Matiyu 9

1 Yesu uwai a kpatsu, aku u gonoi a ilyuci i ne. 2 An u rawai pini, ama roku a tuko yi kawunu nvain a kajiba. An u wenei upityanangu u ama Éa a canga yi vi, aku u tonukoi kawunu ki, “Maku, gbama asuvu, a cimbusuka̱ vu Ée unyushi u cingi u vunu." 3 Aku awenishiki a Mele a roku a ka dansa utyoku u le, a danai, “Vuma na wa yan kadyanshi yavu aya Kashila̱!" 4 Yesu tani u reve ta̱ ili iêya a ka yawunsa, aku u wece le, “NiÉa ya yan uyawunsa u tsicingi a asuvu a atakasuvu a Ée? 5 Ndya i lai shana Éa a ka dana, ‘A cimbusuka̱ vu Ée unyushi u cingi u vunu,’ ko ‘êYa̱nga̱ vu wala’? 6 Shegai ma wenike Éa̱ ta̱ an Mpa Maku ma Vumaâ  ma̱ri n ucira a likimba u Éa ma cimbusa̱ unyushi u cingi.” U tonukoi kawunu ki, “êYa̱nga̱ vu bidya kajiba ka vunu vu wala a kuwa." 7 Aku vuma vi u êya̱nga̱i u lazai a kuwa. 8 An ama yi a wenei nala, aku a ka yan majiyan kpam a cikpai Kashila̱ an u na̱ka̱i uza roku ucun u ucira u na. 9 An Yesu a̱sa̱ka̱i asu vi, aku u wenei vuma roku uza u kala Matiyu ndishi a kakinda ka uwusha u utafa. Aku u tonuko yi, “Tono mu.” U êya̱nga̱i u tono yi. 10 Pini nala, Yesu n atoni a ne a tuwa̱i a ka lya ilikulya a kuwa ku Matiyu. Awushi a utafaâ  n aza a unyushi a tuwa̱i a Éolomgbonoi pini a asu vi ushani. 11 An Afarishi a wenei nala, aku a wecei atoni a ne, “Ndya i zuwai kawenishiki ka Ée ka lya kaÉolo n icun i ama a na?" 12 An Yesu pana̱ka le, aku u wushunku le, “Aza Éa aêa̱ri n alafiya a ka ciga uza u aguma̱ wa, she aza a mÉa̱la̱. 13 Walai i ba i rotsongusu kalen ka Tagara̱da u Kashila̱ u Éa u danai, ‘N u Éa ya yanka mu uÉara̱kpa, n la ta̱ uciga i woko aza a asuvayali a asu u atoku a Ée.’ N tuwa̱ adama a Éa ma isa̱ aza a maci a tono mu wa, shegai aza a unyushi u cingi." 14 Kain ka te, atoni a Yahaya KalyuÉugi a tuwa̱i ara Yesu a wece yi, “NiÉa a̱tsu n Afarishi tsa yansa kakuli, shegai atoni a vunu a ka yansa wa?" 15 U wushunku le, “Aje a valisavu a ka namgba katsuma̱ aêayin a Éa wa̱ri kaÉolo n ele wa. Shegai aêayin aêa̱ ta̱ utuwa̱ a Éa a ka bidya valisavu vi a mere ma le, aêayin a nala a Éa a ka yan kakuli. 16 “Vuma wa paÉara kunya ku cau n kakashi ka savu wa. U yan baci nala, kakashi ka savu ki ka pa̱Éa̱ ta̱ ka zuwa kunya ku cau ki ku doku ku kara. Hal gba̱m u lai ukara u cau vi. 17 Vuma wa tsungu mini ma cinwiâ  ma savu a kadele ka ukpan ka cau wa. Kpaci ma shita baci ma ta̱sa̱ ta̱ kadele ki, aku mini ma cinwi mi ma wotsongu. Shegai a tsungu mini ma cinwi ma savu a kadele ka savu. Pini nala, gba̱ kadele ki n mini ma cinwi mi a ka lobono ta̱." 18 An Yesu wa̱ri a kadyanshi, aku uzapige u kagata ka Kashila̱ u tuwa̱i ara ne, u kuÉa̱ngi a kapala ka ne u danai, “Maku ma va̱ makere ma kuwa̱ Ée gogoâna. Vu tuwa̱ baci vu taÉanku yi kukere wa êya̱nga̱ ta̱." 19 Aku Yesu n atoni a ne a êya̱nga̱i a tono yi. 20 Uka Éa wa la̱la̱ mpasa hal ayen kupa n a re u tuwa̱i a kucina̱ ku Yesu, aku u sawai kaletsu ka kunya ku ne. 21 Kpaci u yawunsa ta̱ a katakasuvu ka ne, u danai, “Ko kunya ku ne ka baci n sawai koshi, ma ta̱na̱ ta̱." 22 An Yesu kpatalai u wene yi, aku u danai, “Uka, gbama asuvu, upityanangu u vunu u ta̱na̱sa̱ vu Ée.” Kuteâkute aku uka vi u ta̱na̱i. 23 An Yesu rawai a kuwa ku uzapige ki, aku u wenei a ka fulusa̱ ugbali u ukpa̱ n ama ushani a ka sa̱. 24 Aku u tonuko le, “Ya dem wuta̱. Makere mi ma kuwa̱ wa, alavu a Éa yi!” Shegai ama yi a ka dosuso yi idyoshi i magori. 25 An a wutukpa̱i ama yi, aku Yesu banai a asu u Éa makere mi ma̱ri nvain. U ka̱na̱i kukere ku ne, aku u makere mi ma êya̱nga̱i. 26 Pini nala, alabari a ne a tamburai ko nte wa a asuvu a uyamba vi. 27 An Yesu a̱sa̱ka̱i asu vi, eyi pini n u wali, aku arumba̱ ama a re a gita̱ yi utono n a sala̱si, “Maku ma Dawuda, pana asuvayali a tsunu!" 28 An u uwai a kuwa, aku arumba̱ yi a tuwa̱i ara ne. U wece le, “I wushuku ma fuÉa ma zuwa Éa̱ i fuÉa i wene?” A wushuki, “Eye, Asheku." 29 Aku u sawai aêeshi a le, u danai, “Adama a upityanangu u Ée, nala wa woko." 30 Kuteâkute aêeshi a le a kukpa̱i a wenei asu. Shegai u rono le atsuvu cika u danai, “I tonuko uza ukuna u na vi wa." 31 Shegai a tamburai uyamba vi gba̱ n a yanyi alabari a ne. 32 Ama a re yi n a lazi, aku ama roku a doku a tukoi Yesu kabebe, uza Éa ityoni i cingi i ka̱na̱i i Éishinka yi kadyanshi. 33 An u wutukpa̱i ityoni i cingi yi, aku vuma vi u yain kadyanshi. Aku kakuma̱ ka ama ki ka yan majiyan, a danai, “Kotsu tsu wene ukuna a Isaraêila naha wa." 34 Shegai Afarishi a danai, “Magono ma ityoni i cingi ma ma na̱ka̱ yi ucira u uwutukpa̱ le." 35 Yesu kyawunsa ta̱ gba̱ ilyuci n une n u wenishiki a agata a Kashila̱ n u yanyi kuÉari ku tsugono tsu Kashila̱. U ta̱na̱sa̱ ta̱ dem aza a mÉa̱la̱ icun kauâkau n aza Éa a ka pana ikyamba. 36 An u wenei kakuma̱ ka ama ka̱ri udoku n ka doki, aku katakasuvu ka ne ka shaÉangi n asuvayali, kpaci a dambula ta̱ cika kpam uÉa̱nga̱ wa̱ la wa. Tyoku u ncon n Éa bawu ma̱ri n kaliniki Éa aêa̱ri. 37 Aku u tonukoi atoni a ne, “Manyan ma ukapa ma̱ ta̱ ushani, shegai ayain a manyan yi kenu Éa aêa̱ri. 38 Adama a nala, foloi Magono ma Zuba uza u manyan ma ukapa mi u tuko aza a ukapa, a yanka yi manyan ma ukapa mi."