Yahaya 21

1 Aku Yesu tuwa̱i u doki u wenikei kaci ka ne a asu u atoni a ne a ikengi i Kushiva̱ ku Galili. Tyoku Éa ukuna vi u gita̱i Éa na: 2 Atoni a ne ushani alya a pini: Simo Bituru, n Toma (uza Éa a tsu isa̱ Mapeshe), n Nataniya u Kanan u Galili, na̱ mmuku n Zabidi, n atoni a re a roku. 3 Simo Bituru tonukoi aza Éa a buwai vi, “Ma bana ta̱ uka̱na̱sa̱ adan.” Aku a danai, “Tsa bana ta̱ dem kaÉolo n avu.” Aku a lazai a asuvu a kpatsu ku le. Shegai a ka̱na̱ ko i te wa n kayin ka nala ki. 4 An kain ka wansai n usana u de, aku Yesu shamgbai a ikengi i kushiva̱, shegai atoni yi a reve an Yesu Éa wa. 5 U isa̱ le u danai, “Ama a va̱, i ka̱na̱ gba̱m adan?” A wushuki, “Aêa." 6 Aku u tonuko le, “Vuta̱la̱i ibilili i Ée a kapashi ka ulyaki ka kpatsu ki, ya ka̱na̱ ta̱.” Aku a yain nala, a fuÉa gba̱m a rono ibilili yi wa kpaci adan a Éa pini ushani. 7 Aku katoni ka Yesu wa ciga vi u tonukoi Bituru, “Asheku a Éa!” An u panai a danai Asheku a Éa, aku u ukai matogo ma ne (kpaci wa̱ri u mondo ta̱ ma an wa yan manyan), aku u raÉugi u rukpa̱i pini a mini mi. 8 Atoni a Éa a buwai vi a rawai a kpatsu ki, aku a ka Éa̱na̱ ibilili yi ushaÉangi n adan. Aêa̱ri mÉa̱ri n kagiÉa wa, evu n iyadi amangatawun (100) iêya. 9 An atoni yi a wuta̱i a kpatsu ki, a wenei wa̱ ta̱ n ilikulya, kpam wa zungu adan a akina. 10 Aku Yesu danai, “Tukoi adan a roku a asuvu a Éa i ka̱na̱i vi." 11 Aku Simo Bituru gonoi a kpatsu ki u ronoi ibilili yi ubana a kagiÉa. Adan a pige amangatawun n amangarenkupa n a tatsu (153) a Éa aêa̱ri pini, gba̱ n nala ibilili yi i kara wa. 12 Yesu tonuko le, “Tuwa̱i i lyai ilikulya.” Ko uza u te a asuvu a atoni yi u kawan u wece yi, “AÉa yai?” wa, kpaci a reve ta̱ Asheku a Éa. 13 Aku Yesu banai u bidyai burodi u na̱ka̱ le. U na̱ka̱ le kpam dem adan yi. 14 Tatsu Éa la vi an Yesu wenikei kaci ka ne ara le an u êya̱nga̱i a ukpa̱. 15 An a kotsoi ulya ilikulya, Yesu wecei Simo Bituru, “Simo maku ma Yahaya, va ciga mu kapala n uciga u Éa atoni a na a ka ciga mu?” U wushuki, “Eye, Asheku, vu reve ta̱ ma ciga vu.” Yesu danai, “Lina̱ka mmuku ma ncon n va̱." 16 Yesu doki u wecikei u ire, “Simo maku ma Yahaya, va ciga mu?” Bituru wushuki, “Eye, Asheku, vu reve ta̱ ma ciga vu!” Yesu danai, “Kirana na̱ ncon n va̱." 17 U doki u wecikei utatsu, “Simo maku ma Yahaya, va ciga mu?” Aku Bituru namgbai katsuma̱ an Yesu wece yi hal kutatsu u da wa ciga yi. Aku u tonukoi Yesu, “Asheku, vu reve ta̱ ko ndya wa. Vu reve ta̱ ma ciga vu.” Yesu tonuko yi, “Lina̱ka ncon n va̱. 18 Mayun n tonuko vu, aêayin a Éa va̱ri kalobo, vu tsu uka ta̱ aminya n kaci ka vunu vu bana a asu u Éa dem va ciga vu bana. Shegai vu kutsa baci, va ba̱ra̱kpa̱ ta̱ akere a vunu uza roku u uka vu, u rono vu ubana a asu u Éa bawu va ciga vu bana." 19 (Yesu dana ta̱ nala tsa̱ra̱ u wenike tyoku Éa Bituru wa kuwa̱ tsa̱ra̱ u na̱ka̱ Kashila̱ tsupige.) Aku Yesu tonukoi Bituru, “Tono mu!" 20 Bituru yira̱la̱kpa̱i aku u wenei katoni ka Yesu wa ciga vi wa tono le, aya kpam dem uza Éa u raÉai evu n Yesu an a ka lya ilikulya aku u wecikei, “Asheku, ya uza Éa wa neke vu vi?" 21 An u wene yi, u wecei Yesu, “Asheku, ndya ya tuwa̱ ya gita̱ n eyi?" 22 Yesu wushunku yi, “N da baci ma a̱sa̱ka̱ yi n uma hal aêayin a Éa ma gono, ndya i birika vu? Avu gai tono mu." 23 Aku alabari a kyawain a asu u atoni a da eyi nala vi wa kuwa̱ wa. Shegai Yesu dana Éa u danai eyi na wa kpa̱Éa̱ ukuwa̱ wa. Dana Éa gai u danai, “N da baci ma a̱sa̱ka̱ yi n uma hal aêayin a Éa ma gono, ndya i birika vu?" 24 Katoni ka nala ki aya u dansai gba̱ ili i na yi. U korongi iêya, kpam tsu reve ta̱ ukuna u mayun u Éa wa dansa. 25 Yesu yansa ta̱ ili i roku ushani. A da baci a ka korongu gba̱ ili i na yi a itagara̱da, a uwene u va̱ kabala ka̱ la a likimba ka ka bidya iêya wa.