Kagali ka Ibirahi 6

1 U gan ta̱ a dana i reve Ée uwenishike u kagita̱ u na vi, u Éa wa̱ri dere n uwenishike u mmuku n shili. Wata, ukpatala̱ka u ili iêya ya tuko ukpa̱ kucina̱, kpam dem n upityanangu n Kashila̱. Uwenishike a kaci ka ukuna u ulyuÉugusu n utaÉangusu u akere. Uwenishike a kaci ka uêya̱nga̱ u akushe n ukuna u afada a Éa bawu a ka kotso, iêa̱ ta̱ dem pini a asuvu a uwenishike u kagita̱. Gba̱ u gan ta̱ a dana i reve iêya Ée. Adama a nala, tsa yan kadyanshi a kaci ka le gogoâna wa, shegai Kashila̱ ka wushuku baci, tsa lya ta̱ kapala tsu yain kadyanshi ka ili iêya i yain dere n aza Éa a gbonguroi. 4 Ama roku a a̱sa̱ka̱ baci upityanangu n Kawauwi, ko uza wa̱ la wa zuwa le a kpatala kpam wa. Caupa, ama a na a wusha ta̱ katyashi ka Kashila̱ kpam a peÉei kune ku ne cika. Ama a na yi dem a wusha ta̱ Kulu Keri ki. 5 A reve ta̱ tyoku Éa kadyanshi ka Kashila̱ ka yankpai, kpam a wushai ucira aêayin a Éa Kashila̱ ka lya tsugono. 6 An a wushai ili i nala yi gba̱, aku a kpatala̱kai Kawauwi kucina̱. Wa yan a zuwa icun i ama a nala yi a kpatala kpam wa, kpaci Maku ma Kashila̱ ma kpam a doki a ka wuna a mawandamgbani an a êyuwain yi. Uwono u Éa a ka zuwusa yi a kapala ka ama gba̱. 7 Ama roku tyoku u uyamba u Éa u tsa̱ra̱i ilyushi ushani u Éa aêa̱ri. U na̱ka̱ ta̱ ama Éa a cimbai pini vi ilimaci i shinga, aku Kashila̱ ka zuwukai uyamba vi una̱ u shinga. 8 Ama roku tyoku u uyamba u Éa u tsu wutukpusa̱ awana a Éa aêa̱ri n mete ma cingi, kpam wa matsa ili wa. A ka Éa̱ra̱kpa̱ wa, Kashila̱ ka yanka ta̱ uyamba u nala vi una̱ kpam akina a kula̱ta̱ngu u Éa. 9 Ama a va̱ aza Éa ma ciga, ko an tsu yain kadyanshi ka na, tsa̱ri n kadambula n a̱Éa̱ wa, kpaci tsu reve ta̱ iêa̱ ta̱ a ure u shinga, ure u iwauwi. 10 Kashila̱ ka tsu yan ta̱ afada a ure u Éa u lobonoi. Wa ciÉa ta̱ manyan ma vu yain, kpam dem wa ciÉa ta̱ uciga u Éa vu wenike yi an vu Éa̱nga̱i ama a ne, kpam va lya kapala n vu Éa̱nga̱ le hal n gogoâna. 11 Ili iêya tsu lai n uciga iêya i ma̱tsa̱ ulya kapala nala hal ubana a makorishi, tsa̱ra̱ i tsa̱ra̱ ili iêya i zuwukai uma. 12 Tsa ciga i woko awonvoli wa. A una̱ u nala, tonoi iryoci i aza Éa a ka wusha ili iêya Kashila̱ ka zuwamgbanai adama a upityanangu n ahankuri a le. 13 An Kashila̱ ka yankai Ibirahi kazuwamgbani, u tsinai u yain ili iêya u zuwamgbanai. U tsinai n kala ka ne, adama a Éa uza roku wa̱ la u lai Kashila̱ wa. 14 U danai, “Mpa, Magono ma Zuba ma zuwuka vu ta una̱ u shinga, kpam ma na̱ka̱ vu ta̱ ntsikaya ushani!" 15 Ibirahi vanai u wene ushaÉangu u ukuna vi n ahankuri, aku u tsa̱ra̱i ili iêya Kashila̱ ka zuwamgbanai. 16 Ama a ka tsina baci, n uza Éa u la le tsupige Éa a tsu tsina. Utsina u le u wenike ta̱ ili iêya a danai vi mayun Éa, kpam u tsu tuko ta̱ utyoku u kananamgbani. 17 Kashila̱ dem u tsina ta̱ tsa̱ra̱ ama Éa a ka wusha ili iêya u tsina̱kai vi, a reve mayun Éa bawu wa savaÉa ili iêya u foÉusoi. 18 Ili i re i na yi ya savaÉa wa: Kashila̱ ka yan kaÉan wa, u zuwamgbana baci. Kpam u tsina baci, wa yan kaÉan wa. Ili i na yi i tsu gbamatangusu tsu ta̱ a̱tsu aza Éa tsu sumai ubana a asu u Kashila̱ tsa̱ra̱ u wusa tsu. I tsu na̱ka̱ tsu ta̱ ucira tsu Éa̱na̱ uzuwa u uma u Éa u na̱ka̱ tsu. 19 Uzuwa u uma u nala wa̱ ta̱ n ugbami a uma u tsunu, tyoku Éa kashamkpatsu ka kpatsu ka tsu shamkpa kpatsu a asu u te. Uza Éa tsa̱ri n uzuwa u uma u tsunu ara ne, aya Yesu, uza Éa walai a asu u kunya ka a ba̱ra̱kpa̱i a utsutsu ubana a Asu u Éa u Lakai Uwulukpiâ  a zuba. Adama a tsunu a Éa u yain nala. U wokoi Magono ma AÉara̱kpi ubana, kaÉara̱kpi ucun u Malikisada.