Kuwene 15

1 Aku n wenei iryoci i pige i roku a zuba iêya i zuwai ya dem u yain majiyan. N wenei atsumate a zuba a shindere a ka Éa̱na̱ usara u shindere u makorishi. Kashila̱ ka kotso baci uyan ama mavura n usara u shindere u na vi, wa a̱sa̱ka̱ ta̱ upana upan. 2 N wenei ili iêya i rotsoi kushiva̱ ka ka laÉa yavu madubu kasatari n akina. Kpam n wene ta̱ aza Éa a lyai kaci ka kadin ki n kameli ka ne; wata, kadin ka lamba wa̱ri kushani ku kala ka ne. Ama yi a shamgbai a ikengi i kushiva̱, ya dem wa Éa̱na̱ molo u Éa Kashila̱ ka na̱ka̱ yi. 3 A shipai ushipa u Éa Musa kagbashi ka Kashila̱ u shipai n ushipa u Éa Maku ma Kondom ma shipai, a danai, “Avu Magono ma Zuba Kashila̱ Uza u Ucira Gba̱, vu yan ta̱ manyan ma pige ma pige, ma ma zuwa majiyan. Vu lyai tsugono tsu ama gba̱. Ili iêya vu yain gba̱ mayun Éa kpam i lobono ta̱. 4 Ama gba̱ a ka na̱ka̱ vu ta̱ tsupige, Magono ma Zuba! Ama gba̱ a ka dana ta̱, ‘Vu gbonguro ta̱ cika kpam va̱ ta̱ n ucira. Vuma wa̱ la uwulukpi wa, she avu. Ama a likimba gba̱ a tuwa̱ ta̱ a lyaka vu kayala. Ya dem wene ta̱ manyan ma maci ma vu yain.’ “ 5 N wenei kpam pini a zuba, atsumate a zuba a shindere aza Éa a ka Éa̱na̱ usara u shindere vi a wuta̱i asuvu Asu u Uwulukpiâ  a Kuwa ku Kashila̱. Ya dem u ukai kunya ku eri ka ka laÉa, n kunya ku uwambana ku kagbodo ka a cai n zinariya uwambani a makamba ma ne. 7 Aku uza te a asuvu a ili i uma i nishi yi u na̱ka̱sa̱i atsumate a shindere yi abelu a zinariya a Éa aêa̱ri ushaÉangi n mavura ma Kashila̱, uza Éa wa̱ri n uma hal ubana bawu utyoku. 8 Aku Kuwa ku Kashila̱ ki ku shaÉangi n ka̱nga̱ ka ka wuta̱i asu u tsupige tsu Kashila̱ n ucira u ne. Uza wa̱ la wa fuÉa wa uwa pini wa, she usara u shindere u Éa atsumate a shindere yi a tukoi u kotso.