Matiyu 4

1 Kulu Keri ku tonoi n Yesu ubana a kakamba, kotsu Kala̱pa̱nsiâ  ka kondo yi. 2 Aêayin amangare kaara n kayin Yesu lya ilikulya wa. An a kotsoi, aku u panai kambulu. 3 Pini nala, Kala̱pa̱nsi ka tuwa̱i ka tonuko yi, “Avu Maku ma KashilaÌ±â  ma baci, gonuko atali a na a woko iburodi." 4 Yesu wushunku yi, “A korongu ta̱ a Tagara̱da u Kashila̱,â  " ‘N burodi Éa koshi vuma wa yan uma wa, she gba̱ n kadyanshi ka ka wuta̱i a una̱ u Kashila̱.’ “ 5 Aku Kala̱pa̱nsi ka banka yi a Urishelima ilyuci i uwulukpi,â  u zuwa yi a bilibili u Kuwa ku Kashila̱.â  6 Aku u danai, “Avu Maku ma Kashila̱ ma baci, raÉugu a ubana a iyamba, kpaci ukorongi u Éa wa̱ri a Tagara̱da u Kashila̱: " ‘Kashila̱ ka yanka ta̱ atsumate a ne kadyanshi adama a vunu, kpam a ka kiÉatsa vu ta̱ a akere a le, tsa̱ra̱ vu gbasha kune ku vunu a katali wa.’ “ 7 Yesu wushunku yi, “Tagara̱da u Kashila̱ u dana ta̱ dem, ‘Va kondo Magono ma Zuba Kashila̱ ka vunu wa.’ “ 8 Pini nala, Kala̱pa̱nsi ka bidya yi ubana a zuba u masasa ma ugaÉi, u wenike yi gba̱ tsugono tsu likimba kauâkau n tsupige tsu le. 9 Aku u danai, “Va lyaka mu baci kayala, ma na̱ka̱ vu ta̱ iêya gba̱." 10 Yesu wushunku yi, “Wala vu ne mu ure Kanangasi,â  Tagara̱da u Kashila̱ u dana ta̱, " ‘Lyaka Magono ma Zuba kayala, kpam aya koshi va gbashika.’ “ 11 Aku Kala̱pa̱nsi ka lazai ka a̱sa̱ka̱ yi, pini nala, atsumate a zuba a tuwa̱i a kiranai n eyi. 12 An Yesu panai alabari a Éa a ukai Yahaya KalyuÉugi a kuwa ku aêali, aku u gonoi a uyamba u Galili. 13 Shegai Éa wa rongo a ilyuci i Nazara, aku u ba u rongoi a Kafarnahum a ikengi i Kushiva̱ ku Galili a kaÉon ka Zebulun n Nafutali. 14 Nala gita̱ ta̱ tsa̱ra̱ ili iêya Ishaya matsumate u danai i shaÉangu: 15 “A kaÉon ka Zebulun n Nafutali, a ure ubana a kushiva̱, a kapashi ka Aga̱ta̱ a Urudu, a Galili, a asu u Éa kakuma̱ ka Awulawaâ  ka̱ri. 16 Ama Éa a ka rongo a karimbi, a ka wene ta̱ katyashi ka pige. Aêa̱ri a ka rongo ta̱ a una̱ u ukpa̱, shegai katyashi ka wantukpa ta̱ ara le." 17 Pini nala, Yesu gita̱i kuÉari, u danai, “Kpatalai i a̱sa̱ka̱ unyushi u cingi u Ée, i gono a asu u Kashila̱, kpaci tsugono tsu zuba tsu yan Ée evu." 18 Kain ka te, tyoku Éa Yesu wa̱ri nwalu a ikengi i Kushiva̱ ku Galili, aku u wenei ama a re uza n vangu. Uza u te aya Simo, uza Éa dem a tsu isa̱ Bituru, n Andurawu. Gba̱ le aka̱ni a adan a Éa, a ka vuta̱la̱sa̱ ibilili i le a kushiva̱ ki. 19 Aku Yesu tonuko le, “Tono numu! Ma wenike Éa̱ ta̱ tyoku Éa ya tukuso ama, shegai adan kpam wa." 20 Kuteâkute a a̱sa̱ka̱i ibilili i le, a tono yi. 21 An a walai kenu, aku a wenei ama a re, uza n vangu u ne, Yakubu n Yahaya mmuku n Zabidi. Ele pini a kpatsu n tata u le n a lapulusi ibilili, aku Yesu isa̱ le. 22 Kuteâkute a a̱sa̱ka̱i kpatsu ki n tata u le a tono yi. 23 Yesu kyawain uyamba u Galili gba̱ n u wenishiki a agata a Kashila̱, n u yansi kuÉari ku Kadyanshi ka Shingaâ  ka tsugono tsu zuba, n u ta̱na̱si aza a mÉa̱la̱. 24 Alabari a ne a kyawain gba̱ uyamba u Galili, aku a tukusoi aza a mÉa̱la̱, hal gba̱m n ama Éa aêa̱ri a uyamba u Suriya, n aza Éa a ka pana ikyamba tsa̱ra̱ a ta̱na̱sa̱ le. Aza roku a asuvu a le aêa̱ ta̱ n ityoni i cingi,â  aza roku ipori, hal gba̱m n awunu. Shegai Yesu ta̱na̱sa̱ le gba̱. 25 Kakuma̱ ka ama ka ka wuta̱i a Galili, n Dikafoli, n Urishelima, n gba̱ uyamba u Yahuda hal n aza Éa aêa̱ri a Aga̱ta̱ a Urudu a kasana ka tono yi.