Yahaya 15

1 Yesu lyai kapala n kadyanshi n atoni a ne, “Mpa kami ka katyaci ka mayun. Tata u va̱ u Éa kacimbi. 2 Katyangi ka baci ka̱ri a asuvu a va̱ bawu ka matsai, aku u kapa ka. U tsu gyara ta̱ kpam u lapula katyangi ka baci dem ka matsa̱sa tsa̱ra̱ ka doku ka matsa cika. 3 Ili iêya n tonuko Éa̱ i zuwa ta̱ i lapulai. 4 Ya rongo baci kaÉolo na̱ mpa, ma rongo ta̱ dem kaÉolo n a̱Éa̱. Katyangi ka tsu matsa n kaci ka ne wa. KafuÉa ta̱ ka matsa ka̱ baci kaÉolo n kami ka ne. Nala dem eÉa̱ ya fuÉa ya yan ili wa, she iêa̱ kaÉolo na̱ mpa. 5 “Mpa kami ka katyaci ki, eÉa atyangi. Uza Éa baci wa rongo kaÉolo na̱ mpa, mpa kpam ma rongo kaÉolo n eyi, wa matsa ta̱ ilimaci cika. Shegai ya fuÉa ya yan ili wa, she n Éa̱nga̱ Éa̱. 6 Uza Éa baci bawu wa̱ri kaÉolo na̱ mpa, wa̱ ta̱ tyoku u katyangi ka a varangi aku ka ekpei. Ama a tsu bidya ta̱ atyangi a ekpi tsa̱ra̱ a varangu a Éa a akina, a runukpa a Éa. 7 I rongo baci kaÉolo na̱ mpa kpam i tonoi uwenishike u va̱, ya folo ta̱ Tata ili iêya baci dem ya ciga, eyi kpam wa na̱ka̱ Éa̱ ta̱ iêya. 8 Ya matsa̱sa baci ilimaci ushani, nala wa wenike ta̱ ama eÉa̱ atoni a va̱ a Éa, kpam ya wenike ta̱ ama tsupige tsu Tata u va̱. 9 “Ma ciga Éa̱ ta̱ tyoku Éa dem Tata wa ciga mu. Gogoâna rongoi a asuvu a ucigi u va̱. 10 I yan baci ili iêya n danai, ya rongo ta̱ a asuvu a uciga u va̱. Tyoku Éa n yain ili iêya Tata u va̱ u tonuko mu n yain, kpam ma rongo a asuvu a uciga u ne. 11 N tonuko Éa̱ ta̱ ili i nala yi tsa̱ra̱ i tsa̱ra̱ maza̱nga̱ ma dem n tsa̱ra̱i, kotsu maza̱nga̱ ma Ée ma namba ili wa. 12 Ili iêya ma tonuko Éa̱ i yain iêya na: Cigai atoku a Ée tyoku Éa dem mpa n ciga Éa̱. 13 Vuma u kuwa̱ baci adama a kaje ka ne, nala wenike ta̱ an wa̱ri n uciga u pige u Éa u lai u ya dem. 14 EÉa̱ aje a va̱ a Éa, i tono baci ili iêya n danai. 15 N buwa Éa̱ kpam uêisa̱ agbashi wa, adama a Éa uzakuwa u tsu tonuko agbashi a ne ili gba̱ wa. Shegai n isa̱ Éa̱ ta̱ aje kpaci n tonuko Éa̱ ta̱ gba̱ ili iêya Tata u va̱ u tonuko mu. 16 I Éanga̱sa mu wa, mpa n Éanga̱sa Éa̱. Kpam n na̱ka̱ Éa̱ manyan ma na i yain: walai i ba i matsa ilimaci, icun i ilimaci iêya ya Éa̱ra̱kpa̱. Aku Tata u na̱ka̱ Éa̱ gba̱ ili iêya baci dem i foloi n kala ka va̱. 17 Ili iêya n tonuko Éa̱ i yain iêya na: Cigai atoku a Ée. 18 “Ama a likimba a na a kovo Éa̱ baci, ciÉai a gita̱ ta̱ a kovo mu. 19 EÉa̱ aza a likimba a Éa baci, wa ciga Éa̱ ta̱ tyoku Éa u tsu ciga ama a ne. Shegai n Éanga̱sa Éa̱ ta̱ a asuvu a likimba, kotsu i woko ama a ne wa. Æa i zuwai likimba u kovo Éa̱. 20 CiÉai ili iêya n tonuko Éa̱: Kagbashi ka tsu la uzakuwa u ne tsupige wa. Ama a yanka mu baci mavura, a ka yanka Éa̱ ta̱ dem. Kpam a yan baci ili iêya n wenishike le, a ka yan ta̱ dem ili iêya ya tonuko le. 21 Shegai a ka yan Éa̱ ta̱ mavura adama a Éa iêa̱ri ama a va̱. A ka yan ta̱ nala kpaci a reve uza Éa u suku mu wa. 22 A da baci n tuwa̱i n dansai n ele wa, aêa̱ri a ka yan n unyushi u unyushi u cingi wa. Shegai gogoâna aêa̱ n ure u uwuta̱ a unyushi u cingi u le wa. 23 Uza Éa baci dem u kovo mu, u kovo ta̱ dem Tata u va̱. 24 N yan ta̱ ikunesavu cika iêya bawu uza kotsu u yain. A da baci ma̱ri n yain manyan ma nala wa, aêa̱ri a ka yan n unyushi u unyushi u cingi wa. Shegai gogoâna a wene ta̱ ili iêya n yain, gba̱ n nala a kovo mu n Tata u va̱ dem. 25 Nala gita̱ ta̱ tsa̱ra̱ ili iêya iêa̱ri ukorongi a Mele ma le i woko mayun: ‘A kovo mu bawu kagita̱.’ 26 “Ma sukunku Éa̱ ta̱ uza Éa a ka isa̱ KaÉa̱ngi. Wa wuta̱ ta̱ a asu u Tata, aku u tuwa̱ ara Ée. Aya Kulu ku mayun. U tuwa̱ baci, wa dansa ta̱ ukuna u va̱. 27 EÉa̱ dem u ka̱na̱ ta̱ i tonuko ama ukuna u va̱, kpaci i rongo ta̱ kaÉolo na̱ mpa tun aêayin a Éa n gita̱i uwenishike."