci. A zuwuka ta̱ ama azu kupa n azu a re a kagali ka Isaka, n ama azu kupa n azu a re a kagali ka Zebulun iryoci. A zuwuka ta̱ ama azu kupa n azu a re a kagali ka Isuhu, n ama azu kupa n azu a re a kagali ka Bayami iryoci. 9 An nala wurai, aku n weÉelei pini nala, n wenei kakuma̱ ka ama ushani ka ka wurai ukece. A wuta̱ ta̱ a asuvu a iyamba, kagali, ama n aletsu a likimba gba̱, aku a shamgbai a kapala ka karatsu ka tsugono ki n Maku ma Kondom mi. A ukusai aminya a pun cika kpam ya dem wa Éa̱na̱ avuku a mashuwan a kukere ku ne. 10 A ka sala̱sa n kala̱ga̱tsu ka pige, n a dansi, “Kashila̱ ka tsunu ka n Maku ma Kondom uza Éa u wauwa tsu, Kashila̱ ka tsunu uza Éa wa̱ri ndishi a karatsu ka tsugono." 11 Gba̱ atsumate a zuba a shamgbai a kyawain karatsu ka tsugono ki kaÉolo na̱ nkoshi n ili i uma i nishi yi. Aku a kuÉa̱ngusi a varai aêaci a le a iyamba a lyakai Kashila̱ kayala. 12 A ka dansa, “Mayun Éa, Kashila̱ ka tsunu uzapige Éa, uza u ucira, n tsupige, n kakiri. A̱sa̱ka̱ tsu cikpala yi tsu cikpa yi tsu na̱ka̱ yi karinga̱ hal ubana bawu utyoku. Ami!" 13 Uza u te a asuvu a nkoshi mi u wece mu, “Ama Éa a ukusai aminya a pun yi an yayi? Nte a wutusa̱i?" 14 Aku n wushunku yi, “Uzapige, mpa n reve wa, shegai avu reve ta̱.” Aku u tonuko mu, “Alya aza Éa a soi upana u ikyamba u pige u nala vi bawu a kuwusa̱i. A za̱sa̱i aminya a le na̱ mpasa n Maku ma Kondom, aku aminya a le a wokoi pun cika. 15 “Adama a nala a Éa aêa̱ri kushani a kapala ka karatsu ka tsugono tsu Kashila̱. A tsu lyaka yi ta̱ kayala kaara n kayin, a kuwa ku ne ka a tsu gbashika yi. Uza Éa kpam wa̱ri ndishi a karatsu ki wa rongo ta̱ n ele kpam u kirana n ele. 16 “Ama a nala a ka doku a ka pana kambulu wa, a ka pana kpam kakuli wa. Kaara ka doku ka damgbara̱sa le wa, usuÉugbi kpam wa runukpa le wa, 17 adama a Éa Maku ma Kondom ma ma̱ri a mere ma asu u karatsu ka tsugono ki aya kaliniki ka le. Wa tono ta̱ n ele ubana a asu u Éa mini ma ma tsu na̱ka̱ uma ma wutusa̱. Kashila̱ kpam ka yansa̱sa ta̱ gba̱ meshi ma le."