Kuwene 17

1 Katsumate ka zuba ka te asuvu atsumate a shindere a Éa aêa̱ri n abelu a shindere yi ka tuwa̱i ara va̱ aku ka danai, “Tuwa̱ na n wenike vu tyoku Éa a ka yanka kashankala ka ya dem u revei vi mavura; wata, ilyuci i pige iêya a mai asu u Éa aga̱ta̱ aêa̱ri ushani. 2 Ngono n likimba n vakusu ta̱ n eyi, kpam ire i unamba u uwono u ne tyoku u ma̱ra̱ ma ma makai ya dem a likimba Éa iêa̱ri." 3 Kpam asuvu a kuwene ka Kulu ku zuwai n wenei vi, katsumate ka pura̱ mu ubana a mete. Pini Ée n cinai uka ndishi a zuba u kadin ka san kpa̱ya̱ya̱. A korongi inyashi i Kashila̱ a ikyamba i ne gba̱, kpam wa̱ ta̱ n aêaci a shindere n avana kupa. 4 Uka vi u ukai aminya a tsugono a Éa aêa̱ri n ushili u galura n san kpa̱ya̱ya̱. Kpam dem u ukai ili i ikali i zinariya, n atali a ikebeâ  icun kauâkau. A kukere ku ulyaki ku ne u Éa̱na̱i mako ma a yain n zinariya ushaÉangi n ili i icaÉi; wata, ili i icaÉi n ashinda̱ a tsishankala tsu ne. 5 A korongi kala ka ka̱ri n kalen usokongi a kucen ku ne. Kala ka danai, “Mpa Babila Kacirani, anuku a ashankala, uza Éa u gita̱i ili i icaÉi gba̱ a likimba." 6 Aku n wenei uka vi ugutukpi an u soi mpasa m ama a Kashila̱, aza Éa a wunai adama a Éa a dansai ukuna u Yesu. An n wene yi n yain majiyan. 7 Aku katsumate ka zuba ki ka wece mu, “Ndya i zuwai vu yain majiyan? Ma tonuko vu ta̱ ukuna u usokongi u uka u na vi n kadin ka u yuwa̱i uza u aêaci a shindere n avana kupa vi. 8 Kadin ka vu wenei na vi wa̱ri ta̱ n uma caupa, shegai gogoâna kakushe ka. Ciga Éa wa ciga u wuta̱ asuvu a kaÉa̱ka̱ ka bawu ka̱ri n utyoku aku u bana asu u Éa a ka wacinsa yi. Ama Éa aêa̱ri a likimba, aza Éa bawu Kashila̱ ka korongi aêala a le a Tagara̱da u Aza a Uma kahu uyan u likimba, a ka yan ta̱ majiyan a weÉele baci kadin ki. Wa̱ri ta̱ n uma caupa, gogoâna kakushe, shegai wa gono ta̱ kpam. 9 “Va ciga ta̱ katakasuvu n kakiri tsa̱ra̱ vu reve ili i na yi. Aêaci a shindere a nala yi aga̱la̱la̱ a Éa asu u Éa uka vi wa̱ri ndishi. Aêaci yi ngono n shindere n Éa dem. 10 Ngono n tawun n rukpa̱ Ée, gogoâna ma teli ma ma lya tsugono, kpam ma shindere mi kotsu ma tuwa̱ wa. Shegai tsugono tsu ne tsa Éa̱ra̱kpa̱ wa. 11 Kadin ka ka̱ri n uma caupa vi kpam gogoâna u kuwa̱i vi, aya magono ma kulla̱. Wa̱ ta̱ tyoku ngono n shindere mi, kpam a asu u uwacinsa u Éa wa bana. 12 “Avana kupa a Éa vu wenei vi, ngono kupa n Éa bawu n gita̱i ulya tsugono n Éa, shegai a ka wusha ta̱ ucira u Éa a ka lya tsugono tyoku u ngono hal ulapa u uwule u te kaÉolo n kadin ki. 13 Gba̱ a ka wushuku ta̱ a na̱ka̱ yi ucira n tsugono tsu le. 14 A ka yan ta̱ kuvon n Maku ma Kondom mi, shegai Maku ma Kondom mi ma lya ta̱ ucira u le, kpaci aya Asheku a zuba u isheku gba̱, kpam Magono ma a zuba u ngono gba̱. Ama a ne a Éa u isa̱i kpam u Éanga̱sai a ka tono yi ta̱ kain dem." 15 Aku katsumate ka zuba ki ka tonuko mu, “Aga̱ta̱ a Éa vu wenishei nala vi; wata, a asu u Éa kashankala ki ka̱ri ndishi, ama a Éa n kakuma̱ ka ama n iyamba n aletsu. 16 Kpam avana kupa n kadin ka vu wenei vi a ka kovo ta̱ kashankala ki. A ka wusa yi ta̱ gba̱ ili iêya wa̱ri n iêya, aku a a̱sa̱ka̱ yi kataÉa. A ka kara̱sa ta̱ ikyamba i ne, aku akina a koruso a lya yi gba̱. 17 Ngono kupa mi ma yan ta̱ nala kpaci Kashila̱ ka ka zuwai gba̱ afoÉi a ne a shaÉangu. Adama a nala a ka wushuku ta̱ a na̱ka̱ kadin ki ucira n tsugono tsu le. A ka na̱ka̱ ta̱ kadin ki karinga̱ hal she Kashila̱ ka zuwa afoÉi a ne a shaÉangu. 18 Uka Éa vu wenei vi, ilyuci i pige i ucira iêya, iêya magono ma ne ma lya tsugono tsu ngono n likimba gba̱."