Yahaya 17

1 An Yesu kotsoi udansa gba̱ ili i na yi, u weÉelei zuba u danai, “Tata, aêayin a yan Ée. Na̱ka̱ Maku ma vunu tsupige, tsa̱ra̱ Maku mi dem ma na̱ka̱ vu tsupige. 2 Vu na̱ka̱ ta̱ Maku mi ucira a kaci ka ama gba̱, tsa̱ra̱ Maku mi ma na̱ka̱ uma u Éa bawu wa̱ri n utyoku a asu u aza Éa vu na̱ka̱ yi gba̱. 3 Ure u utsa̱ra̱ uma u Éa bawu wa̱ri n utyoku u Éa na: a reve vu, uza Éa wa̱ri Kashila̱ ka mayun koshi, kpam a reve Yesu Kawauwi, uza Éa vu suki. 4 N wenike ta̱ tsupige tsu vunu a likimba an n kotsoi manyan ma vu na̱ka̱ mu n yain. 5 Gogoâna Tata, doku vu na̱ka̱ mu tsupige tsa ma̱ri n tsa an ma̱ri kaÉolo n avu kahu a yain likimba. 6 “Vu na̱ka̱ mu ta̱ atoni a roku pini a likimba u naha, kpam n wenike le ta̱ tyoku Éa va̱ri. Aza a vunu a Éa caupa, shegai vu na̱ka̱ mu n ele, kpam a gorimuko ta̱ kadyanshi ka vunu. 7 A reve ta̱ vu na̱ka̱ mu gba̱ ili iêya ma̱ri n iêya. 8 Kpaci n tonuko le ta̱ ili iêya vu tonuko mu, kpam a wushuku ta̱ n iêya. A reve ta̱ n wuta̱i ara vunu, kpam a wushuku ta̱ an aÉa vu suku mu. 9 Ma̱ le ta̱ uyanka kavasu. Aza a likimba a Éa ma̱ri uyanka kavasu wa, shegai aza Éa vu na̱ka̱ mu, adama a Éa aêa̱ri aza a vunu. 10 Gba̱ ama a nala yi aza Éa aêa̱ri atoni a va̱ aza a vunu a Éa, kpam gba̱ aza Éa aêa̱ri atoni a vunu aza a va̱ a Éa dem. Mayun a wenike ta̱ tyoku Éa tsupige tsu va̱ tsa̱ri. 11 Ma̱ ta̱ utuwa̱ ara vunu. Ma shamgba a likimba kpam wa. Shegai atoni a va̱ a buwa ta̱ ve pini a likimba. Wenike ucira u kala ka vunu; wata, kala ka vu na̱ka̱ mu, tsa̱ra̱ ko ili i sawa le wa. Aku a Éolomgbono a woko ili i te n atoku a le, tyoku Éa mpa n avu tsa̱ri ili i te. 12 N ucira u vunu u Éa, ucira u Éa vu na̱ka̱ mu tun ma̱ri a likimba n u Éa n Éishinkai ili i sawa le. Ko uza u te u le u puwa̱n wa, shegai uza Éa u ukai kaci ka ne a asuvu a ukpa̱ vi koshi, tsa̱ra̱ a shaÉangu ili iêya Tagara̱da u Kashila̱ u danai. 13 “Gogoâna mpa la a utuwa̱ ara vunu. Shegai n dansa ta̱ ili i na yi tun ma̱ri a likimba, tsa̱ra̱ atoni a va̱ a shaÉangu n maza̱nga̱ tyoku Éa dem ma̱ri. 14 N tonuko le ta̱ akani a vunu. Shegai ama a likimba a na a kovo le ta̱, adama a Éa bawu aêa̱ri ili i te n ama a likimba. Tyoku Éa dem mpa ma̱ri ili i te n likimba wa. 15 Tonuko Éa ma tonuko vu vu wutukpa̱ le a asuvu a likimba vi wa, shegai vu Éishinka uza u cingi vi u sawa le. 16 Ma̱ri a asuvu a aza a likimba u na wa, nala dem ele aza a likimba a Éa wa. 17 Gonuko le sarara vu wulukpe le a asu u uwenishike u akani a vunu a Éa aêa̱ri a mayun. 18 N suku le ta̱ a likimba, tyoku Éa dem vu suku mu a likimba. 19 N neke ta̱ kaci ka va̱ n gbashika vu kotsu ele dem a neke kaci ka le a gbashika vu. 20 “N yanka ta̱ atoni a nala yi kavasu, kpam dem ma yanka ta̱ aza Éa a ka tuwa̱ a wushuku na̱ mpa kavasu adama a ili iêya atoni a va̱ a ka tonuko le a kaci ka va̱. 21 Ma ciga ta̱ gba̱ le a woko ili i te n atoku, tyoku Éa ma̱ri ili i te n avu, avu kpam ili i te na̱ mpa. Ma ciga ta̱ dem a woko ili i te n a̱tsu. Ama a likimba kpam a ka wushuku ta̱ an a Éa vu suku mu. 22 N na̱ka̱ ta̱ ama a na tsupige tsa vu na̱ka̱ mu tsa̱ra̱ a woko ili i te, tyoku Éa mpa n avu tsa̱ri ili i te. 23 Mpa ili i te iêya ma̱ri n ele, avu kpam ili i te iêya va̱ri na̱ mpa, tsa̱ra̱ a woko ili i te gba̱. Tsa̱ra̱ ama a likimba a reve an aÉa vu suku mu. A reve kpam an va ciga atoni a va̱ tyoku Éa va ciga mu. 24 “Tata, vu na̱ka̱ mu ta̱ ama a na yi, kpam ma ciga le ta̱ a rongo a asu u Éa ma̱ri, tsa̱ra̱ a wene tsupige tsu va̱, tsupige tsa vu na̱ka̱ mu adama a Éa va ciga mu kahu uyan u likimba. 25 “Tata, aÉa va̱ri uza u shinga. Likimba reve vu wa, shegai n reve vu ta̱, kpam ama a na a reve ta̱ an vu suku mu. 26 N wenike le ta̱ tyoku Éa va̱ri, kpam ma lya ta̱ kapala n uyansa nala. Kotsu a cigamgbana dere tyoku Éa vu ciga mu, tsa̱ra̱ n Éolomgbono n ele."