Yahaya 7

1 An nala u wurai, Yesu kyawunsai gba̱ kaÉon ka Galili. Wa ciga u wala a kaÉon ka Yahuda wa, kpaci azapige a aza a Yahuda a Éa pini a ka ciga a wuna yi. 2 Evu n aêayin a Abiki a Atani a aza a Yahudaâ  a Éa. 3 Aku aêangu a Yesu a banai ara ne a danai, “A̱sa̱ka̱ asu u na vi vu bana a Yahuda tsa̱ra̱ atoni a vunu a niÉe yi dem a wene ikunesavu iêya va yansa. 4 Uza Éa baci dem wa ciga u zuwa ama a reve yi, u tsu sokongu ili iêya u tsu yansa wa. AÉa baci va yansa ili i na yi, wenike kaci ka vunu a likimba." 5 Ko aêangu a ne dem a wushuku n eyi wa. 6 Yesu wushunku le, “Aêayin a Éa ma bana vi kotsu a yan wa, shegai eÉa̱ ya fuÉa ta̱ ya bana ko nwere Éa baci. 7 Ama a likimba a na a ka kovo Éa̱ wa, mpa a ka kovo, kpaci n tsu tonuko le ta̱ ikuna i cingi iêya a ka yansa. 8 Walai ubana a asu u abiki vi. Mpa kotsu n foÉuso ubana Ée wa, kpaci aêayin a Éa ma bana Ée kotsu a yan wa." 9 An u danai nala, aku u shamgbai pini a Galili. 10 An aêangu a Yesu a lazai ubana a asu u abiki vi, aku Yesu banai dem, shegai ukpawunsi u Éa u banai. 11 Azapige a aza a Yahuda a ka ciga a wene yi pini a asu u abiki vi, a rongoi a uwecishike, “Nte wa̱ri?" 12 Pini a asuvu a kakuma̱ ki, ama ushani a ka dansa n tsubini a kaci ka Yesu, aza roku a danai, “Vuma maci Éa.” Aza roku kpam a ka dansa, “KaÉan ka wa yansa̱ka ama." 13 Shegai ko uza u dansa n a pani wa, kpaci a ka pana ta̱ uwonvo u azapige a aza a Yahuda. 14 Kain ka nishi ka abiki yi, Yesu banai a Kuwa ku Kashila̱ ki u gita̱i uwenishike. 15 Aza a Yahuda yi a yain majiyan, a danai, “Vuma u na u vi u dusuku a kukere ku kawenishiki wa, niÉa a yansai u revei ili ushani naha?" 16 U wushunku le, “Ili iêya ma wenishike ara va̱ Éa i wuta̱i wa, shegai Kashila̱ uza Éa u suku mu, aya u na̱ka̱ mu iêya. 17 Ama a Éanga̱sa baci a yain ili iêya Kashila̱ ka ciga, a ka reve ta̱ uwenishike vi a asu u Kashila̱ Éa u wuta̱i, ara va̱ Éa wa. 18 Aza Éa a tsu wenishike n ucira u kaci u le, icikpali i ama iêya a tsu bolo. Shegai uza Éa u tsu ciga a cikpala uza Éa u suku yi, ukuna u mayun u Éa u tsu dansa. U tsu yan kaÉan wa. 19 Musa na̱ka̱ Éa̱ ta̱ Mele, shegai ko uza u te u Ée u tono ma wa. NiÉa ya ciga i wuna mu?" 20 Ama yi a wushuki, “Va̱ ta̱ n ityoni i cingi! An ya a ka ciga a wuna vu?" 21 U wushuki, “N yan ta̱ ukunosavu u te, aku i yain majiyan. 22 Musa tonuko Éa̱ ta̱ i kiÉa mmuku n Ée acombi. (Shegai isheku i cau i Ée iêya i gita̱i n ukuna vi, Musa Éa wa.) I tsu kiÉa ta̱ maku kacombi hal n kain ka Ashibi dem. 23 Ya kiÉa baci maku kacombi n kain ka Ashibi an Mele ma Musa ma wushunku Éa̱ nala, niÉa ya pana mu upan an n ta̱na̱sa̱i uza u maÉa̱la̱ gba̱ gba̱ n kain ka Ashibi? 24 A̱sa̱ka̱i uyan afada adama a tyoku Éa i bidyai ukuna wa̱ri, shegai i yain afada n ukuna u maci." 25 Pini a aêayin a nala yi, aza a Urishelima a roku a ka dansa utyoku u le, “Vuma Éa azapige a ka ciga a wuna Éa gai na vi. 26 Shegai wa wenishike ta̱ a asu u Éa ya dem wa wene kpam u pana̱ka yi, kpam azapige yi a shamkpa yi wa. Gaawan a reve ta̱ aya Kawauwi ki. 27 Shegai tsu reve ta̱ ilyuci i vuma u na vi. Kawauwi ka mayun ka tuwa̱ baci, ko uza wa reve ilyuci i ne wa." 28 Yesu n u wenishiki pini a Kuwa ku Kashila̱ ki, aku u êya̱nga̱sa̱i kala̱ga̱tsu, “Eye, i reve mu ta̱, kpam i reve ta̱ ilyuci i va̱. Mpa n suki kaci ka va̱ wa, uza Éa u suku mu vi u dansa ta̱ ukuna u mayun, shegai eÉa̱ i reve yi wa. 29 Mpa n reve yi ta̱, kpaci a asu u Éa wa̱ri u Éa n wuta̱i, kpam aya u suku mu." 30 An u danai nala, aku ama yi a ka ciga a ka̱na̱ yi, shegai uza wa̱ la u fuÉai u sawa yi wa, kpaci kotsu aêayin a rawa wa. 31 Ama ushani a wushuku ta̱ n Yesu. A ka dansa, “Ko Kawauwi ka tuwa̱ baci, wa la gba̱m vuma u naha vi uyan ikunesavu ushani?" 32 An Afarishi a panai kakuma̱ ka ama a ka dansa ikuna i na yi a kaci ka Yesu n tsubini, aku a Éolomgbonoi kaci n aÉara̱kpi a pige a suki aza a uwundya u Kuwa ku Kashila̱ a ka̱na̱ yi. 33 Yesu danai, “Ma rongo ta̱ kaÉolo n a̱Éa̱ aêayin kenu, aku n laza ubana a asu u uza Éa u suku mu. 34 Aêayin a nala yi ya zama mu ta̱, shegai ya wene mu wa. Kpam ya fuÉa ya tuwa̱ a asu u Éa ma̱ri wa." 35 Aku aza a Yahuda a gita̱i uwecishe kaci ka le, “Nte vuma na wa ciga u bana Éa bawu tsa fuÉa tsa wene yi? A ilyuci ilyuci i Nheline iêya wa̱ wa bana a asu u Éa ama a tsunu aêa̱ri na̱ ndishi, tsa̱ra̱ u ba u wenishike le Ée? 36 Ndya kalen ka kadyanshi ka u yain an u danai, ‘Ya zama mu ta̱ uwene, shegai ya wene mu wa,’ kpam ‘Ya fuÉa ya tuwa̱ a asu u Éa ma̱ri wa’?" 37 Kain ka makorishi ka abiki yi; wata, kain ka pige ka la vi, Yesu shamgbai a kapala ka ama ki, u êya̱nga̱sa̱i kala̱ga̱tsu u danai, “Gba̱ uza Éa baci wa pana kakuli, u tuwa̱ ara va̱ u soi. 38 Tagara̱da u Kashila̱ u dana ta̱, ‘Uza Éa baci dem u pityanangi na̱ mpa, a asuvu a katakasuvu ka ne ka aga̱ta̱ a mini ma ma tsu na̱ka̱ uma ma rongo uwutusa̱ ushani.’ “ 39 Ukuna u Kulu Keri u Éa wa dansa̱ka. Kotsu Kashila̱ ka na̱ka̱ Kulu ki wa, kpaci kotsu u ra̱Éa̱gba̱ Yesu u na̱ka̱ yi tsupige wa. Shegai ubana a kapala, ama Éa a wushuki n Yesu vi a ka wusha ta̱ Kulu Keri. 40 An ama yi a pana̱kai Yesu, aku aza roku a danai, “Vuma u na vi Matsumate ma a Éanga̱sai vi ma mayun." 41 Aza roku a danai, “Kawauwi ka.” Shegai aza roku a danai, “Kawauwi ka wuta̱ a asuvu a Galili wa. 42 Tagara̱da u Kashila̱ u dana ta̱, Kawauwi ki a kumaci ku Dawuda Magono ka wa wuta̱, kpam a Batalami Éa a ka matsa yi, a ilyuci iêya Dawuda rongoi." 43 Aku ama yi a pecenei tyoku Éa a ka yawunsa a kaci ka ne. 44 Aza roku a ka ciga a ka̱na̱ yi, shegai ko uza u sawa yi wa. 45 Aku aza Éa a ka wundya Kuwa ku Kashila̱ ki a gonoi a asu u aÉara̱kpi a pige n Afarishi yi, aku a wece le, “Ndya i zuwai i kpa̱Éa̱i utuko Yesu vi pini na?" 46 Aza a uwundya Kuwa ki a wushuki, “Ko uza wa̱ la u dansai tyoku Éa vuma u na vi u dansai wa." 47 Afarishi yi a danai, “EÉa̱ dem u puwunsa̱ Éa̱ Ée! 48 Uza wa̱ la a asuvu a tsunu a̱tsu aÉara̱kpi a pige n Afarishi u wushuki n Yesu wa. 49 Shegai kakuma̱ ka ama ka bawu ka revei n Mele ma Musa mi, Kashila̱ ka wacinsa le ta̱." 50 Nikodimu, uza u te a asuvu a Afarishi yi, aya uza Éa u banai tsa̱ra̱ u wene Yesu caupa. U tonukoi atoku a ne, 51 “Mele ma tsunu ma wushunku tsu tsu wuna uza bawu tsu panai ili iêya wa dana wa. U gan tsu kiÉa̱ga le ugana bawu tsu revei ili iêya a yain wa." 52 Aku a wushunku yi, “Avu dem uza u Galili u Éa? Tono Tagara̱da u Kashila̱ mai, va wene ta̱ matsumate ma̱ la ma wuta̱ a kaÉon ka Galili wa.” [ 53 Aku ndishi mi n kotsoi, ya dem lazai ugono a kuwa.