Matiyu 7

1 Yesu lyai kapala n u wenishiki atoni a ne, “Kotsu i yanka uza u afada wa, adama a Éa Kashila̱ ka yanka Éa̱ dem. 2 Kakundatsu ka i yankai aza a Ée afada, ka dem a ka yanka manyan tyoku Éa eÉa̱ dem i yain. 3 “Ndya i zuwai vu wenei macuku ma kenukulu ma ma̱ri a keshi ka utoku u vunu, aku bawu vu wenei kagbukulu ka ka̱ri a keshi ka vunu? 4 NiÉa va fuÉa va tonuko yi, ‘Utoku u va̱, a̱sa̱ka̱ n takpa vu macuku ma ma̱ri a keshi ka vunu,’ avu tani vu wene kagbukulu ka ka̱ri a keshi ka vunu wa? 5 Avu uza u maci u kaÉan, gita̱ ve vu takpa kagbukulu ka ka̱ri a keshi ka vunu. Aku vu fuÉa vu wene kpam vu takpa macuku ma ma̱ri a keshi ka utoku u vunu. 6 “Kotsu i na̱ka̱ nshe ili iêya iêa̱ri i Kashila̱ wa. A ka fuÉa ta̱ a yira̱la̱kpa̱ a lumusa Éa̱. Kotsu i vuta̱la̱ igbegu i ikebe a kapala ka mburusunu wa, kpaci a ka kpatsa ta̱ iêya." 7 Yesu doki u danai, “Rongoi ufolo, a ka ne Éa̱ ta̱ iêya i foloi vi. Rongoi ubolo ili iêya ya ciga, ya tsa̱ra̱ ta̱. KuÉusai utsutsu, Kashila̱ ka zuwa ta̱ a giduwuka̱ Éa̱ utsutsu vi. 8 Adama a nala, gba̱ uza Éa baci dem u foloi, a ka ne yi ta̱. Uza Éa baci kpam u boloi, wa tsa̱ra̱ ta̱. Kpam ama a lya baci kapala n ukuÉusa utsutsu, Kashila̱ ka giduwuka̱ le ta̱. 9 “Uza wa̱ la a asuvu a Ée maku ma ne ma folo yi burodi, aku u na̱ka̱ yi katali? 10 Ko tani u foli yi kadan, aku u na̱ka̱ yi kali? 11 EÉa̱ aza a unyushi u cingi, i tsu na̱ka̱ baci mmuku n Ée ili i shinga, bele Tata u Ée uza Éa wa̱ri a zuba uza u shinga, wa na̱ka̱ ta̱ ili i shinga a asu u uza Éa baci dem u folo yi. 12 Yankai ama tyoku Éa dem ya ciga a yanka Éa̱. Kalen ka Mele ma Musa n uwenishike u ntsumate u Éa gai la vi." 13 Yesu danai, “Uwai a tsugono tsu Kashila̱ a utsutsu u kenu. Kpaci utsutsu n ure u Éa u tsu banka a akina wa̱ ta̱ n upeti cika, kpam u lobono ta̱ nwalu. Ama ushani a Éa a tsu wala pini. 14 Shegai utsutsu u utsa̱ra̱ uma u kenu u Éa, ure vi kpam u wuyana ta̱ nwalu. Ama Éa a ka wala pini aêa̱ ushani wa." 15 Yesu lyai kapala n kadyanshi, “Kiranai na̱ ntsumate n kaÉan. Aza Éa a tsu tuwa̱ ara Ée yavu ncon, shegai a asuvu a le aêa̱ ta̱ n tsicingi yavu nleweni. 16 Ya fuÉa ta̱ ya reve le a icun i manyan ma le, tyoku Éa i tsu reve maÉanga a ilimaci i ne. A tsu ta ilimaci i kapopi a kawana wa, ko kpam cinwi a kaworo wa. 17 MaÉanga ma shinga ma tsu matsa ta̱ ilimaci i shinga, maÉanga ma cingi kpam ma tsu matsa ta̱ ilimaci i cingi. 18 MaÉanga ma shinga ma tsu matsa ilimaci i cingi wa, nala kpam maÉanga ma cingi ma tsu matsa ilimaci i shinga wa. 19 Ama a tsu kapa ta̱ maÉanga ma ma kpa̱Éa̱i una̱ka̱ ilimaci i shinga a varangu ma a asuvu a akina. 20 Nala kpam dem ya fuÉa ya reve ama a icun i manyan i le." 21 Yesu doki u danai, “Gba̱ aza Éa a ka isa̱sa̱ mu Asheku, Asheku Éa a ka uwa a tsugono tsu zuba wa. Ama Éa koshi a ka uwa a tsugono tsi alya aza Éa a ka yansa ili iêya Tata u va̱ u zuba wa ciga. 22 Kain ka afada, ama a ka isa̱ mu ta̱ Asheku a le, a dana, ‘Tsu yan ta̱ kuÉari a asuvu a kala ka vunu, kpam tsu wutukpusa̱ ta̱ ityoni i cingi n kala ka vunu, tsu yansai kpam ikunesavu ushani.’ 23 Aku n wushunku le, ‘N reve Éa̱ wa ko kenu, banka numu dan, eÉa̱ aza a uyansa ukuna u cingi!’ “ 24 Yesu danai, “Uza Éa baci dem u panai kadyanshi ka va̱ wa yan manyan n ka, wa̱ ta̱ tyoku u kamai ka ka̱ri n ugboji, uza Éa u taÉangi kuma ku ne a katali ka upeti. 25 An a roi mini ma pige, aga̱ta̱ a shaÉangusi, uwule kpam u lapai kuwa ki, shegai ka ku rukpa̱ wa, kpaci u ma ta̱ ka a katali ka upeti. 26 “Shegai uza Éa baci dem u panai kadyanshi ka va̱, aku u êyuwain ka uyanka manyan, wa̱ ta̱ tyoku katengeshi ka ka mai kuwa ku ne a kayala. 27 Aêayin a Éa a roi, aga̱ta̱ a shaÉangusi, uwule kpam u lapai kuwa ki, aku ku wa̱sa̱i." 28 Aêayin a Éa Yesu kotsoi kadyanshi ki gba̱, aku kakuma̱ ka ama ki ka̱ri uyan majiyan ma uwenishike mi. 29 Wa̱ tyoku u awenishiki a Mele wa, shegai u wenishike ta̱ yavu uza Éa wa̱ri n ucira.